ՌԴ-ն hարվածել է կոմպրեսորային կայանին, որով Ադրբեջանից գազը մատակարարվել է Ուկրաինա
Օգոստոսի 6-ի գիշերը ՌԴ-ն հարձակվել է գազափոխադրման համակարգի մաս կազմող օբյեկտի վրա, որն ապահովում է Ուկրաինա բնական գազի մատակարարման դիվերսիֆիկացված երթուղի։ Այս մասին հայտնել է Ուկրաինայի Էներգետիկայի նախարարության մամուլի ծառայությունը, հաղորդում է Censor.NET-ը։
Այսպիսով, հարձակման է ենթարկվել Ուկրաինայի գազափոխադրման համակարգի օպերատորի կոմպրեսորային կայանը Օդեսայի մարզում՝ ուկրաինա-ռումինական սահմանի մոտ։
«Այս կոմպրեսորային կայանը օգտագործվել է որպես այն երթուղու մաս, որը Տրանսբալկանյան գազատարի միջոցով Հունաստանի հեղուկացված բնական գազի տերմինալները կապում է ուկրաինական գազի պահեստավորման օբյեկտների հետ, և որի միջոցով արդեն մատակարարվել են ԱՄՆ-ից հեղուկացված բնական գազ և ադրբեջանական գազի փորձնական ծավալներ։
Հենց այս գիշեր այդ մատակարարումները ապահովող սարքավորումները հարձակման են ենթարկվել տասնյակ հարձակողական անօդաչու թռչող սարքերով։ Սա ռուսական հարված է քաղաքացիական ենթակառուցվածքների, մասնավորապես՝ էներգետիկայի և միևնույն ժամանակ՝ Ադրբեջանի, ԱՄՆ-ի և Եվրոպայում գործընկերների հետ հարաբերությունների, ինչպես նաև ուկրաինացիների և բոլոր եվրոպացիների բնականոն կյանքի դեմ», - ասվում է հայտարարության մեջ։
Այս պահին հարվածի վայրում աշխատում են փորձագետներ՝ հարձակման հետևանքները պարզելու համար։ Էներգետիկայի նախարար Սվետլանա Գրինչուկը հարվածը որակել է ազդանշան «ամբողջ Եվրոպայի համար, որը պլանավորում է ամբողջությամբ հրաժարվել ռուսական բնական գազից 2027 թվականին»։
Latest from Live24
- Թրամփը հաջորդ շաբաթ կհանդիպի Պուտինի հետ. կպայմանավորվեն Զելենսկու հետ հանդիպման մասին. The New York Times
- «Կնքահայրը» ֆիլմի ռեժիսոր Ֆրենսիս Ֆորդ Կոպոլան հոսպիտալացվել է Հռոմում
- Ցողունային բջիջների հիման վրա քաղցկեղի դեմ նոր պատվաստանյութ է ստեղծվել
- Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Զանգեզուրի միջանցքը». իրանցի պատգամավոր
- Թուրքիան հերքում է Էրդողանի Ուկրաինա այցի նախապատրաստման մասին լուրերը
- 2020թ.-ից ի վեր միջազգային ասպարեզում Բաքվի վարչախումբը երբեք չի եղել այսքան խոցելի և թույլ, ինչպես հիմա է․ Վարդան Ոսկանյան
- Հնդկաստանն արձագանքել է լրացուցիչ մաքսատուրքեր սահմանելու Թրամփի որոշմանը
- Ստամբուլի ամբարտակներում ջրի մակարդակն օրեցօր նվազում է
Լրահոս
Ֆոտո
