Իսրայելը Ռուսաստանին և ՄԱԿ-ի Անվտանգության խորհրդի մյուս անդամներին մեղադրել է ապատեղեկատվություն տարածելու մեջ
Իսրայելի արտգործնախարար Գիդեոն Սաարը ՄԱԿ-ի Անվտանգության խորհրդի նիստում Ռուսաստանին, խորհրդի մյուս անդամներին և միջազգային լրատվամիջոցներին մեղադրել է «մեծաքանակ ստեր» և Իսրայելի դեմ ապատեղեկատվություն տարածելու մեջ, հաղորդում է Euronews-ը։
Նա նշել է, որ ՀԱՄԱՍ-ի և Պաղեստինի Իսլամական Ջիհադի անդամները չեն կերակրում պատանդներին, մինչդեռ իրենք «վայելում են միս, ձուկ և բանջարեղեն»։ Սաարը հայտարարել է, որ իր երկիրը թույլ է տալիս «մեծածավալ օգնություն» հոսել պաշարված տարածք և ՀԱՄԱՍ-ին մեղադրել է թալանի մեջ։
Իսրայելի գլխավոր դիվանագետը հայտարարել է, որ խմբավորումը գողանում է սնունդ, դեղորայք և այլ անհրաժեշտ ապրանքներ և օգտագործում դրանք որպես «ֆինանսական գործիք»՝ վաճառելու և շահույթ ստանալու համար։ ՄԱԿ-ի գլխավոր քարտուղարի ներկայացուցիչ Ստեֆան Դյուժարիկն ավելի վաղ հերքել է այդ պնդումները՝ հայտարարսելով, որ չկան ապացույցներ, որոնք դա կհաստատեին։
Սաարը միաժամանակ մեղադրել է պաղեստինցիներին «ահաբեկչություն հորինելու» մեջ, իսկ ՀԱՄԱՍ-ին՝ պատերազմը շարունակելու ցանկության մեջ՝ Իսրայելի հետ հրադադարի հասնելու փոխարեն։
«Աշխարհը գլխիվայր շրջվել է, մինչդեռ ՀԱՄԱՍ-ը գործարկում է իր քարոզչական մեքենան,- նշել է նա։ -Աշխարհ, որտեղ Իսրայելը հայտնվում է մեղադրյալի աթոռին, մինչ պայքարում է իր գոյատևման համար։ Դա անվանում ունի։ Այն կոչվում է հակասեմիտիզմ»։
Latest from Live24
- Թրամփը հաջորդ շաբաթ կհանդիպի Պուտինի հետ. կպայմանավորվեն Զելենսկու հետ հանդիպման մասին. The New York Times
- «Կնքահայրը» ֆիլմի ռեժիսոր Ֆրենսիս Ֆորդ Կոպոլան հոսպիտալացվել է Հռոմում
- Ցողունային բջիջների հիման վրա քաղցկեղի դեմ նոր պատվաստանյութ է ստեղծվել
- Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Զանգեզուրի միջանցքը». իրանցի պատգամավոր
- Թուրքիան հերքում է Էրդողանի Ուկրաինա այցի նախապատրաստման մասին լուրերը
- 2020թ.-ից ի վեր միջազգային ասպարեզում Բաքվի վարչախումբը երբեք չի եղել այսքան խոցելի և թույլ, ինչպես հիմա է․ Վարդան Ոսկանյան
- Հնդկաստանն արձագանքել է լրացուցիչ մաքսատուրքեր սահմանելու Թրամփի որոշմանը
- Ստամբուլի ամբարտակներում ջրի մակարդակն օրեցօր նվազում է
Լրահոս
Ֆոտո
