ԱՄՆ պետքարտուղար Մարկո Ռուբիոն շնորհավորական ուղերձ է հղել Թուրքիայի Հանրապետության հիմնադրման 102-ամյակի կապակցությամբ։ Նա մասնավորապես նշել է, որ ԱՄՆ-Թուրքիա հարաբերությունները չափազանց կարևոր են համաշխարհային խաղաղության, անվտանգության և բարգավաճման համար և հավելել, որ Թուրքիայի Հանրապետությունը երկար ժամանակ ՆԱՏՕ-ի արժեքավոր դաշնակիցն է։
«Թուրքիան շատ կարևոր գործընկեր է, որի հետ մենք ունենք բազմաթիվ ընդհանուր շահեր՝ տարածաշրջանային կայունության պահպանումից և ահաբեկչության դեմ պայքարից մինչև առևտրի ընդլայնում և էներգետիկ համագործակցության ամրապնդում։ Մեր երկկողմ համագործակցությունն ամերիկացիներին, թուրքերին և համաշխարհային հանրությանը շարունակում է դարձնել առավել անվտանգ և բարգավաճ»,- ուղերձում նշել է ԱՄՆ պետքարտուղարը։
