Սեպտեմբերի 09, 2025
Հնդկական «PTI» գործակալությունը, հղում անելով իր աղբյուրներին, հայտնում է, որ Պակիստանը խախտել է հրադադարը Ջամու և Քաշմիր նահանգում, տուժածներ չկան:
«Պակիստանը Ջամու և Քաշմիրի վերահսկողության գծի երկայնքով խախտել է հրադադարի ռեժիմը՝ չհիմնավորված կրակոցներ արձակելով Պունչ տեղամասում։ Հնդկական բանակը պատասխանել է հրադադարի խախտմանը: Փոխհրաձգությունը շարունակվել է 15 րոպե», - ասել են գործակալության աղբյուրները։
Հիշեցնենք` Հնդկաստանի և Պակիստանի միջև հարաբերությունները կտրուկ վատացան Պահալգամ քաղաքում ապրիլի 22-ին իրականացված ահաբեկչությունից հետո, ինչի հետևանքով զոհվեցին Հնդկաստանի 25 և Նեպալի 1 քաղաքացի, բազմաթիվ մարդիկ վնասվածքներ ստացան։ Հնդկաստանը հայտարարեց` իր հետախուզական ծառայությունները հայտնաբերել են ապացույցներ, որ «Լաշքար-է-Թայբա» խմբավորման իրականացրած ահաբեկչական գործողությանը մասնակցել է Պակիստանի միջգերատեսչական հետախուզությունը (ISI)։ Պակիստանի վարչապետ Շահբազ Շարիֆը հերքեց մեղադրանքները:
Մայիսի 7-ի գիշերը Հնդկաստանի պաշտպանության նախարարությունը հայտնեց, որ ի պատասխան Պահալգամի ահաբեկչության` իրականացրել է «Սինդուր» գործողություն՝ հարված հասցնելով Պակիստանի տարածքում գտնվող «ահաբեկչական ենթակառուցվածքին»: Գերատեսչությունը հայտարարեց, որ գործողության շրջանակում Պակիստանի ոչ մի ռազմական օբյեկտ հարձակման չի ենթարկվել: Պակիստանի իշխանություններն իրենց հերթին հայտարարեցին, որ Հնդկաստանը հարձակվել է պակիստանյան հինգ բնակավայրերի վրա, հարվածների հետևանքով զոհվել են տասնյակ մարդիկ: Պակիստանի ԱԳՆ-ն հայտարարեց, որ Իսլամաբադն իրեն համարժեք պատասխան տալու իրավունք է վերապահում:
Latest from Live24
- Ձերբակալվել է Սևան ՔԿՀ պետի տեղակալը
- Միջանցք անունով բան գոյություն չունի, խոսքը ճանապարհի մասին է. Իրանի դեսպանը՝ «Զանգեզուրի միջանցք»-ի մասին
- Ադրբեջանից հայտնում են, որ «Զանգեզուրի միջանցքի» ադրբեջանական հատվածի աշխատանքները կավարտվեն 2026 թվականին
- Հայաստան-Իրան-Հնդկաստան եռակողմ հանդիպման ընթացքում քննարկվել է «Խաղաղության խաչմերուկ» նախագիծը
- Երևանում կնվազեցվի ավարտական ակտ չստացած բազմաբնակարան շենքերի գույքահարկը
- Պակիստանի կողմից Հայաստանը «ՄԱԿ-ում ճանաչելու» խնդիր օրակարգում չկա. ԱԳՆ-ի արձագանքը
- ՀՀ–ի, Իրանի և Հնդկաստանի ԱԳՆ ներկայացուցիչների հանդիպումը կկայանա Երևանում 2025 թվականին
- Մանրամասներ՝ «Ազնավուր» սրճարանի դիմաց 16-ամյա տղային ծեծի ենթարկելու դեպքի մասին
Լրահոս
Prev
Next
Ֆոտո
