Իրանի ազգային անվտանգության խորհրդի քարտուղար է նշանակվել Գերագույն առաջնորդի խորհրդականը
Իրանի նախագահ Մասուդ Փեզեշքիանը երկրի գերագույն առաջնորդ այաթոլլա Ալի Խամենեիի ավագ խորհրդական Ալի Լարիջանիին նշանակել է Ազգային անվտանգության բարձրագույն խորհրդի նոր քարտուղար: Այս մասին հայտնում է «Nour News» գործակալությունը։
«Մասուդ Փեզեշքիանի հրամանագրով Ալի Լարիջանին նշանակվել է Ազգային անվտանգության բարձրագույն խորհրդի ղեկավար՝ այդ խորհրդի քարտուղարի կարգավիճակով», - ասված է գործակալության հաղորդագրության մեջ:
Երեք օր առաջ «Fars» գործակալությունը հայտնել էր, որ Լարիջանին շուտով կարող է զբաղեցնել այդ պաշտոնը՝ փոխարինելով Ալի Աքբար Ահմադիանին: Գործակալության տեղեկություններով՝ Ահմադիանը, հավանաբար, կստանձնի «երկրի բարձր մակարդակով կառավարման և համակարգման կարիք ունեցող մի շարք հատուկ ռազմավարական հարցերի պատասխանատվությունը»:
Նշենք, որ ավելի վաղ իրանական ԶԼՄ-ները հայտնել էին, որ ազգային անվտանգության ոլորտում համակարգումը բարձրացնելու համար Իրանում կստեղծվի պաշտպանության նոր խորհուրդ:
Latest from Live24
- Միջանցք անունով բան գոյություն չունի, խոսքը ճանապարհի մասին է. Իրանի դեսպանը՝ «Զանգեզուրի միջանցք»-ի մասին
- Ադրբեջանից հայտնում են, որ «Զանգեզուրի միջանցքի» ադրբեջանական հատվածի աշխատանքները կավարտվեն 2026 թվականին
- Հայաստան-Իրան-Հնդկաստան եռակողմ հանդիպման ընթացքում քննարկվել է «Խաղաղության խաչմերուկ» նախագիծը
- Երևանում կնվազեցվի ավարտական ակտ չստացած բազմաբնակարան շենքերի գույքահարկը
- Պակիստանի կողմից Հայաստանը «ՄԱԿ-ում ճանաչելու» խնդիր օրակարգում չկա. ԱԳՆ-ի արձագանքը
- ՀՀ–ի, Իրանի և Հնդկաստանի ԱԳՆ ներկայացուցիչների հանդիպումը կկայանա Երևանում 2025 թվականին
- Մանրամասներ՝ «Ազնավուր» սրճարանի դիմաց 16-ամյա տղային ծեծի ենթարկելու դեպքի մասին
- Կրակողը նախկինում սպանության համար եղել է դատապարտված, և ոտքին էլ «բրասլետ» է եղել
Լրահոս
Ֆոտո
