ԻՐՆԱ-ին տված հարցազրույցում ՀՀ փոխարտգործնախարար Վահան Կոստանյանը խոսել է Երևանի դիրքորոշման մասին տարածաշրջանում Միացյալ Նահանգների կամ որևէ երրորդ կողմի ներկայության վերաբերյալ և երաշխավորել, որ ԱՄՆ-ը տարածաշրջանային երկրների նկատմամբ բացասական դեր չի խաղա ։ 

«Ինչ վերաբերում է Թեհրանի մտահոգություններին այդ համաձայնագրի և Միացյալ Նահանգների դերի վերաբերյալ, պետք է ասեմ, որ դա երեկ և այսօր մեր քննարկումների հիմնական թեմաներից մեկն էր։ Ես այստեղ եկա այն ուղերձով, որ Հայաստանը հաշվի է առել Իրանի նկատառումները, և որ այս զգայուն կետերը հաշվի են առնվել տրանսպորտային կապի նախագծի վերաբերյալ նախնական բանակցություններում, որը հայտնի է որպես Թրամփի նախագիծ։

Այս նախագծի որոշ մանրամասներ արդեն որոշվել և համաձայնեցվել են, ես դրանք հայտնել եմ իրանական կողմին և պատրաստ եմ հրապարակայնորեն հայտարարել դրանց մասին։ Նախատեսվում է Հայաստանում գրանցել ընկերություն, որի բաժնետոմսերը կբաժանվեն Հայաստանի և Միացյալ Նահանգների միջև, բայց դա չի նշանակում Միացյալ Նահանգների ներկայությունը տարածաշրջանի անվտանգության ոլորտում։ Մենք հասկանում ենք, որ դա իրանական կողմի հիմնական մտահոգություններից մեկն էր, և ես կարծում եմ, որ այն լուծվել է», - ասել նա։