Մեքսիկայում բեռնատար գնացքը բախվել է ուղևորատար ավտոբուսին. կան զոհեր և վիրավորներ
Մեքսիկայի կենտրոնում բեռնատար գնացքը բախվել է երկհարկանի ուղևորատար ավտոբուսին, որի հետևանքով զոհվել է 10 և վիրավորվել առնվազն 61 մարդ։ Այս մասին հայտնում է Reuters-ը։
Տեղական իշխանությունները հայտնել են, որ բախումը տեղի է ունեցել Ատլակոմուլկո (Մեխիկո քաղաքից մոտ 115 կմ հյուսիս-արևմուտք) և Մարավատիո քաղաքների միջև ընկած ավտոմայրուղու արդյունաբերական գոտում։
Մեքսիկայի նահանգի գլխավոր դատախազի գրասենյակը հայտնել է, որ զոհվել է յոթ կին և երեք տղամարդ։ Վիրավորներից մի քանիսը գտնվում են ծանր վիճակում, իսկ մյուսները դուրս են գրվել հիվանդանոցից։
Դեպքի վայրից լուսանկարներում երևում է, որ գնացքը կիսել է ավտոբուսը։
Մեքսիկայի կառավարության կողմից դաշնային մայրուղիներում տեղի ունեցած բախումների վերաբերյալ վերջին զեկույցը ցույց է տվել, որ 2023 թվականին, ընդհանուր առմամբ, գրանցվել է 12 099 վթար, որոնց հետևանքով վնասը կազմել է ավելի քան 100 միլիոն դոլար, վիրավորվել է 6400 մարդ, իսկ զոհերի թիվը կազմել է գրեթե 1900:
Latest from Live24
- ՀԱՄԱՍ-ի բանակցային խմբի վրա հարձակումը վկայում է Իսրայելի՝ պատերազմը շարունակելու մտադրության մասին․ Թուրքիայի ԱԳՆ
- ԱՄՆ-ն Իսրայելին «կանաչ լույս» է տվել Կատարի մայրաքաղաքին հшրվածելու համար
- Դոհայում ՀԱՄԱՍ-ի ներկայացուցիչների վրա Իսրայելի հարձակումը միջազգային իրավունքի չափազանց վտանգավոր խախտում է․ Իրանի ԱԳՆ
- Վարչապետն ինձ այլ աշխատանք է վստահել. Սանոսյան
- Երևանում վիճաբանությnւն և ծեծկռտnւք է տեղի ունեցել․ կա վիրшվոր
- Նեպալում ցուցարարները հրդեհել են նաև նախագահի նստավայրը
- Իսրայելը Դոհայում հարձակվել է ՀԱՄԱՍ-ի վրա՝ հարվածելով բնակելի շենքերին. Կատարի ԱԳՆ
- Հայաստանի հավաքականի մեկնարկային կազմը՝ Իռլանդիայի դեմ
Լրահոս
Ֆոտո
