Խոսքս ուղղում եմ Գազայի բնակիչներին. ուշադիր լսե՛ք ինձ, դուք նախազգուշացվել եք, հեռացե՛ք այստեղից։ Այս մասին հայտարարել է Իսրայելի վարչապետ Նեթանյահուն։ 

Նա հայտնել է, որ վերջին երկու օրվա ընթացքում Գազայում ոչնչացվել է ահաբեկչական 50 բազա․ սա նախերգանք է հիմնական լայնածավալ գործողության։

«Մենք ինտենսիվ պատերազմ ենք մղում մի քանի ճակատներում։ Մենք պայքարում ենք ահաբեկչության դեմ՝ Եմենում, Գազայում, Լիբանանում՝ «Հըզբոլլահ»-ի և Իրանի հետ, որը աջակցում է նրանց բոլորին։ Մենք չենք նահանջելու։ Մենք կուժեղացնենք մեր գործողությունները և կհասնենք մեր բոլոր նպատակներին»,- նշել է նա։

Ինչպես գրում է Times of Israel-ը, նա անկլավի բնակիչներին կոչ է արել «փասափուսեն քաշել» քաղաքից։