Հունգարիան թույլ չի տա Ուկրաինային անդամակցել ԵՄ-ին. Հունգարիայի ԱԳՆ
Հունգարիայի ներկայիս կառավարությունը թույլ չի տա Ուկրաինային միանալ Եվրամիությանը։ Այս մասին հայտարարել է Հունգարիայի արտաքին գործերի և առևտրի նախարար Պետեր Սիյարտոն՝ մեկնաբանելով Եվրահանձնաժողովի նոր զեկույցը ԵՄ ընդլայնման վերաբերյալ և Բրյուսելի՝ Կիևի հետ անդամակցության բանակցություններ սկսելու մտադրությունը մինչև 2025 թվականի վերջը։
«Հունգարիայի ժողովուրդը հստակորեն հայտարարել է, որ չի ցանկանում, որ Ուկրաինան լինի Եվրամիության անդամ։ Եվ քանի որ ԵՄ ընդլայնման հարցը պահանջում է բոլոր անդամ պետությունների միաձայնություն, և Հունգարիան ու հունգարացի ժողովուրդը հստակորեն հայտարարել են, որ չեն աջակցում Ուկրաինայի անդամակցությանը Եվրամիությանը, Ուկրաինան չի լինի Եվրամիության անդամ», - ասել է Սիյարտոն։
Հունգարիայի կառավարությունը բազմիցս զգուշացրել է, որ թույլ չի տա Ուկրաինայի շտապողական անդամակցությունը Եվրամիությանը, քանի որ դա կքայքայի եվրոպական տնտեսությունը և կհանգեցնի Ռուսաստանի հետ ուղղակի զինված հակամարտության: Ավելին, Բուդապեշտը պահանջում է, որ Կիևը վերականգնի Անդրկարպատիայում հունգարական փոքրամասնության իրավունքները:
Հիշեցնենք, որ ավելի վաղ ԵՄ փոխնախագահ Կայա Կալլասը հայտարարել էր, որ մինչև 2030 թվականը ԵՄ-ին կարող են անդամակցել նոր երկրներ, այդ թվում՝ Ալբանիան, Մոլդովան, Ուկրաինան և Չեռնոգորիան:
Latest from Live24
- Հայտնի է` ովքեր կսպասարկեն Պորտուգալիա – Հայաստան հանդիպումը
- Ռուսաստանը կարող է համագործակցել Հնդկաստանի հետ՝ անօդաչու տեխնոլոգիաների ոլորտում
- Մարսի քարայրները. հնագույն ջուրը ստեղծել է ապաստաններ կյանքի և մարդկանց համար
- Արեգակի վրա տեղի է ունեցել նախավերջին դասի հզորության բռնկում
- Մոսկվայում տեղացել է առաջին ձյունը
- ԱՄՆ-ն Կարիբյան ծովում hարվածել է ևս մեկ նավի (տեսանյութ)
- Ես կարծում էի, որ շատ լավ հարաբերություններ ունեմ Պուտինի հետ, մտածում էի՝ հեշտ կլինի․ Թրամփ
- Երևանում «Opel Astra»-ն բախվել է «Toyota»-ին, «Mercedes»-ին, «Tesla»-ին և «Chevrolet Volt»-ին
Լրահոս
Ֆոտո
