Նիկոլ Փաշինյանը գոհ է ընձառյուծի պոպուլյացիայի վերականգնման ծրագրից
Կովկասյան ընձառյուծի պոպուլյացիայի վերականգնման ծրագիրը, որը 2002 թվականից իրականացվում է Բնության համաշխարհային հիմնադրամի հետ, զգալի արդյունքներ է տալիս։ Այս հայտարարությունն արել է ՀՀ վարչապետ Նիկոլ Փաշինյանը` ելույթ ունենալով Ալթայում անցկացվող միջազգային բնապահպանական համաժողովում։
«Արդեն իսկ արձանագրվել է այս կենդանատեսակի մշտական բնակություն և ձագերի բազմացում Հայաստանում, ինչը վկայում է կովկասյան ընձառյուծի բնակավայրի կայունացման և սննդապահովման կայունության մասին», – նշել է վարչապետը։
Փաշինյանի խոսքով՝ ՀՀ-ն կարևորում է կենսաբազմազանության պահպանությունը և իրականացնում է վայրի կենդանիների պոպուլյացիաների վերականգնման ծրագրեր։ Հայաստանի վարչապետը նշել է, որ Բնության համաշխարհային հիմնադրամի հետ իրականացվում է նաև կովկասյան ազնվացեղ եղջերուի պոպուլյացիայի վերականգնման ծրագիրը Դիլիջանի արգելոցի տարածքում։
«Ալթայ 2025» միջազգային բնապահպանական համաժողովն անցկացվում է Ալթայի Հանրապետության «Մանժերոկ» հանգստավայրում հուլիսի 24-ից 26-ը։ Ավելի վաղ Ռուսաստանի կառավարության մամուլի ծառայությունը հայտնել էր, որ համաժողովին մասնակցում են Հայաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի կառավարական պատվիրակությունները։
Latest from Live24
- Արարատ Միրզոյանը մեկնում է արձակուրդ
- Եվրամիությունը մտադիր է մեկ տարով կրճատել ռուսական գազից հրաժարվելու ժամկետները
- Իրանը ևս մեկ անգամ ցույց տվեց իր հիմքերի ամրությունը. Իրանն օրեցօր ավելի կուժեղանա. Խամենեի ուղերձը
- Տարադրամի փոխարժեքները հուլիսի 26-ին
- Փողերի լվացման և պաշտոնական դիրքի չարաշահման հոդվածներով վարույթ՝ Էջմիածնի նախկին քաղաքապետի դրվագով
- 10 միլիո՞ն, թե՞ փոքր-ինչ ավելի պակաս աշխատավարձ կստանա Ռոմանոս Պետրոսյանը. «Ժողովուրդ»
- Սարյանը միակողմանի դարձնելուց հետո Մաշտոցի ծանրաբեռնվածությունը մոտ 50 տոկոսով ավելացել է
- 1000 խոշոր հարկատուների ցանկը գլխավորում է «Մոբայլ Սենթրը»
Լրահոս
Ֆոտո
