ՀՀ ԱԺ «Հայաստան» խմբակցությունը հայտարարություն է տարածել, որում ասվում է.
«Գործող իշխանությունը հատել է օրենքի և բարոյականության բոլոր սահմանները:
Թշնամաբար հարվածներ է հասցրել պետականության բոլոր հենասյուներին՝ Անկախության հռչակագրին, Սահմանադրությանը, բանակին, եկեղեցուն, սփյուռքին:
Հանձնել է Արցախը: Նենգ գործելավոճով փորձում է լռեցնել ազգային դիմադրության օջախները: Քողարկելով իր հանցավոր վարքագիծը, շեղելով հանրությանը հայոց պետականության սպառնալիքներից, ձգտելով խուսափել ազգային դավաճանության համար պատասխանատվությունից՝ Նիկոլ Փաշինյանը բացահայտ ահաբեկչություն է իրականացնում հայ ժողովրդի նկատմամբ:
Շարունակվում են բռնատիրության կանոներով մարդկանց ապօրինի ձերբակալությունները, խուզարկություններն ու կալանավորումները: Ներկայացվում են շինծու մեղադրանքներ, կիրառվում են հոգեբանական տեռորի բոլոր միջոցները՝ դրանք ուղեկցելով «հանցանքների» նախապատրաստության արհեստածին նկարագրություններով: Ազգային ընդդիմադիր գործիչներին, նրանց աջակիցներին վերագրվող արարքները չարիքի իշխանությունը կարող է տարածել Հայաստանի Հանրապետության և աշխարհասփյուռ հայության՝ հայրենիքով մտահոգ յուրաքանչյուր անդամի նկատմամբ: Նման պայմաններում հայ ժողովրդի բոլոր արժանապատիվ զավակների պարտքն է միավորվել և կանխել հայոց պետականության գլխավոր սպառնալիքի՝ Հայաստանի գործող իշխանության հետագա գործողությունները:
Օրվա գլխավոր խնդիրը Հայաստանի վերջանական բռնատիրացումը կանխելն է, սրանց հեռացումը, պատասխանատվության ենթարկելը, երկրի ու հայության արժանապատվության վերականգնումը: Ադպես էլ լինելու է: Շուտով»:
Latest from Live24
- ՀՀ–ում սեռական և աշխատանքային թրաֆիքինգի հատկանիշներով քրեական վարույթներն ավելացել են
- Սարիկ Մինասյանը կարող է նշանակվել ՀԷՑ-ի մասնաճյուղի տնօրեն
- Ալբերտայի իշխանությունները կոչ են արել հաստատել Կանադայից անջատվելու մասին հանրաքվեի հարցը
- ՌԴ-ն «Իսկանդեր»-ով հարվածել է Ուկրաինայի զորավարժարանին
- Հնարավոր է կարճատև անձրև և ամպրոպ. օդի ջերմաստիճանը էապես չի փոխվի
- Ջրաբերի ավազի հանքում հայտնաբերվել է տղամարդու մարմին
- Եկատերինբուրգում հետախուզման մեջ է հայտնվել ադրբեջանական սփյուռքի ղեկավարը
- Մելանյան հավանում է Պուտինին. Թրամփ
Լրահոս
Ֆոտո
