ԱՄՆ նախկին նախագահ Դոնալդ Թրամփին Ջորջիա նահանգում մեղադրանք է առաջադրվել։ «Մեծ ժյուրին» կարծում է, որ նա փորձում էր ազդել 2020 թվականի ընտրությունների արդյունքի վրա, գրում են միջազգային ԶԼՄ-ները:
Թրամփի դեմ նոր մեղադրանքները ներառում են 13 կետ։ Մասնավորապես, նա մեղադրվում է կոռուպցիայի դեմ պայքարի մասին օրենքը խախտելու, պետական ծառայողների երդումը խախտելուն դրդելու, կեղծ փաստաթղթեր ներկայացնելու մեջ։
Մեղադրանքներ են առաջադրվել նաև նախկին նախագահի նախկին փաստաբան Ռուդի Ջուլիանիի և Սպիտակ տան նախկին աշխատակից Մարկ Մեդոուսի դեմ։
Ինչպես նշվում է, բոլոր ամբաստանյալները պետք է դատարան ներկայանան ոչ ուշ, քան օգոստոսի 25-ին։ Գործի ըստ էության քննությունը կարող է սկսվել վեց ամսվա ընթացքում։
ԱՄՆ հաջորդ նախագահական ընտրությունները տեղի կունենան 2024 թվականի նոյեմբերին։ Չնայած քրեական հետապնդմանը՝ Թրամփը կարծում է, որ գործող նախագահ Ջո Բայդենին հաղթելու իր հնարավորությունները «մոտ են 100%-ի»։
0Comments