Մեծ պահքն իրենից ենթադրում է նաև սննդակարգի փոփոխություն: Պահքի ժամանակ կարևոր է մոռանալ շատակերության մասին, պետք է ուտել այնքան, որ բավարար լինի կշտանալու համար:
Պահքի ժամանակ սննդակարգից հանում են կենդանական ուտեստները
- Միս և մսամթերք
- Կաթնամթերք
- Թռչնեղեն
- Ձու
- Ձկնեղեն
Ի՞նչ է կարելի ուտել
Պահքի շրջանում հիմնականում օգտագործում են բուսական աղցաններ, ընդեղեն, փլավներ (ոսպով և բրնձով, մակարոն), որոնք պատրաստված են բուական յուղով կամ խաշած են առանց կարագի, շիլաներ, միրգ և բանջարեղեն, սունկ, հատիկաընդեղեն մշակաբույսեր (ոլոռ, սիսեռ, ոսպ), կամ դրանցով պատրաստված պասուց տոլմա, ապուրներ:
Մի քանի ուտելիք, որոնք գրեթե միշտ, հարց են առաջացնում մարդկանց մոտ, կարելի՞ է ուտել թե՞ ոչ:
1. Ձուկը,
2. գինին,
3. թթխմորը,
4. մարգարինը,
5. մեղրը:
Նշված բոլոր սնունդներն էլ կարելի է օգտագործել բացի ձկնեղենից:
Մեղրը կենդանական չի համարվում, քանի որ մեղուն այն հավաքում է ծաղիկներից, իսկ նեկտարը պահում բերանում: Մարգարինը նույնպես կարելի է օգտագործել, քանի որ ի տարբերություն կարագի այն բուսական ծագում ունի:
Սխալ կարծիք կա, որ պահքը նպաստում է նիհարելուն: Դա այդպես չէ, քանի որ հիմնականում մեր օրգանիզմը ստանու է նույն քանակությամբ կալորիաներ այլ սնունդի միջոցով: Օրինակ, ոսպը պարունակում է նույնքան կալորիա, որքան միսը:
Պետք է նաև հիշել, որ բացի սննդակարգին հետևելուց առաջին հերթին անհրաժեշտ է ազատվել հոգեկան ու բարոյական ամեն տեսակի ախտերից ու մոլություններից, հեռու մնալ ստախոսությունից, ինչպես նաև կարևորէ անել աստվածահաճո և առաքինի գործեր:
0Comments