Երգչուհի Ալլա Պուգաչովան Instagram-ում ներողություն է խնդրել երգչուհի Մանիժա Սանգինից՝ «Կրոկուս Սիթի Հոլ» համերգասրահում տեղի ունեցած ահաբեկչությունից հետո։
lurer.com-ը փոխանցում է, որ Մանիժան տեսաուղերձ է ձայնագրել, որում արցունքն աչքերին խոսել է ահաբեկչությունից հետո Տաջիկստանի և Կենտրոնական Ասիայի բնակիչների նկատմամբ ատելության բորբոքման մասին։ Երգչուհին հիշել է, թե ինչպես էր մանուկ հասակում ամառներն անցկացնում Դուշանբեում՝ տատիկի հետ։ Նա պատմել է, որ տատիկն իրեն սովորեցրել է լինել խոնարհ և ընդունել այն, ինչ տալիս է ճակատագիրը: Եվ նաև «երբեք չվերցնել այն, ինչը քեզ չի պատկանում»:
«Այսօր տատիկս 14 տարի է, ինչ չկա։ Վերջին մի քանի տարիների ընթացքում շատ էի մտածում, որ ուրախ եմ, որ նա չի անցնում այն ամենի միջով, ինչ կատարվում է մեզ և աշխարհի հետ: Ուրախ եմ նաև, որ այն հետևանքները, որոնք կբախվեն տաջիկների և Կենտրոնական Ասիայի բոլոր բնակիչները, չեն ազդի նրա վրա: Ես նաև ուրախ եմ, որ նա չի տեսել այդ դաժան գիշերը»,- ասել է նա։
Մանիժան հիշեցրել է, որ ահաբեկչությունն ազգություն չունի և կոչ է արել մարդկանց «մարդ մնալ»։
Պուգաչովան մեկնաբանել է հրապարակումը։
«Ներողություն» - գրել է դիվան:
Մանիժան Պուգաչովային պատասխանել է, որ նրան շատ է սիրում։
0Comments