Այսօր այս ամբիոնից Սարգիս Խանդանյանը մի շարք հայտարարություններ արեց, որոնց պիտի անդրադառնամ. պարոն Խանդանյանը խոսում էր իսպանական ամոթից, դե դուք շատ պիտի որ դա զգացած լինեք, հույս ունեմ զգացել եք, երբ Պրահայում Նիկոլ Փաշինյանը Արցախը Ադրբեջանի կազմում էր ճանաչում: Այս մասին այսօր՝ մայիսի 6-ին, ԱԺ-ում հայտարարությունների ժամին իր ունեցած ելույթում նշեց «Պատիվ ունեմ» խմբակցության ղեկավար Հայկ Մամիջանյանը:

Նա շարունակեց. «Կամ, երբ որ ՄԱԿ-ում Հայաստանին անդրադարձնում էին Փաշինյանի ասածները, կամ եթե վերջերս Ջերմուկ, Սյունիք կամ Գեղարքունիք եք գնացել ու տեսել եք այն տարածքները, որոնք հիմա ադրբեջանական վերահսկողության տակ են,  կամ եթե, ինչպես տրամաբանական պիտի որ լիներ, ցանկություն առաջանար Արցախ գնալու, այդ ժամանակ պիտի որ իսպանական ամոթ զգայիք։

Բացի դրանից, պարոն Խանդանյանը ասում է, որ ես դիմել եմ եվրոպացիներին, խնդրել եմ քվեարկել այդ օրինագծի դեմ: (խոսքը ԵԺԿ-ի ընդունած բանաձեւի մասին է, որը ՀՀԿ-ն քննադատել էր-խմբ), Ես որևէ մեկին չեմ դիմել, բայց ես և իմ գործընկերները շատ անգամ ենք խնդրել, համոզել, բացատրել մեր եվրոպացի գործընկերներին հայանպաստ բանաձևերի համար քվեարկելու համար, նույն ԵԺԿ-ում ցեղասպանության 100-րդ տարելիցի հետ կապված, նույն ԵԺԿ-ում Արցախի ու Հայաստանի շահերը սպասարկող, ու շատ ուրիշ կառույցներում: Դա ինձ համար պատվաբեր փաստ է:

Ավելին, դուք էլի նենգափոխեցիք, ստեցիք, որ այդտեղից մենք հանել ենք տվել բացառապես Փաշինյանի անվան հիշատակումը: Ոչ, մի քանի տեղից ենք հանել տվել, բայց դա չի այդքան կարևոր, ամենակարևորը, որ մենք ավելացրել ենք արցախցիների վերադարձի իրավունքի հիշատակումը, Հանրապետականը և Րաֆֆի Հովհաննիսյանը համատեղ ջանքերով, և դա հաղպարտության առիթը։

Չասեցիք ամբողջությամբ, որ այդ հայտարարության մեջ Արմեն Աշոտյանը վերահաստատվում էր որպես քաղբանտարկյալ, այդ հատվածը ոնց որ մոռացաք։

Այո, իմ գործընկերները այդ ժամանակ «Եդինա Ռոսիայի» կազմակերպած ֆաշիզմի դեմ պայքարի միջոցառման նեյին Մոսկվայում, և կարծում եմ, որ Հայաստանի երևի քաղաքացիների ճնշող մեծամասնությունը լսել է այնտեղ Շարմազանովի ելույթը ու տեսել է, թե մենք ինչպես ենք ադրբեջանցիներին պատասխանում, իսկ դուք նույնիսկ երբ որ անձնապես ձեզ է վիրավորում ձեր ադրբեջանցի գործընկերը, չեք անդրադարձնում, էլ ուր մնաց Հայաստանի մասին արտահայտություններին պատասխանեք:

Այնպես որ ձեր ելույթների արդյունքում միայն ամոթ է լինում մեր քաղաքացիների մոտ, իսպանական, ադրբեջանական, թուրքական, չգիտեմ, բայց բացառապես ամոթ: Իսկ Շարմազանովի ելույթը հույս և արժանապատվության զգացում կարժանացնի յուրաքանչյուր հայի մոտ:

Այդ ամբողջի մասին խոսելուց էդ ո՞նց է, որ չասեցիք, որ այդպես խաբեությամբ էիք հայտնվել, խաբել էիք մեր գործընկերներին, որ ձեզ դահլիճից հեռացրել են: Բա այդ ամեն ինչի մասին էլ խոսեիք, խոսքը գնում է բանաձևի նիստի դահլիճից»,-ասաց նա: