Սեպտեմբերի 12, 2025
ՀՀ-ոմ ԵՄ պատվիրակության ղեկավարը քննարկել է դատավորների և դատախազների կարիերայի գնահատման հարցը
Արդարադատության նախարարի տեղակալներ Տիգրան Դադունցը և Աննա Կարապետյանը ներկա են գտնվել սեպտեմբերի 11-ից 12-ը Երևանում մեկնարկած՝ ԵՄ «ԹԱՅԵՔՍ» գործիքի շրջանակում 2024 թվականի հոկտեմբերի 14-ից 17-ը իրականացված` դատավորների ու դատախազների կարիերայի գնահատման նպատակով փորձագիտական խմբի այցելության արդյունքում մշակված զեկույցի վերաբերյալ աշխատաժողովին:
Աննա Կարապետյանն իր բացման խոսքում բարձր է գնահատել փորձագետների կողմից ներկայացված զեկույցը և վերջիններիս կատարած աշխատանքը՝ շեշտադրելով Արդարադատության նախարարության համակարգմամբ իրականացված աշխատանքները և վերահաստատելով պատրաստակամությունը՝ ապահովելու դատաիրավական բարեփոխումների շարունակական իրականացումը։
Նախարարի տեղակալ Տիգրան Դադունցը ներկայացրել է Արդարադատության նախարարության դիրքորոշումը զեկույցում արված առաջարկների վերաբերյալ, ինչպես նաև անդրադարձել դրանց լուծմանն ուղղված ոլորտային իրավական ակտերի նախագծերին։
Աշխատաժողովին բացման խոսքով է հանդես եկել նաև Հայաստանում ԵՄ պատվիրակության ղեկավար, դեսպան Վասիլիս Մարագոսը։ Միջոցառմանը մասնակցել են նաև Բարձրագույն դատական խորհրդի անդամ Երանուհի Թումանյանցը և Գլխավոր դատախազի տեղակալ Լիլիթ Գրիգորյանը:
Աշխատաժողովին անդրադարձ է կատարվել գնահատման արդյունքում փորձագետների կողմից ներկայացված առաջարկներին, մասնավորապես` քննարկվել են դատավորների ու դատախազների անկախության, նշանակման, կատարողականի գնահատման և այլ հարցեր:
Վերոնշյալ հանդիպումը ծառայել է հարթակ, որտեղ ներկաները հնարավորություն են ունեցել ոլորտի առաջատար ԵՄ փորձագետների հետ քննարկելու ներկայացված զեկույցը և Նախարարության կողմից իրականացվող քաղաքականությունը:
Աշխատաժողովի երկրորդ օրը քննարկվելու են դատավորների և դատախազների կարգապահական պատասխանատվության, վերապատրաստումների և առաջխաղացմանն առնչվող հարցեր:
Latest from Live24
- ԱՄՆ-ում Մեծ Բրիտանիայի դեսպանը պաշտոնանկ է արվել Ջեֆրի Էպշտեյնի հետ կապերի պատճառով
- Ջրային կոմիտեի նախագահը, ՏԿԵ փոխնախարարը և ԱՍՀ նախարարության գլխավոր քարտուղարն ազատվել են պաշտոններից
- Պատերազմը Ուկրաինայում կշարունակվի ևս երկու տարի․ ԵՄ դիվանագիտության ղեկավար
- Պառլամենտական ընդդիմությունն այլևս չկա, ականատեսն ենք լինում նրանց վերջին խռխռոցներին․ Սիմոնյան
- Հայկական կողմը դրական է վերաբերվում Թուրքիայի հետ սահմանի բացմանը. Սերդար Քըլըչ
- Նեթանյահուի Դոհային հասցված հшրվածը ոչնչացրեց պատանդների ազատ արձակման բոլոր հույսերը. Կատարի վարչապետ
- ԱՄՆ-ն մտադիր է Հայաստանին տրամադրել 145 մլն դոլար աջակցություն
- Լեհաստանը երեք ամսով թռիչքների սահմանափակումներ է մտցնում
Լրահոս
Prev
Next
Ֆոտո
