Հայերը գնալու են, Ադրբեջանից բենզինն ավելի էժան առնեն, գան․ Ալեն Սիմոնյան
ՀՀ ԱԺ նախագահ Ալեն Սիմոնյանը վստահ է, որ շատ կարճ ժամանակում հայերն ու ադրբեջանցիներն իրար հետ առևտուր են անելու, ձևավորվելու է միասնական շուկա, մեր խանութներում լինելու են ադրբեջանական ապրանքներ, իսկ հայկական ապրանքներն էլ լինելու են Բաքվի և ադրբեջանական մյուս քաղաքների խանութներում։ Լրագրողների հետ ճեպազրույցում այս մասին ասաց ՀՀ ԱԺ նախագահ Ալեն Սիմոնյանը։
«Հայերը գնալու են, բենզինն ավելի էժան առնեն, գան, որովհետև էդպես ձեռնտու է»,- հայտարարեց Սիմոնյանը։
Լրագրողը հետաքրքրվեց, թե ինչպես ադրբեջանական կողմի համար սկզբունքային է Հայաստանի տարածքով անխոչընդոտ անցումը, այդ ճանապարհին հայերին չտեսնելը, ժամանակակից, տեխնիկական միջոցներով զննումը և այլն, արդյոք նույն կերպ սկզբունքայի՞ն է հայկական կողմի համար անցնելը` չտեսնելով ադրբեջանցիներին և այլն։ Սիմոնյանը նշեց, թե կարճ ու կոնկրետ կարող է պատասխանել, որ գործելու է փոխադարձության սկզբունքը։
Նա չպատասխանեց լրագրողի այն դիտարկմանը, թե Ադրբեջանում, օրինակ, երկրի ղեկավարի մակարդակով որևէ անգամ հայտարարություն չի հնչել, թե հայերն էլ ադրբեջանական տարածքով անխոչընդոտ կամ պարզեցված ընթացակարգերով անցում են ունենալու։
«Ադրբեջանը նույնպես շատ մեծ վերքեր ունի, համարում է (չեմ վիճում՝ ճիշտ է, թե սխալ է), որ 30 տարի ՀՀ-ն իրենց երկրի 20 տոկոսը պահել է օկուպացիայի տակ, մինչև ցեղասպանություն հասնող հայտարարություններ է անում։ Իր մտածելակերպը տենց է։ Ակնհայտ է, որ Ադրբեջանի համար շատ կարևոր է ամեն հնարավոր ապագա սպառնալիք կանխել ու հանկարծ թույլ չտալ, որ 50-100 տարի հետ՝ ամեն ինչ կարող է լինել»,- ասաց Սիմոնյանը։
Latest from Live24
- Վենեսուելայի նախագահ Մադուրոն Ռուսաստանից հրթիռներ և ինքնաթիռներ է խնդրել ԱՄՆ-ին հակազդելու համար
- Հայկ Բաբայանը նշանակվել է Ոստիկանության գվարդիայի հրամանատար
- Թալինում պահածոյացված վարունգից թունավորվել են ընտանիքի 5 անդամներ
- Եվրոպայի երիտասարդների մրցաշարում պայքարի մեջ կմտնի ծանրորդ Մերի Միսակյանը
- Ռուսական Սու-35Ս-ը դարձել է ամենաարդյունավետ ժամանակակից կործանիչը. «Ռոստեխ» կորպորացիա
- Օդի ջերմաստիճանը կբարձրանա 2-3 աստիճանով. եղանակի տեսություն
- Շիրակի մարզպետի խորհրդականն ու նրա սանիկը պարեկի են ծեծել. «Առավոտ»
- Տիգրան Ավինյանը մեն–մենակ է մնացել․ «Հրապարակ»
Լրահոս
Ֆոտո
