Չինաստանի և Թաիլանդի ռազմաօդային ուժերն օգոստոսին «Բազեի հարված 2024» անունը կրող համատեղ զորավարժություններ կանցկացնեն, ըստ Xinhua-ի՝ ասված է Չինաստանի պաշտպանության նախարարության տարածած հաղորդագրության մեջ։
Միջոցառումը կանցկացվի ըստ երկու երկրների զինված ուժերի միջև համագործակցության տարեկան ծրագրի, հայտնել են Չինաստանի պաշտպանական գերատեսչությունից:
Համատեղ զորավարժությունները կանցկացվեն Թաիլանդի ռազմաօդային ուժերի բազայում։ Չինական կողմը դրանց մասնակցելու համար մի քանի տեսակի ինքնաթիռներ և հատուկ նշանակության ջոկատներ կուղարկի:
Նշվում է, որ միջոցառման նպատակն է բարելավել երկու կողմերի ստորաբաժանումների հմտություններն ու մարտունակությունը և խորացնել երկու երկրների զինված ուժերի միջև գործնական փոխգործակցությունն ու համագործակցությունը։
0Comments