Թուրքիայի արտգործնարարությունը հայատարարություն է տարածել Լիբանանում տեղի ունեցողի համատեքստում իր քաղաքացիների տարհանման պլանի վերաբերյալ: Այս մասին տեղեկացնում է ermenihaber.am-ը։
«Պատրաստվել են մեր քաղաքացիներին ծովային կամ օդային տարբերակով տարհանելու համար այլընտրանքային պլանները»,-ասվել է հայտարարության մեջ:
Բացի այդ, դրանում ընդգծվել է, որ Լիբանանում տիրող անվտանգային վիճակը կարող է էլ ավելի վատանալ:
Ըստ նախարարության հայտարարության, ծրագիրն իրականացնելու համար ձևավորվել է «Արտաքին գործերի նախարարության կոորդինացման և աջակցման կենտրոն»:
Նշվել է, որ գործողությունները կատարվելու են ԱԳ նախարարության, ոստիկանության գլխավոր վարչության և միգրացիայի կառավարման վարչության աշխատակիցներից կազմված անձնակազմի միջոցով:
Հիշեցնենք, որ Իսրայելը հոկտեմբերի 1-ին ցամաքային «Հյուսիսային նետեր» ռազմագործողությունն էր մեկնարկել Լիբանանում:
0Comments