Գալյանն ու Քվինը քննարկել են երկկողմ օրակարգին վերաբերող հարցեր
ՀՀ արդարադատության նախարար Սրբուհի Գալյանն ընդունել է ՀՀ-ում ԱՄՆ արտակարգ և լիազոր դեսպան Քրիստինա Քվինին: Այս մասին հայտնում են ՀՀ արդարադատության նախարարությունից:
«Սրբուհի Գալյանն ԱՄՆ դեսպանի հետ քննարկել է ապրիլի 7-11-ը Վաշինգտոն կատարվելիք աշխատանքային այցի օրակարգը: Անդրադարձ է կատարվել Հայաստանի Հանրապետության և ԱՄՆ միջև հանցանք կատարած անձանց հանձնման և դատապարտյալների փոխանցման հետ կապված հարաբերությունները կարգավորող իրավական հենքի ստեղծման աշխատանքներին, ԱՄՆ թմրամիջոցների դեմ պայքարի և իրավապահ համագործակցության ազգային բյուրոյի ղեկավարության հետ նախատեսված հանդիպմանը:
Արդարադատության նախարարն ու ԱՄՆ դեսպանը քննարկել են նաև երկկողմ օրակարգին վերաբերող հարցեր: ՀՀ արդարադատության նախարար Սրբուհի Գալյանն ապրիլի 7-11-ը Ամերիկայի Միացյալ Նահանգներում (Վաշինգտոն) կմասնակցի՝ «Գործընկերություն հանուն կոռուպցիայի դեմ պայքարի» միջազգային համաժողովին»,- ասված է հաղորդագրությունում:
Latest from Live24
- Ռուսական անօդաչու սարքը մտել է Ռումինիայի օդային տարածք
- Գազան արդեն լքել է ավելի քան 250 հազար մարդ
- Երևանի 4 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
- Լեհաստանի հակաօդային պաշտպանության ուժերը բերվել են մարտшկան պատրաստության վիճակի
- Կալանավորվել է Վրաստանի նախկին պաշտպանության նախարար Ջուանշեր Բուրչուլաձեն
- Պայթյուն Մադրիդի սրճարանում․ կա 21 տուժած
- Վրաստանում բռնագրավել են նախկին ֆինանսիստի ակտիվները. նա փորձել էր լքել երկիրը Հայաստանի տարածքով
- Հութիները հիպերձայնային բալիստիկ հրթիռով հարվածել են Թել Ավիվին
Լրահոս
Ֆոտո
