ՏԻՄ ընտրություններում անցողիկ շեմն անցած ընդդիմադիր ուժերը պետք է միանան։ 168.am-ի փոխանցմամբ՝ Sputnik Արմենիա մուլտիմեդիոն կենտրոնում այս հայտարարությունն արեց Ռուսաստանի հայերի միության (ՌՀՄ) նախագահ Արա Աբրահամյանը։

«Ցավոք, մեզ մոտ այնպես է դասավորվել, որ յուրաքանչյուրն առանձին է, ինտելիգենցիան, բիզնես էլիտան, ոչ ոք ոչինչ չի ասում։ Շատերն էլ ասում են, թե «մենք իրար հետ չունենք», բայց արդեն այն վիճակին են հասցրել, որ «հայրենիք» և «հայրենիքի շահ» հասկացողություններն այլևս չկան, միասնականություն չկա։

Օրինակ` Գյումրու ընտրություններում էլ միասնականություն չկար, որ միասին ընդդիմությունը որոշումներ կայացրած լիներ։ Մի բան կասեմ` ով չմիացավ, իր խիղճն իրեն հանգիստ չի տալու։ Պետք է միանան, միասնականությունն է կարևոր, քանի որ վարչապետը երկիրը բաժանել է սևերի և սպիտակների»,- նշեց Աբրահամյանը։

Նա վստահ է` միասնականության շնորհիվ հնարավոր կլինի Հայաստանը դուրս բերել ստեղծված իրավիճակից։