Մոսկվայի եւ Բուդապեշտի հարաբերությունները շարունակում են զարգանալ՝ չնայած բոլոր դժվարություններին։ Այս մասին հայտնել է Ռուսաստանի նախագահ Վլադիմիր Պուտինը Հունգարիայի վարչապետ Վիկտոր Օրբանի հետ հանդիպման ժամանակ, տեղեկացրել է «ՌԻԱ Նովոստի»-ն։

Նա ընդգծել է, որ Ռուսաստանը տեղյակ է Օրբանի հավասարակշռված դիրքորոշմանը ուկրաինական հարցում։

ՏԱՍՍ-ի փոխանցմամբ՝ Պուտինը չի բացառել այն հնարավորությունը, որ Ռուսաստանի եւ ԱՄՆ-ի միջեւ բանակցությունները կարող են հանգեցնել գագաթաժողովի անցկացման Բուդապեշտում։

Իր հերթին, Օրբանը հայտնել է իր պատրաստակամությունը՝ հարթակ տրամադրել Ուկրաինայի հարցով բանակցությունների համար։