Պորտուգալիայի և Սաուդյան Արաբիայի «Ալ-Նասրի» հարձակվող Կրիշտիանու Ռոնալդուն թանկարժեք նվերներ է տվել իր ազգային հավաքականի թիմակիցներին, հաղորդում է SIC Noticias-ը։

Աղբյուրի համաձայն՝ 40-ամյա մարզիկը ֆուտբոլիստներին բացառիկ ժամացույցներ է նվիրել՝  Ազգերի լիգայում նրանց հաղթանակի առթիվ։ Ժամացույցների թվատախտակի վրա պատկերված է Պորտուգալիայի ֆուտբոլի ֆեդերացիայի զինանշանը և Ազգերի լիգայի գավաթի պատկերը, իսկ հետևի մասում փորագրված է «Ազգերի լիգայի չեմպիոններ 2025» գրությունը։ Արտադրվել է ընդամենը 35 ժամացույց։

Ռոնալդուն նվերները թիմակիցներին է տվել Աշխարհի առաջնության որակավորման փուլի Հայաստանի դեմ խաղից կարճ ժամանակ առաջ (9-1 հաշվով հաղթանակ)։ Հավաքածուներից մեկը նա ուղարկել է «Լիվերպուլի» նախկին կիսապաշտպան Դիոգո Ժոտայի ընտանիքին։