Ռուսաստանի Դաշնության Ռյազանի մարզում տեղի ունեցած արտակարգ պատահարի հետևանքով զոհերի թիվը հասել է 11-ի, բժշկական օգնություն է ցուցաբերվել 130 տուժածի, որոնցից 29-ը հոսպիտալացվել են։ Այս մասին հայտնում է մարզային օպերատիվ շտաբը։

Ավելի վաղ Ռյազանի մարզպետ Պավել Մալկովը հայտնել էր, որ օգոստոսի 15-ին հրդեհ է բռնկվել Շիլովսկի շրջանի ձեռնարկություններից մեկի արտադրական արհեստանոցում։ Մալկովը նշել էր, որ ավելի քան100 մարդ վիրավորվել է, 5-ը՝ մահացել։ Նշվել էր նաև, որ Շիլովսկի շրջանի տարածքում հայտարարվել է արտակարգ դրություն։

Օպերատիվ շտաբի տվյալներով՝ Ռյազանի հիվանդանոցներ է տեղափոխվել 13 տուժած, 16 մարդ տեղափոխվել է Մոսկվայի բժշկական կենտրոններ։

Անցած երեկոյան և գիշերվա ընթացքում արտակարգ իրավիճակների նախարարության և Ռուսաստանի Ազգային գվարդիայի կողմից փլատակների տակից դուրս է բերվել երեք մարդ։

Շարունակվում են պատահարի հետևանքների վերացման աշխատանքները, արգելված է մուտք գործել պատահարի տարածք մուտք գործելն արգելված է։

Նշենք, որ միջադեպի փաստով հարուցվել է քրեական գործ Ռուսաստանի Դաշնության Քրեական օրենսգրքի217-րդ հոդվածի 3-րդ մասով(վտանգավոր արտադրական օբյեկտների արդյունաբերական անվտանգության պահանջների խախտում, որը հանգեցրել է երկու կամ ավելի անձանց մահվան՝ անփութության պատճառով):