Ինքնասպան է եղել ՌԴ տրանսպորտի նախարարը, որին Պուտինն այսօր ազատել էր աշխատանքից
ՌԴ տրանսպորտի նախկին նախարար և Կուրսկի մարզի նախկին ղեկավար Ռոման Ստարովոյտը, որին այսօր ՌԴ նախագահ Վլադիմիր Պուտինն ազատել էր պաշտոնից, ատրճանակից արձակած կրակոցով ինքնասպան է եղել Օդինցովոյում գտնվող իր տանը։ Տեղեկությունը հայտնում է ՌԻԱ Նովոստին` հղում անելով արտակարգ ծառայություններին։
Ռոման Ստարովոյտի ինքնասպանության նախնական պատճառը հնարավոր քրեական գործն է։
112–ի տեղեկություններով՝ պաշտոնյայի դեմ ցուցմունք է տվել Կուրսկի մարզի նախկին ղեկավար Ալեքսեյ Սմիրնովը, որը վերջերս ձերբակալվել էր տարածաշրջանում ամրաշինական կառույցների շինարարության ժամանակ խոշոր յուրացումների համար:
Ըստ Mash-ի`Ստարովոյտն ինքնասպանություն է գործել այն զենքով, որը 2023 թվականին պարգև է ստացել ՆԳՆ ղեկավարությունից։
Հիշեցնենք` Ստարովոյտը տրանսպորտի նախարարի պարտականություններից ազատվել է այսօր` հուլիսի 7-ին: Նրա հնարավոր հրաժարականի մասին ավելի վաղ չէր հաղորդվել։ ՌԴ տրանսպորտի նախարարի պաշտոնում նշանակվել է Անդրեյ Նիկիտինը։
Latest from Live24
- Գրոսին Ուկրաինայում տեղի ունեցող մարտերը համարում է գլխավոր ռիսկը միջուկային անվտանգության համար
- Իսրայելը հարվածներ է հասցրել Լիբանանի հարավում գտնվող «Հեզբոլլահի» տեղակայման վայրերին
- Ձնաբքի պատճառով 4 զբոսաշրջիկ է մահացել
- Իսրայելցի զինվորականները տարհանման կոչ են արել հարավային Լիբանանի բնակավայրերի բնակիչներին
- «Մեզ ասել են, որ հունվարի 1–ից ՌԴ տարածքում կարող ենք մնալ 180 օր». բեռնատարի վարորդները դրական սպասումներ ունեն
- Նեթանյահուի գլխավորությամբ Իսրայելի ռազմաքաղաքական ղեկավարությունն այցելել է Սիրիա
- Պեսկովը հերքել է Axios-ի հրապարակումը՝ ԱՄՆ-Ռուսաստան գաղտնի բանակցությունների մասին
- Զելենսկին կարող է չդիմավորել Ամանորը. ԱՄՆ-ում կանխատեսում են արել
Լրահոս
Ֆոտո
