Հայաստան միջուկային վառելիքի թափոն չի տեղափոխվել. նախարարությունը հերքում է լուրը
Հայաստան միջուկային վառելիքի թափոն չի տեղափոխվել։ Այս հայտարարությունն արել է ՀՀ շրջակա միջավայրի նախարարությունը` հերքելով մամուլում հրապարակված տեղեկությունը։
«Մամուլում տարածված «Ֆրանսիական «Orano» ընկերությունը գաղտնի կերպով Հայաստան է տեղափոխում միջուկային վառելիքի թափոններ, որոնք պահվելու են ազգային պարկերից մեկում» վերնագրով հոդվածում ներկայացվածն ամբողջությամբ ապատեղեկատվություն է և չի համապատասխանում իրականությանը։ Կոչ ենք անում բոլորին զերծ մնալ չստուգված ու անհայտ աղբյուրներից տարածվող տեղեկատվության հանրայնացումից և պատասխանատվությամբ մոտենալ հրապարակվող նյութերի հավաստիությանը»,– ասված է նախարարության հաղորդագրությունում։
Ի դեպ, մամուլի տվյալ հրապարակման մեջ նշված է, որ «Orano» ընկերությունը վտանգավոր թափոններ է արտահանում Հայաստան, որը ֆինանսավորում է ՀՀ վարչապետի հետ կապ ունեցող մի հիմնադրամ։
Նշենք, որ 2019 թ. մարտի 6–ին այդ ժամանակ ՀՀ նախագահ Արմեն Սարգսյանն ընդունել էր միջուկային էներգիայի ոլորտի ֆրանսիական պատվիրակությանը, որի կազմում էին Ֆրանսիայի միջուկային էներգիայի հանձնաժողովի և ֆրանսիական «Orano» (նախկին AREVA) ընկերության ներկայացուցիչներ: Հանդիպմանը խոսվել էր միջուկային էներգետիկայի ոլորտում հայ-ֆրանսիական համագործակցության խորացման հնարավորությունների մասին:
Latest from Live24
- Սրբուհի Գալյանը մեկնաբանել է իր մոտալուտ հրաժարականի մասին լուրերը
- Լեհաստանն ամբողջությամբ փակում է Բելառուսի հետ սահմանը. ԱԳՆ
- Ամերիկացի ակտիվիստ Չարլի Քըրքի մահվան առնչությամբ ԱՄՆ-ի ողջ տարածքում կխոնարհվեն դրոշները
- Հայ–ադրբեջանական պատվիրակությունները հանդիպել են Սյունիքի և Զանգելանի հարավային մասում
- Թուրքական մեդիակայսրության ընկերություններում զանգվածային ձերբակալություններ են իրականացվել
- Թուրքիան մինչև տարեվերջ սկսելու է 4-օրյա աշխատանքային շաբաթվա անցնելու փորձնական նախագիծ
- ԱՄՆ Կոնգրեսը հաստատել է պաշտպանության համար գրեթե 900 միլիարդ դոլարի հատկացումը
- Մասկն առաջինն է, ում կարողությունը գերազանցեց 400 միլիարդ դոլարը
Լրահոս
Ֆոտո
