Ռուսաստանի Պետդուման չեղարկել է Անկախ Պետությունների Համագործակցության մասնակից երկրների զինվորականների կենսաթոշակների և ԱՊՀ անդամ երկրների զինվորականների պետական ապահովագրության մասին համաձայնագիրը, հայտնում է Ինտերֆաքսը։ Չեղարկվել է նաև սահմանապահ զորքերի զինծառայողներին, նրանց ընտանիքների անդամներին կենսաթոշակ տրամադրելու և ԱՊՀ անդամ երկրների սահմանապահ զորքերի զինծառայողներին պետական ապահովագրության կարգի վերաբերյալ օրենքը։
Բացատրական գրության մեջ ասվում է, որ դրանք 1992 թվականի մայիսի 15-ին ստորագրված համաձայնագրեր են, որոնց մասնակիցներն են Ադրբեջանը, Հայաստանը, Բելառուսը, Ղազախստանը, Ղրղզստանը, Մոլդովան, Տաջիկստանը, Ուզբեկստանը, Ուկրաինան։
Նշվում է, որ վերջին տարիներին Ռուսաստանում զգալիորեն ավելացել են կենսաթոշակ վճարելու դեպքերը այն անձանց, ովքեր զինվորական ծառայություն չեն անցել ո՛չ ԽՍՀՄ-ում, ո՛չ էլ Ռուսաստանի Դաշնությունում։ Կենսաթոշակների նշանակման ձևական միգրացիոն հոսքերի ավելացմանը դեպի Ռուսաստան, որտեղ ապահովված է կենսաթոշակների ամենաբարձր մակարդակը, ասվում է բացատրական գրության մեջ։
Մինչև համաձայնագրերի չեղյալ հայտարարումը նշանակված կենսաթոշակները չեն վերանայվի, Ռուսաստանը կշարունակի վճարել դրանք։
0Comments