ԱԺ «Պատիվ ունեմ» խմբակցությունը չի քննարկել ԵՄ-ին Հայաստանի անդամակցության օրինագծի քվեարկության հարցը։ Այս մասին հունվարի 23-ին Ազգային ժողովի ավանդական ճեպազրույցներում հայտնել է ընդդիմադիր պատգամավոր, Հայաստանի Հանրապետական կուսակցության անդամ Հայկ Մամիջանյանը։
Նրա խոսքով՝ ՀՀԿ-ն իր դիրքորոշումը կհնչեցի անմիջապես այն բանից հետո, երբ հարցն ընդգրկվի խորհրդարանական հաջորդ քառօրյայի օրակարգում։ «Բայց ես ակնկալում եմ, որ այն քաղաքական միավորները, որոնք նախաձեռնել են դա, ազնիվ կլինեն ժողովրդի հետ եւ ուղիղ կասեն, որ, ըստ էության, ԵՄ-ի կողմից դրական արձագանք չի եղել։ Բացառությամբ Եվրախորհրդարանի մի քանի պատգամավորների։ Մեզ դեռ ոչ ոք ԵՄ չի հրավիրել։ Ակնկալում եմ, որ նախաձեռնողները կխոստովանեն, որ զբաղվում են հույս վաճառելով եւ փորձում մոլորեցնել մեր հասարակությանը»,- նշել է Մամիջանյանը։
0Comments