Կրթության իմաստը չըմբռնածները խոսում են իբր մեր չկրթված լինելու մասին։ Անգաղափարնեերը գոռում են գաղափարախոսության բացակայության մասին։ Հիմա էլ անհայրենիք ու պետության իմաստը չհասկացածները սկսել են խոսել հայրենիքի ու պետության տարբերությունների մասին։
Հայ հասարակությունը շատ ավելի կրթված է քան բոլոր մեր հարևաններն են։ Միջին վիճակագրական Հայը ավելի կրթված է քան միջին եվրոպացին ու ամերիկացին։
Նախ մենք ավելին քան ունենք գաղափարախոսություն։ Բա ձեր կարծիքով սկսած Խորենացուց մինչև Նժդեհ ինչի՞ մասին են գրել։
Հետո էլ բոլոր կայացած պետությունները կառուցվել են արժեքների, այլ ոչ թե գաղափարախոսությունների վրա։ Ժամանակակից Եվրոպայի հիմնադիր Կառլը Եվրոպան կառուցեց արժեքների վրա, այլ ոչ թե ասեց գնամ միհատ գաղափարական գիրք գրեմ, հետո նոր գամ տեսնեմ ինչ եմ անում։ Մեծ Բրիտանիան նույնիսկ սահմանադրություն չունի, և իրենք են ասում՝ մեր երկիրը կառուցված է արժեքների վրա։ Հռոմից մինչև ԱՄՆ կառուցվել են հենց արժեքների վրա։ Իսկ գաղափարախոսությունների վրա կառուցվածները միշտ վերածվել են տոտալիտար համակարգերի՝ կոմունիստական ու ֆաշիստական գաղափարական ռեժիմները վկա։
Հիմա արդեն 3-րդ կեղծ նառատիվն են սրսկում մեր մեջ՝ մենք չենք հասկանում ինչ է պետությունը ու բավարար հայրենասեր չենք։ Միայն այն փաստը, որ պատերազմների ժամանակ տոկոսային հարաբերությամբ ամենաշատ քանակի կամավորականներն ենք ունենում, արդեն բավարար է ջարուփշուր անել մեր հայրենիքը չսիրելու մասին կեղծ թեզը։
Այս 3 կեղծ թեզերը մեր մեջ սրսկում են մեկ նպատակով՝ մեզ թերարժեքության կոմպլեքսի մեջ գցելու ու ինքնաոչնչացման տանելու համար։
Մեր իրական խնդիրը մեկ տեղում է՝ մենք չունենք առաջնորդող էլիտաներ, մասնավորապես բացակայում է վերը նշված արժեքային քաղաքական դասը, ովքեր իրենք մարդկային արժեքների շուրջ կկառուցեն արդեն Հայոց պետականությունը։
Վահրամ Մարտիրոսյան
0Comments