Իսրայելի վրա հարձակումը պատրաստվել է ավելի քան մեկ տարի․ ՀԱՄԱՍ

Իսրայելի վրա հարձակումը պատրաստվել է ավելի քան մեկ տարի։

Այս մասին Associated Press-ի հետ զրույցում ասել է պաղեստինյան ՀԱՄԱՍ խմբավորման ներկայացուցիչ Ալի Բարաքեն։

«Հարձակման նախապատրաստմանը մասնակցել են ՀԱՄԱՍ-ի շուրջ վեց բարձրաստիճան հրամանատարներ:

Իրանը չի օգնել խմբավորմանը և չի մասնակցել Իսրայելի վրա հարձակման ծրագրին:

Իրանն ու «Հըզբոլլահ»-ը նախկինում օգնել են ՀԱՄԱՍ-ին, բայց 2014 թվականից ի վեր խմբավորումն ինքն է հրթիռներ արտադրում և զինյալներին վարժեցնում:

Հարձակումն ուղղված է եղել Սաուդյան Արաբիայի և Իսրայելի հարաբերությունների կարգավորման ուղղությամբ ԱՄՆ-ի ջանքերի խափանմանը:

Հարձակումը պայմանավորված է եղել Իսրայելի կառավարության մի շարք գործողություններով, որոնք իրականացվել են վերջին մեկ տարվա ընթացքում: Խոսքը Երուսաղեմի սրբավայրեր սադրիչ այցերի և Իսրայելում պաղեստինցի բանտարկյալների վրա ճնշման ուժեղացման մասին է։ Բացի այդ, Թել Ավիվը շարժման ղեկավարությանը վերացնելու ծրագրեր ունի:

Ռազմական գործողություններին մասնակցել է Գազայի հատվածում գտնվող 40 000 զինյալներից մոտ 2000-ը:

Մենք հույս ունենք, որ դաշնակիցները կօգնեն, եթե շարժումը ձախողվի։ ՀԱՄԱՍ-ը պատրաստ է Իսրայելի հետ երկարատև պատերազմի սցենարին»,- ասել է Բարաքեն։