«Մեկ գոտի, մեկ ճանապարհն» ու «Խաղաղության խաչմերուկը» կարող են միավորվել և Հայաստանին մեծ օգուտներ բերել. չինացի պրոֆեսոր
Հուլիսի 30, 2025

«Մեկ գոտի, մեկ ճանապարհն» ու «Խաղաղության խաչմերուկը» կարող են միավորվել և Հայաստանին մեծ օգուտներ բերել. չինացի պրոֆեսոր

By Ապրիլի 30, 2025 163

Չինաստանի Ռենմին համալսարանի պրոֆեսոր Ժենգ Յունտիանի կարծիքով՝ չինական «Մեկ գոտի, մեկ ճանապարհ» և հայկական «Խաղաղության խաչմերուկ» նախաձեռնությունները կարող են միավորվել և Հայաստանին օգուտ բերել տարբեր ուղղություններով։ 

Չինացի պրոֆեսորը նման տեսակետ է արտահայտել «Արմենպրես»-ի թղթակցի հետ զրույցում՝ ընդգծելով, որ փոփոխվող աշխարհակարգի ֆոնին Հայաստանը և Չինաստանը պետք է համախմբեն իրենց ուժերը՝  զարգացնելու և խորացնելու համագործակցությունը։ 

Գնահատելով Հայաստանի և Չինաստանի միջև հարաբերությունների ներկա մակարդակը և տարբեր ոլորտներում հայ-չինական գործընկերության զարգացման հեռանկարները՝ զրուցակիցը նշել է, որ վերջին տարիներին, ուսումնասիրելով Հարավային Կովկասի հիմնահարցերը, նկատել է, որ 2013 թվականին չինական «Մեկ գոտի, մեկ ճանապարհ» նախաձեռնության երևան գալուց ի վեր՝ Չինաստանի և Հայաստանի միջև հարաբերություններն ավելի են ամրապնդվել։  

«Ե՛վ առևտրի, և՛ մշակութային փոխանակումների առումով շատ ասպեկտներ են բարելավվում։ Եվ ես իսկապես լավատեսական զգացումներ ունեմ երկու երկրների միջև հարաբերությունների վերաբերյալ, քանի որ մենք մշակութային առումով շատ նմանություններ ունենք։ Ես իսկապես հավատում եմ, որ հատկապես փոփոխվող աշխարհակարգի ֆոնին Չինաստանը և Հայաստանը պետք է համախմբեն ուժերը՝ զարգացնելու և խորացնելու հարաբերությունները»,-նշել է պրոֆեսորը։  

Նրա դիտարկմամբ՝ չինական «Մեկ գոտի, մեկ ճանապարհ» նախաձեռնությունն ապագայում օգուտ կբերի Հայաստանին։ 

Հաղորդակցային ուղիների համատեքստում անդրադառնալով Հայաստանի կառավարության նախաձեռնած «Խաղաղության խաչմերուկ» ծրագրին՝ չինացի պրոֆեսորը կարծիք է հայտնել, որ դա բավականին խելամիտ ռազմավարություն է Հայաստանի զարգացման տեսանկյունից։ 

«Այդ նախաձեռնությանը ես ծանոթացել եմ անցյալ տարի և կարծում եմ, որ այն շատ խելացի ռազմավարություն է Հայաստանի զարգացման համար։ Իմ կարծիքով՝ «Մեկ գոտի, մեկ ճանապարհ» և «Խաղաղության խաչմերուկ» նախաձեռնությունները կարող են միավորվել և Հայաստանին օգուտ բերել տարբեր ասպեկտներով»,-ընդգծել է Ժենգ Յունտիանը։ 

Պրոֆեսորը խոսել է նաև հայ-ադրբեջանական բանակցային գործընթացի և խաղաղության համաձայնագրի կնքման հավանականության մասին՝ նշելով, որ Չինաստանի դիվանագիտական ​​քաղաքականության տեսանկյունից խաղաղությունը, անվտանգությունը և համագործակցությունը միշտ էլ այս դարաշրջանի թեմաներն են։ 

«Անկախ նրանից, թե ինչ հակամարտություններ ու պատերազմներ են ընթանում աշխարհի այլ մասերում, Եվրասիայում՝ հատկապես Հին Մետաքսի ճանապարհի երկայնքով գտնվող երկրներում, մենք պետք է ինչ-որ բան անենք խաղաղության և զարգացման համար։ Այսպիսով, Չինաստանը միշտ շեշտը դնում է խաղաղության և զարգացման վրա»,- շեշտել է Չինաստանի Ռենմին համալսարանի պրոֆեսոր Ժենգ Յունտիանը։ 

Rate this item
(0 votes)

Լրահոս

Ֆոտո

Երևանի մետրոպոլիտենը հիշեցնում է՝ օգոստոսի 1-ից շրջանառությունից դուրս կգան թղթային QR կոդերը

Վրաստանում վառելիքը թանկացել է

Թրամփը քիչ հավանական է համարում նոյեմբերին կայանալիք G20-ի գագաթնաժողովին իր մասնակցությունը

Միջանցքի ստեղծումը հակասում է մեր ազգային շահերին․ ԻՀՊԿ

ԱՄՆ-ը Լիբանանից պահանջում է արագ որոշում ընդունել «Հըզբոլլահ»-ի զինաթափման վերաբերյալ. Reuters

Oգոստոսի 1-ից Ադրբեջանը Թուրքիայի տարածքով գազ կմատակարարի Սիրիային

Սոնա Մնացականյանին մահացու վրաերթի ենթարկելու գործով դատաքննությունն ավարտվեց. դատարանը հեռացել է խորհրդակցական սենյակ

Ամերիկացիներն ու բրիտանացիները Զելենսկուն փոխարինող են գտել. Ռուսաստանի ԱԴԾ

Անկարան և Լոնդոնը նոր արշավ են նախաձեռնել հայկական ատոմակայանի դեմ

Եվրամիության 9 երկիր վարկ է խնդրել զենք գնելու համար

«ԱրՔա» համակարգի բնականոն աշխատանքը վերականգնվել է. հայտարարություն

Մերցը հայտարարել է, որ Գերմանիան դեռ պատրաստ չէ ճանաչել Պաղեստինի պետությունը

Ամերիկացիներն ու բրիտանացիները Զելենսկուն փոխարինող են գտել. Ռուսաստանի ԱԴԾ

Թուրքական «Baykar» ընկերությունը Հայաստանի հետ սահմանին ԱԹՍ–ների թռիչքների սիմուլյացիա է իրականացրել

Ավստրիա-Գերմանիա սահմանին Վրաստանի քաղաքացիներ են ձերբակալվել