Գրեթե 2,2 մետր հասակով ամերիկացի տղամարդը պատմել է առօրյա կյանքում իր առջև ծառացած մարտահրավերների մասին, գրում է Daily Mail-ը։

երկու մետրը գերազանցող Մարկ Ջեքսոնի համար նույնիսկ ամենապարզ առաջադրանքները հաճախ մարտահրավեր են դառնում։ Հարմար հագուստ գտնելը չափազանց դժվար է. նա հաճախ ստիպված է ժամերով որոնել առցանց։ Ինքնաթիռներում նրան հարմար են միայն արտակարգ ելքի շարքի նստատեղերը, և նույնիսկ ամենամեծ մահճակալը հնարավորություն չի տալիս նրան հարմարավետ պառկել. նա ստիպված է պառկել անկյունագծով։ Ավելին, նա պարբերաբար գլուխը հարվածում է առարկաներին։ «Մի անգամ Ֆրանսիայում աստիճաններից ընկնելուց հետո ես կարեր ստացա։ Ես շարունակ գլուխս խփում եմ»,- պատմում է նա։

Ընդ որում,  Ջեքսոնը նշել իր հասակի որոշ առավելություններ. օրինակ՝ նա միշտ «ամբոխից վեր է» և գրավում է կանանց ուշադրությունը։ Նա ասում է, որ աղջկան ժամադրության հրավիրելը խնդիր չէ, բայց աղմկոտ վայրերում շփվելը հեշտ բան չէ։ «Դժվար է հանդիպել մարդկանց բարերում. դու պետք է անընդհատ թեքվես, որպեսզի լսես զրուցակցիդ»,- նշել է ամերիկացին։