ԱՄՆ նախագահ Դոնալդ Թրամփը պատրաստ է որոշակի պայմաններով ստորագրել ՌԴ-ի դեմ պատժամիջոցների մասին օրինագիծը, Reuters-ին ասել է Սպիտակ տան բարձրաստիճան ներկայացուցիչը:

«Նա կստորագրի այն։ Դա հասկացրել է երեկ երեկոյան», – ասել է գործակալության զրուցակիցը։

Աղբյուրը հավելել է, որ Սպիտակ տունը «կպնդի կոնկրետ ձեւակերպումներ, որոնք կերաշխավորեն, որ Թրամփը կպահպանի պատժամիջոցների նկատմամբ վերահսկողությունը»: Նրա խոսքով՝ Վաշինգտոնը շարունակում է բանակցություններ վարել Մոսկվայի հետ Ուկրաինայի հակամարտության կարգավորման շուրջ, սակայն դա ուշադրության կենտրոնում չի եղել, քանի որ ԱՄՆ-ն շատ այլ մտահոգություններ ունի: