Սի Ծինփինը Թաիլանդի նախագահի հետ հանդիպմանը կարևորել է ռազմավարական հարաբերությունների ամրապնդումը
Չինաստանը պատրաստ է ամրապնդել ռազմավարական հարաբերությունները Թաիլանդի հետ՝ հաջորդ 50 տարիներին ավելի մեծ առաջընթացի հասնելու համար։ Ինչպես տեղեկանում է ՏԱՍՍ գործակալությունից, այդ մասին հայտարարել է ՉԺՀ նախագահ Սի Ծինփինը Թաիլանդի Մահա Վաչիրալոնգկոռն (Ռամա X) թագավորի հետ հանդիպման ընթացքում։
«Կանգնելով պատմական նոր մեկնարկային կետում՝ ես պատրաստ եմ Ձերդ Մեծության հետ միասին ղեկավարել միասնական ճակատագրի չին-թաիլանդական համայնքի կառուցումը՝ հաջորդ 50 տարիների ընթացքում ավելի մեծ առաջընթացի հասնելու համար», – մեջբերել է Սի Ծինփինի խոսքը Չինաստանի կենտրոնական հեռուստատեսությունը։
Չինաստանի ղեկավարը նաև կոչ է արել «ամրապնդել ռազմավարական համակարգումը»։ Նա նշել է պատրաստակամությունը «կայուն կերպով առաջ մղելու համագործակցությունը խոշոր նախագծերի շուրջ, ինչպիսին է չին-թաիլանական երկաթուղին, Թաիլանդից բարձրորակ գյուղատնտեսական արտադրանքի ներմուծման ընդլայնումը, ինչպես նաև գործակցության զարգացումն արհեստական բանականության, թվային տնտեսության և օդատիեզերական ոլորտներում»։
Մահա Վաչիրալոնգկոռնն իր հերթին հայտարարել է, որ «Թաիլանդի և Չինաստանի համագործակցությունը համագործակցություն է եղբայրների միջև»։ Նա հավելել է, որ թագավորությունը պատրաստ է «ակտիվորեն սովորել և յուրացնել Չինաստանի զարգացման փորձը»։
Միապետը պետական այցով Չինաստանում կլինի նոյեմբերի 14-ից 19:
Latest from Live24
- Ռուսաստանն ու Հնդկաստանը բանակցել են կառուցողական մթնոլորտում. Պուտին
- Մրգաշատ գյուղում այրվել է անասնակեր
- Արսեն Վենգերը նշել է ԱԱ-2026-ի գլխավոր ֆավորիտին
- Քիմ Քարդաշյանը խոստովանել է, որ փոխել է իր անունը նախքան ընտանեկան ռեալիթի շոուի աստղ դառնալը
- Ֆրանսիայի միջուկային սուզանավերի բազայի վերևում անհայտ անօդաչու թռչող սարքեր են նկատվել
- «777» գիշերային ակումբում վիճաբանություն է եղել․ մասնակիցների մեջ կան նաև օտարերկրացիներ
- «Այլմոլորակային նավը» տարօրինակ վարքագծով գրավել է համաշխարհային ուշադրությունը
- ՔԿ-ն մանրամասներ է հայտնել Արշակ Սրբազանի գործից
Լրահոս
Ֆոտո
