Արևմտյան կիսագնդում թմրավաճառների դեմ նոր գործողություն է սկսվել, որը կոչվում է «Հարավային աշտե», գրել է Պենտագոնի ղեկավար Փիթ Հեգսեթը X սոցիալական հարթակում։ 

«Այս առաքելությունը կպաշտպանի մեր հայրենիքը, կհեռացնի թմրաահաբեկիչներին մեր կիսագնդից և կապահովի մեր երկիրը թմրանյութերից, որոնք սպանում են մեր ժողովրդին։ Արևմտյան կիսագունդը Ամերիկայի տարածքն է, և մենք կպաշտպանենք այն: Վենեսուելայի ափերի մոտ արդեն տեղակայվել են ԱՄՆ ռազմանավեր», - հայտարարել է Հեգսեթը ։

Սեպտեմբերի սկզբից ի վեր ամերիկյան նավերը պարբերաբար հարվածներ են հասցնում միջազգային ջրերում գտնվող այն նավերին, որոնք Վաշինգտոնը կասկածում է վենեսուելական թմրակարտելների հետ կապերի մեջ։ Միաժամանակ, ԱՄՆ-ն նավերի խումբ է տեղակայել Վենեսուելայի ափերի մոտ՝ վկայակոչելով թմրանյութերի ապօրինի շրջանառության դեմ պայքարը, և կործանիչներ է տեղակայել Պուերտո Ռիկոյում։ 

Ըստ The New York Times-ի՝ Վաշինգտոնը մշակել է հակամարտության սրման մի քանի սցենար, այդ թվում՝ Վենեսուելայի նախագահ Նիկոլաս Մադուրոյի իշխանությունից բռնի հեռացումը։