Հունգարիան դատի կտա ԵՄ-ին՝ ռուսական գազից հրաժարվելու որոշման համար, հայտարարել է վարչապետ Վիկտոր Օրբանը տեղական ռադիոյին տված հարցազրույցում, Barron's-ի փոխանցմամբ։

«Մենք չենք ընդունում Բրյուսելի կողմից ընդունված այս ակնհայտ ապօրինի որոշումը, որը հակասում է եվրոպական արժեքներին, մենք դիմում ենք Եվրոպական դատարան», - հայտարարել է Վիկտոր Օրբանը։

Հոկտեմբերի կեսերին ԵՄ խորհուրդը հաստատել է ռուսական գազի ներմուծման փուլային դադարեցումը, որը ուժի մեջ կմտնի 2026 թվականի հունվարի 1-ից: Գործող պայմանագրերի համար անցումային շրջանը կգործի մինչև 2028 թվականի հունվարի 1-ը: Նախատեսվում է նաև միջոցառում, որը կդադարեցնի արգելքը, եթե առաջանան մատակարարման հետ կապված խնդիրներ: