Հայաստանն ու Հնդկաստանը մշակում են միջազգային ավտոմոբիլային փոխադրումների մասին համաձայնագիրը։ Այս մասին ի պատասխան Sputnik Արմենիայի Գերատեսչությունում հստակեցրել են, որ Հայաստանի և Հնդկաստանի միջև կանոնակարգված չէ ավտոմոբիլային տրանսպորտով ուղևորափոխադրումների և բեռնափոխադրումների բնագավառը, ինչը խոչընդոտում է երկու երկրների միջև փոխադրումների իրականացմանն ու տնտեսական համագործակցության զարգացմանը։ 

«ՀՀ ՏԿԵ նախարարությունը մշակել է «Հայաստանի Հանրապետության կառավարության և Հնդկաստանի Հանրապետության կառավարության միջև միջազգային ավտոմոբիլային հաղորդակցության մասին» համաձայնագրի նախագիծը, որն ուղարկվել է հնդկական կողմին փոխհամաձայնեցման»,- հայտնել են գերատեսչությունից։ 

Հիշեցնենք, որ նմանատիպ համաձայնագիր Հայաստանը նախատեսում է ստորագրել Չինաստանի հետ։