Աբխազիայի Ներքին գործերի նախարարությունը քննչական գործողություններ է անցկացնում նոյեմբերի 11-ին Սուխումի Վիեմի շրջանում տեղի ունեցած փոխհրաձգության կապակցությամբ։ Այս մասին հաղորդում է նախարարության մամուլի ծառայությունը։ 

Ըստ «Սպուտնիկ Աբխազիա»-ի՝ միջադեպը տեղի է ունեցել մոտավորապես ժամը 13:30-ին՝ հուղարկավորության ժամանակ։ Փոխվարչապետ և ներքին գործերի նախարար Ռոբերտ Կյուտի խոսքով՝ անհայտ անձը կրակ է բացել թաքստոցից։

Ներքին գործերի նախարարի հրամանով հայտարարվել է «խափանման» ծրագիր: Որոնողական-փրկարարական գործողություններին մասնակցում են քրեական հետախուզության աշխատակիցներ, արագ արձագանքման հատուկ ստորաբաժանումներ և Սուխումի քաղաքային ոստիկանության վարչության ստորաբաժանումներ: 

Հանրապետության նախագահը տեղեկացված է միջադեպի մասին և անձամբ է հետևում իրավիճակին։