ՀՀԿ ԳՄ անդամ Էդուարդ Շարմազանովի ֆեյսբուքյան գրառումը․ «Ողորմելիներ, դեռևս 2020-ի հոկտեմբերի 12-ին Սերժ Սարգսյանի անունից Փաշինյանին հորդորել եմ, որ ընդունի Պուտինի՝ պատերազմը դադարեցնելու առաջարկը։

«Տարանջատում» օպերացիայի շրջանակներում որոշ «գաստրոլյորներ» հերթական պատվերով համերգն են տալիս Սերժ Սարգսյանի ու ՀՀԿ-ի դեմ։
Հիմա էլ հայտնի կենտրոնի պատվերով մի նոր անբարոյական սուտ են տարածում, թե 44-oրյա պատերազմի ժամանակ իբր մենք չենք թույլ տվել Նիկոլին ընդունել Պուտինի՝ պատերազմը դադարեցնելու առաջարկը։

Դե հիմա ուշադիր լսեք, այ ողորմելիներ…
ՌԴ նախագահի՝ պատերազմը դադարեցնելու առաջարկը եղել է հոկտեմբերի 19-20-ին։
Դրա մասին խոսել է հենց ինքը՝ ՌԴ նախագահ Վլադիմիր Պուտինը նոյեմբերի 17-ին Պավել Զարուբինին տված հարցազրուցում։

Հիմա ուշադրություն. դրանից 7 օր առաջ, 2020-ի հոկտեմբերի 12-ին ես՝ ՀՀԿ-ի անունից կառավարությունում մասնակցել եմ արտախորհրդարանական ուժերի առաջին հանդիպմանը Նիկոլի հետ։
Հանդիպմանը ընթերցել եմ ՀՀԿ տեսակետը, որը հրապարակվել է հետո նաև մամուլում։
Նշել եմ, որ 2018-2020թթ. Նիկոլի խայտառակ քայլերը հանգեցրել են այս ողբերգական իրավիճակին։
Ավելին, պնդել եմ, որ սպասվող աղետալի հետևանքների ողջ պատասխանատուն նիկոլական վարչակարգն է։

Ելույթիս վերջում ՀՀԿ-ի ու Սերժ Սարգսյանի անունից հորդորել եմ Նիկոլին դիմել մեր ռազմավարական դաշնակցին ու խնդրել կանգնեցնել պատերազմը, լսել ու համաձանություն տալ ՌԴ իշխանությունների՝ պատերազմը դադարեցնելու առաջարկներին։
Դա արվել է հրապարակային շուրջ 20 հոգու ներկայությամբ։

Այսինքն, ՀՀԿ-ն ու Սերժ Սարգսյանն են առաջարկել ու պահանջել, որ ընդունվի՝ ՌԴ պատերազմը կանգնեցնելու միջնորդությունը։
Ոչ միայն հորդորել ենք ընդունել ՌԴ միջնորդությունը, այլ նաև ասել ենք, որ հենց Նիկոլը դիմի ՌԴ-ին՝ պատերազմը դադարեցնելու առաջարկով։
Հերիք է անբարոյական ստեր պատվիրեք, զզվելի է ուղղակի։
Նամուս, ամոթ չունե՞ք… նման անբարոյական ստեր պատվիրել մի մարդու վրա, ում կյանքի հավատամքն է եղել Ազատ Արցախը…
Մանր եք, «30 արծաթից» էլ՝ մանր։
Ի՞նչ վերաբերում է ՀՀԿ-Միասնական Ռուսաստան համագործակցությանը։
Այստեղ էլ պետք է հիասթափեցնեմ պատվիրատուին։
Այն ոչ միայն ամուր է, այլ նաև զարգանում է։
Դրա հերթական վկայությունը շուտով կտեսնեք, երբ ՀՀԿ պատվիրակությունը մասնակցի Մոսկվայում «Единая Россия»-ի միջազգային կոնֆերանսին՝ նվիրված Մեծ Հաղթանակի 80-րդ տարեդարձին։
Պլաստինկան փոխեք, ձեր պատվերն այլևս չի աշխատում ոչ Մոսկվայում ու ոչ էլ առավել ևս Երևանում»։

Էդուարդ Շարմազանով

Իսրայելի վարչապետ Բենիամին Նեթանյահուի՝ Բուդապեշտ ժամանելուց մի քանի ժամ առաջ Միջազգային քրեական դատարանը Հունգարիայից պաշտոնապես պահանջել է ձերբակալել վերջինիս։ Այդ մասին հաղորդում է Իսրայելի 12-րդ ալիքը: 

Ըստ այս հաղորդման՝ Հաագայի դատարանը Հունգարիային ներկայացրել է Նեթանյահուի ձերբակալության պահանջի պատճառները և անհրաժեշտ քայլերի գաղտնիությունը պահպանելու անհրաժեշտությունը։

Հեռուստաալիքը հաղորդել է, որ Հաագայի դատարանը երկար ու մանրամասն նամակ է հղել   Հունգարիային՝ Նեթանյահուին կալանավորելու համար, Բուդապեշտին հորդորելով համագործակցել դատարանի հետ։

Նշենք, որ օրերս Բենիամին Նեթանյահուի Հունգարիա այցի մասին հայտարարությունից անմիջապես հետո, Հունգարիայի կառավարությունը, մերժելով Միջազգային քրեական դատարանի (ՄՔԴ) օրդերով  Իսրայելի վարչապետի ձերբակալության պահանջը, հայտարարեց կառույցից դուրս գալու մասին։

Հունգարիայի վարչապետ Վիկտոր Օրբանն Իսրայելի վարչապետին հրավիրել էր այցելել իր երկիր անցած նոյեմբերին՝ դատարանի կողմից Նեթանյահուի ձերբակալության օրդերի հրապարակումից մեկ օր անց։

Որպես Միջազգային քրեական դատարանի հիմնադիր անդամ՝ Հունգարիայից պահանջվում է ձերբակալել և արտահանձնել այն անձանց, ում ձերբակալության վճիռ է արձակել դատարանը։   Սակայն Օրբանը վճռի հրապարակումից հետո այն անվանել է բացարձակապես անընդունելի:

Վարչապետ Նիկոլ Փաշինյանն ընդունել է Արժույթի միջազգային հիմնադրամի (ԱՄՀ) հայաստանյան առաքելության ղեկավար Իվա Պետրովային, ով ավարտում է գործունեությունը մեր երկրում: Հանդիպմանը մասնակցել է նաև Ալեքսանդր Թիմանը, ով ստանձնելու է ԱՄՀ հայաստանյան առաքելության ղեկավարի պաշտոնը:

Վարչապետը կարևորել է ԱՄՀ-ի հետ համագործակցությունը՝ ի նպաստ մեր երկրում տնտեսության զարգացման: Նիկոլ Փաշինյանը նշել է, որ այս տարվա առաջին եռամսյակում պահպանվում են տնտեսական ակտիվության միտումները և Կառավարության քայլերը միտված են տնտեսական կայուն աճի ապահովմանը:

Զրուցակիցները քննարկել են Հայաստանի և ԱՄՀ-ի համագործակցությամբ իրականացվող ծրագրի 5-րդ վերանայման արդյունքներին: Այս առումով, կողմերը գոհունակություն են հայտնել ծրագրի արդյունքներից և անդրադարձ կատարել հետագա քայլերին:

Մտքեր են փոխանակվել ֆինանսական ոլորտի, ներդրումային միջավայրի բարելավման, տնտեսական ակտիվության խթանման, առկա ռիսկերի հաղթահարման և այլ հարցերի շուրջ:

Իսրայելի վարչապետ Բենիամին Նեթանյահուն արտահերթ այցով ժամանել է Վաշինգտոն, որտեղ բանակցություններ է վարելու ԱՄՆ նախագահ Դոնալդ Թրամփի հետ։  Նրան ուղեկցում է կինը՝ Սառա Նեթանյահուն։

ԱՄՆ է ժամանել նաև Իսրայելի կառավարության ղեկավարի ռազմական քարտուղար, գեներալ-մայոր Ռոման Հոֆմանը։

ԱՄՆ այցի և Թրամփի հետ բանակցությունների մասին Նեթանյահուի գրասենյակի հայտարարության մեջ ասվում էր. «Քաղաքական գործիչները կքննարկեն մաքսատուրքերի, իսրայելցի պատանդներին վերադարձնելու ջանքերի, Իսրայելի և Թուրքիայի հարաբերությունների, Իրանի սպառնալիքի և Միջազգային քրեական դատարանի դեմ հակազդեցության հետ կապված հարցեր։ Վարչապետը գնահատում է իր անձնական և ջերմ հարաբերությունները նախագահ Թրամփի հետ»:

ՀՀ սննդամթերքի անվտանգության տեսչական մարմնի սննդամթերքի անվտանգության վարչության տեսուչները ստուգում են իրականացրել «Արաքս թռչնաֆաբրիկա» ՓԲԸ-ին պատկանող թռչնամսի արտադրամասում (Արմավիրի մարզ, գ․ Ջրարբի), կատարել նմուշառում առկա ապրանքնատեսակներից և հանձնել լաբորատոր հետազոտության: Հայտնում են ՍԱՏՄ-ից:

Ըստ փորձաքննության արդյունքների՝ «հավի միս պաղեցված» արտադրատեսակի նմուշը՝ «ախտածին ա/թ սալմոնելաներ», իսկ «հավի միս սառեցված» արտադրատեսակի նմուշը՝ «տեխնոլոգիապես ավելացված խոնավության զանգվածային մաս» ցուցանիշներով չեն համապատասխանել Մաքսային Միության կանոնակարգերով սահմանված պահանջներին։

ՍԱՏՄ ղեկավարի որոշմամբ՝ թռչնամսի արտադրամասի արտադրական գործունեությունը կասեցվել է, սահմանվել է խախտումները վերացնելու ժամկետ:

Bitcoin  կրիպտոարժույթի գինն այսօրվա սակարկությունների ընթացքում նվազել է 75,000 դոլարից. նման բան տեղի է ունենում 2024 թվականի նոյեմբերի 7-ից ի վեր առաջին անգամ:

Այս մասին են վկայում Binance հարթակի տվյալները։

Երևանի ժամանակով 10:46-ի դրությամբ Bitcoin-ը նվազել է 10,01%-ով և կազմել 74,889 դոլար: 

Իսրայելական ռազմական օդանավերի կողմից Լիբանանի հարավում գտնվող Զիբկին գյուղաքաղաքի վրա իրականացված գրոհի հետևանքով երկու մարդ զոհվել, ևս երկու սիրիացի բանվոր վիրավորվել են։

Այս մասին հայտնել է Syria TV-ն։

Ըստ հրապարակման՝ Իսրայելը թիրախավորել է գյուղատնտեսական աշխատանքներ իրականացնող էքսկավատորը։

Լիբանանի ազգային լրատվական գործակալությունը հաղորդել է, որ իսրայելական ռազմական ուղղաթիռը հրթիռ է արձակել Այթա աշ-Շաաբ բնակավայրի ուղղությամբ, սակայն այն չի պայթել։Իսրայելական ուժերը հրետանային ու բռնկվող ռումբեր են նետել Հուլա բնակավայրի ուղղությամբ, նաև թիրախավորել են Տայիբա բնակավայրը։

2023 թ. հոկտեմբերից, Գազայի հատվածում ռազմական գործողություններին զուգահեռ, «Հեզբոլլահ»-ի և Իսրայելի միջև սկսվել էր սահմանային առճակատում։ 2024 թ. սեպտեմբերի 23-ից այն վերաճել էր լայնամասշտաբ պատերազմի, որի հետևանքով Լիբանանում զոհվել էր ավելի քան 4000 մարդ, 17 000 մարդ՝ վիրավորվել։

Չնայած 2024 թ. նոյեմբերի 27-ին ուժի մեջ մտած հրադադարի մասին համաձայնագրին, շարունակվում են փոխադարձ մեղադրանքները հրադադարը խախտելու վերաբերյալ։

Իսրայելը չի ավարտել իր ուժերի դուրսբերումը հարավային Լիբանանից և շարունակում է վերահսկել լիբանանյան 5 կարևոր բլուրները։

Գերմանիայի հյուսիսում գտնվող Համբուրգ նավահանգստային քաղաքում աշնանը լայնածավալ զորավարժություններ կանցկացվեն ՆԱՏՕ-ի երկրների վրա Ռուսաստանի հնարավոր հարձակման սցենարով, ինչը կպահանջի արևմտյան դաշնակից ուժերի արագ տեղափոխում դեպի արևելք, հայտնում է dpa-ն։

Բունդեսվերը 2025 թվականի սեպտեմբերին Համբուրգում լայնածավալ զորավարժություններ կանցկացնի, որոնք կենտրոնացած կլինեն Ռուսաստանի հետ հնարավոր պատերազմի դեպքում դաշնակիցների զորքերի արագ տեղափոխման վրա։

Համբուրգը, որպես նավահանգստային քաղաք, շատ կարևոր դեր է խաղալու որպես լոգիստիկ կենտրոն դաշնակիցների ուժերը Եվրոպայի արևելյան սահմաններ տեղափոխելու համար։

Զորավարժությունները, որոնք կոչվում են Red Storm Bravo, կսկսվեն սեպտեմբերի 25-ին և պետք է տևեն երեք օր՝ օրուգիշեր:

Ի թիվս այլ վարժանքների, կիրականացվեն զինվորականների տեղաշարժ քաղաքով, բուժօգնության կազմակերպում և վիրավորների տարհանում, հայտնում է «Европейская правда»-ն։

ՔՊ-ական Վիլեն Գաբրիելյանը գրել է․

«Հարգելի հայրենակիցներ, այնուամենայնիվ պետք է հիշեցնեմ, որ բացի «Քաղաքացիական պայմանագիր» կուսակցության հիմնադիր անդամ և ՀՀ ԱԺ պատգամավոր հանդիսանալուց, վերջին մեկ ու կես տարում հանդիսացել եմ նաև «Գարդման-Շիրվան-Նախիջևան» համահայկական միության նախագահ: 

Այս ընթացքում Միության գործունեության հետ կապված մեծ աշխատանքներ ենք իրականացրել՝ հասցնելով մեր ձայնը տարբեր միջազգային հարթակներ, սակայն միաժամանակ պետք է փաստեմ, որ պատգամավորի կարգավիճակը որքանով որ օգնել է այս գործում, բայց պատգամավորի այլ պարտականությունների կատարման տեսանկյունից միշտ չէ, որ հնարավորություն են տվել լիարժեք լծվել Միության ամբողջական աշխատանքներին:

Ըստ այդմ, հրապարակային հայտարարում եմ, որ այս պահից սկսած՝ լիարժեք լծվելու եմ Միության աշխատանքները կազմակերպելուն, ինչը իրենից ենթադրելու է «Գարդման-Շիրվան-Նախիջևան» համահայկական միության աշխատակազմի, տարածքային ստորաբաժանումների, արտերկրյա մասնաճյուղերի կառուցվածքային ձևավորման ամբողջականացում։

Մեր նպատակներն են լինելու հասնել`
– 1988-1992թթ. Ադրբեջանից բռնի տեղահանվածների պահանջների և իրավունքների նկատմամբ պետության հստակ քաղաքականության որդեգրմանը,
– Միջազգային հանրության հետ կապերի ամրապնդմանը,
– 1988-1992թթ. Ադրբեջանի տարածքից ավելի քան 500,000 հայ փախստականների բոլոր իրավունքների, այդ թվում` վերադարձի իրավունքի վերականգնմանն Ադրբեջանի կողմից:

Այս կարևորագույն գործում ունենալու ենք ոչ միայն բուն Ադրբեջանից բռնի տեղահանվածների աջակցության կարիքը, այլ ընդհանրապես յուրաքանչյուր Հայի՝ անկախ նրանից՝ կլինի այդ աջակցությունը հոգեբանական, ֆիզիկական, մասնագիտական, գիտական, թե ֆինանսական:

Բաց ենք համագործակցելու փախստականների իրավունքները պաշտպանող յուրաքանչյուր կազմակերպության և անհատի հետ, ինչը որ ի սկզբանե էլ եղել է մեր նպատակը` հանդիսանալ լայն կոնսոլիդացիայի միասնական հարթակ:

Եղե՛ք՝ զգոն, սառնասիրտ, հավասարակշիռ, ուժեղ, տոկուն»։

Սաուդյան Արաբիան մայիսին ասիական գնորդների համար մեկ բարելի դիմաց 2,3 դոլարով կնվազեցնի բոլոր տեսակի նավթի գները, ինչն առավելագույնն է 2022 թ. հոկտեմբերից ի վեր: Այս մասին հաղորդում է «Ինտերֆաքս» գործակալությունը։

Նշվում է, որ ըստ պետական Saudi Aramco ընկերության՝ նավթի հիմնական տեսակը՝ Arab Light-ը, որը մատակարարվում է Ասիա, 4 ամսվա ընթացքում կէժանանա՝ հասնելով նվազագույն մակարդակի։ Այն կարժենա 1,2 դոլարով ավելի, քան Օման/Դուբայ նավթային զամբյուղը:

ԱՄՆ-ի համար նավթի բոլոր տեսակների գները կնվազեն բարելի դիմաց 0,2 դոլարով, հյուսիսարևմտյան Եվրոպայից և Միջերկրածովյան տարածաշրջանից գնորդների համար՝ մեկ բարելի դիմաց 0,5 դոլարով։