41-ամյա Հիլարիա Բոլդուինը՝ Ալեք Բոլդուինի երկրորդ կինը, ցուցադրել է իր «սեքսուալ» յոգայի դասերը իր հետևորդներին՝ այս անգամ վառ կարմիր բարձրակրունկներով։

Յոթ երեխաների հայտնի մայրը ցուցադրել է «կամրջային» վարժությունը՝ ցուցադրելով իր նիհար կազմվածքը և հասակը։ «Պառկեք մեջքի վրա, ծալեք ծնկները, ոտքերը ազդրերի լայնությամբ բացած», - հրահանգել է Հիլարիան իր միլիոնավոր հետևորդներին Ինստագրամում։

— Սեղմեք ոտնաթաթերը, բարձրացրեք ազդրերը և իջեցրեք դրանք ներքև։ Երեք մոտեցում, ամեն մեկը 10 անգամ։ Բարձրակրունկները, իհարկե, ըստ ցանկության են»։ Սակայն յոգայի և բարձրակրունկների նման անսովոր համադրությունը անմիջապես պառակտել է սոցիալական ցանցը։

Որոշ բաժանորդներ գաղափարը ընդունել են հումորով։ «Միայն բարձրակրունկներով։ Հակառակ դեպքում իմաստ չկա»։

Նախկինում Հիլարիան Մայքլ Փեթոնի հետ համատեղ հիմնադրել էր Նյու Յորքի Yoga Vida ստուդիաների ցանցը, բայց այն փակվեց 2023 թվականին։

ԱԺ ՔՊ–ական պատգամավոր Նարեկ Գրիգորյանը միանշանակ ճիշտ է համարում վարչապետ Նիկոլ Փաշինյանի հայտարարությունը, որ պետք է եկեղեցու հավատավոր հետևորդներից ստեղծել համակարգող խումբ՝ Գարեգին Բ կաթողիկոսին Վեհարանից դուրս հանելու հարցով զբաղվելու համար։

Նա նշեց, որ չի պատկերացնում, թե ի՞նչ մեթոդով կարելի է կաթողիկոսին դուրս հանել վեհարանից. «Ես պատկերացնում եմ, որ Հայաստանում Առաքելական եկեղեցին պետք է ունենա առաջնորդ, որը ենթարկվում է և այն ուխտերին, ինչը որ ինքը իր առջև դրվել է, և այն Աստվածաշնչին, ինչը որ պետք է առաջ տանի և ինքը պետք է լինի հավատացյալ։ Այսօր վարչապետի գրառման մեջ է կար նաև, որ պետք է մարդը լինի գոնե Մեծ պահքը պահող, գոնե ուխտերը չխախտող»,–ասաց նա։

Հարցին՝ հնարավո՞ր է Կաթողիկոսին Վեհարանից հանեն ուժով, Գրիգորյանը պատասխանեց. «Իհարկե, ոչ, Վեհարանում աղոթում են, ուժ  չեն կիրառում։ Հորդորում եմ ցանկացած հավատացյալի, ով կմասնակցի այդ պրոցեսին, եկեղեցու ներսում որևէ գործողություն չանել, բացի աղոթք անելուց»։

Նա նշեց, որ ինքն ի պաշտոնե չի մասնակցելու այդ համակարգող խորհրդի ընտրությանը։

Ինչ վերաբերում է նրան, թե արդյոք իր համար ընդունելի սցենար կլինի, եթե եկեղեցին շրջափակեն և այնտեղից կաթողիկոսին հանեն, Նարեկ Գրիգորյանն ասաց. «Ճիշտ ասած, բոլոր սցենարներն են ընդունելի, որը կխթանի Հայ առաքելական եկեղեցու և եկեղեցու հետևորդների կամքը։ Հայ առաքելական եկեղեցու հետևորդները ունեն իրենց կարծիքը և իրենց կարծիքը արտահայտելու հնարավորությունը։ Եկեղեցու ներսում ուժ կիրառելը անթույլատրելի է։ Ինձ համար ընդունելի կլինի հավատացյալ ժողովրդի արած յուրաքանչյուր քայլ, բացի իհարկե բռնությունից»։

Ինչ վերաբերում է Գարեգին Բ–ի՝ երեկա ունենալու հանգամանքին, Նարեկ Գրիգորյանն ասաց. «Հայտարարությունից հետո որևիցե ժխտում այդ մասով չեղավ, և եթե չկար նման բան, կարող էին դիմել դատարան, և եթե կպարզվեր, որ ինչ-որ բան մենք սխալ ենք ասել, ես անձնապես, պատրաստ կլինեի ներողություն խնդրելու։ Բայց եթե պարզվում է, որ կա նման բան, ինչում ես համոզվում եմ, որովհետև այս ընթացքը դա ցույց տալիս, ինձ համար դա շատ անընդունելի է, դա խայտառակություն է»։

Արզնի համայնքի` երեկ ձերբակալված ղեկավար Ֆելիքս Միրզոևը այսօր ազատ է արձակվել։ Այս մասին 24News-ին հայտնել են ՔԿ-ից։

Հիշեցնենք՝ հունիսի 8-ին, Կոտայքի մարզում վիճաբանություն և ծեծկռտուք է եղել, հնչել են կրակոցներ, 1 անձ ստացել է մարմնական վնասվածք:

Տեղի ունեցած միջադեպի արդյունքում Արզնիի համայնքապետը և 7 անձ ձերբակալվել էին։

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 385 դրամ:

Եվրոյի առքի առավելագույն արժեքն է 434 դրամ, վաճառքի նվազագույն արժեքը՝ 440 դրամ:

Ռուսական ռուբլու առքի առավելագույն արժեքն է 4.79 դրամ, վաճառքի նվազագույն արժեքը՝ 4.88 դրամ:

Մայիսի 5-ին, ժամը 15։01-ին Ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Փարաքար գյուղի Մհեր Մկրտչյան փողոցում այրվում է ավտոմեքնա։ Այս մասին հայտնում են ՆԳՆ փրկարար ծառայությունից։ 

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ հրդեհը բռնկվել է Իսահակ Գասպարյան փողոցի թիվ 30 հասցեում կայանած «VAZ» մակնիշի ավտոմեքենայում։ 

Հրդեհը մեկուսացվել է ժամը 15։28-ին, մարվել՝ 15։34-ին։ Այրվել է ավտոմեքենան։

Ռուսաստանի մի շարք օդանավակայաններ ժամանակավորապես դադարեցրել են չվերթերի սպասարկումը։ Այս մասին հաղորդում է «Ինտերֆաքս» գործակալությունը։ 

Նշվում է, որ ըստ «Ռոսավիացիա»-ի հաղորդագրության՝ քաղաքացիական ինքնաթիռների թռիչքների անվտանգությունն ապահովելու համար դրանց ընդունման և բաց թողնման ժամանակավոր սահմանափակումներ են մտցվել Իժևսկի և Կիրովի օդանավակայաններում։

Բացի այդ, սահմանափակումներ են գործում Սանկտ Պետերբուրգի «Պուլկովո» օդանավակայանում և Նիժնեկամսկի ու Կազանի օդանավակայաններում։Մինչ այդ սահմանափակումներ էին մտցվել Սարատովի օդանավակայանում, սակայն այնտեղ աշխատանքը վերսկսվել է։

«Ռոսավիացիա»-ի ներկայացուցիչ Արտյոմ Կորենյակոն ավելի վաղ հայտնել էր, որ Մոսկվայի բոլոր չորս օդանավակայաններում՝ «Վնուկովո», «Դոմոդեդովո», «Ժուկովսկի» և «Շերեմետևո», չվերթերի ժամանակավոր սահմանափակումներ են մտցվել։ Մոսկվայի օդանավակայանների աշխատանքի սահմանափակումները կարճ ժամանակ անց վերացվել են։ 

Ավելի վաղ հաղորդվել էր նաև Տամբովի օդանավակայանում սահմանափակումների մասին, քանի որ Տամբովի մարզում գործում էր անօդաչու թռչող սարքերի հարձակման վտանգ։ 

Կանադահայոց Թեմը, իր ողջ հոգեւոր դասը եւ հավատացեալ ժողովուրդը անվերապահ զորակցում է Ամենայն Հայոց Կաթողիկոս Ն.Ս.Օ.Տ.Տ. Գարեգին Բ Վեհափառ Հայրապետին: 

«Երկար կյանք տուր Հայրապետին,

Երկար օրեր Հայոց Հոր.

Տեր, անսասան պահիր դու միշտ

Քո իսկ հիմնած Մայր Աթոռ։»

Ադրբեջանը խոստացել է շարունակել նավթի արտահանումն Իսրայել՝ չնայած Թուրքիայի առարկություններին: Այս մասին հայտնել է իսրայելական աղբյուրը, փոխանցում է Haaretz-ը:

«Ադրբեջանը խոստացել Է Իսրայելին, որ կշարունակի նավթ մատակարարել իրեն, չնայած պաշտոնապես դադարեցրել Է հայտնել Իսրայել նավթի արտահանման մասին», - հայտարարել է պաշտոնյան:

«Նշվում է, որ Բաքուն որոշել է դադարեցնել Իսրայել արտահանումը՝ փորձելով մեղմել ճնշումը Էրդողանի կառավարության կողմից, որը երկրի ներսում բողոքի ցույցերի է բախվում՝ իր խողովակաշարերից դեպի Իսրայել նավթի վաճառքի պատճառով», - հավելել Է աղբյուրը:

Քալիֆորնիա նահանգը և նահանգապետ Գևին Նյուսոմը դատական ​​հայց են ներկայացրել ԱՄՆ նախագահ Դոնալդ Թրամփի, Փենթագոնի և պաշտպանության նախարար Փիթ Հեգսեթի դեմ՝ Լոս Անջելեսում ցույցերը ցրելու նպատակով Ազգային գվարդիայի զորքերի տեղակայման պատճառով։

Հայցում նշվում է, որ Թրամփը բողոքի ցույցերն օգտագործել է Քալիֆորնիայի ինքնիշխանությունը խախտելու համար և Ազգային գվարդիային հրամայել է տեղակայվել՝ հակառակ նահանգապետի որոշմանը։

Թրամփն իր որոշումը ճիշտ է անվանել և լրագրողներին ասել է, որ քաղաքը «հիմնովին կայրվեր»՝ առանց զորքերի տեղակայման։

Սան Ֆրանցիսկոյի դաշնային դատարան ներկայացված 22 էջանոց հայցում ներկայացվում է, որ Թրամփը խախտել է դաշնային օրենքը և Սահմանադրությունը։

Նահանգը դատարանին խնդրել է չեղարկել Ազգային գվարդիայի ներկայացուցիչների տեղակայումը և նրանց նկատմամբ վերահսկողությունը վերադարձնել նահանգապետին։

Լոս Անջելեսում բողոքի ցույցերը շարունակվում են՝ ԱՄՆ ներգաղթի հարցերով ծառայության իրականացրած լայնածավալ ստուգումների պատճառով: ԱՄՆ նախագահը կարգադրել էր Ազգային գվարդիայի զորքեր ուղարկել Լոս Անջելես՝ անկարգությունները ճնշելու համար։ Թրամփի խոսքով՝ ապօրինի ներգաղթյալները «գրավել են ամերիկյան բնակավայրերը»։

Ադրբեջանի ԱԳՆ-ն վրդովմունք է հայտնել ՌԴ նախագահի օգնական Վլադիմիր Մեդինսկու հայտարարությունների կապակցությամբ, որը Ուկրաինայում ստեղծված իրավիճակը համեմատել էր Լեռնային Ղարաբաղի հետ՝ Ղարաբաղն անվանելով վիճելի տարածք։

«Ռուսաստանի նախագահի օգնական Վլադիմիր Մեդինսկու՝ հունիսի 9-ին Russia Today-ին տված հարցազրույցում արված հայտարարությունը, որում աղավաղվել էին նախկին հայ-ադրբեջանական հակամարտության վերաբերյալ փաստերը, իսկ Ղարաբաղի տարածաշրջանը ներկայացվել էր որպես վիճելի տարածք, ափսոսանք և զարմանք է հարուցում»,- АПА-ի փոխանցմամբ, ասել է Ադրբեջանի ԱԳՆ մամուլի քարտուղար Այհան Հաջիզադեն՝ հիշեցնելով, որ Ռուսաստանը ճանաչել էր Ղարաբաղը որպես Ադրբեջանի մաս։

«Ղարաբաղը երբեք վիճելի տարածք չի եղել։ Մենք կցանկանայինք հիշեցնել, որ Ղարաբաղն Ադրբեջանի բնիկ տարածքն է։ Ռուսաստանն ինքն է ճանաչել և ճանաչում է Ղարաբաղը՝ որպես Ադրբեջանի տարածք։

Ցավոք, Ռուսաստանի նախագահի օգնականը ռուս-ուկրաինական պատերազմը համեմատում է Ղարաբաղում ստեղծված իրավիճակի հետ։ Նման համեմատությունը տեղին չէ, քանի որ Ադրբեջանը երբեք չի խախտել որևէ երկրի տարածքային ամբողջականություն կամ ագրեսիվ պատերազմ չի մղել որևէ երկրի դեմ։ 2020 և 2023 թվականներին Ադրբեջանը հակաահաբեկչական միջոցառումներ է իրականացրել իր ինքնիշխան և միջազգայնորեն ճանաչված տարածքներում։ 2023 թվականի 44-օրյա պատերազմը և հակաահաբեկչական միջոցառումները հանգեցրել են Ադրբեջանի լիակատար հաղթանակին և Հայաստանի պարտությանը»,- ասված է Ադրբեջանի ԱԳՆ հայտարարության մեջ։