Ոչ, չի կարող նման բան լինել, գիտեք, որ մեր երկրում կա մեկ պետական լեզու, դա հայերենն է, և այդ իրավիճակը որևէ պարագայում չի կարող փոխվել։ Այս մասին այսօր՝ հունիսի 10–ին, ԱԺ–ում լրագրողների հետ զրույցում նշեց ԿԳՄՍ նախարար Ժաննա Անդրեասյանը՝ անդրադառնալով նրան, որ ՌԴ Դաշնային խորհրդի նախագահ Մատվիենկոն Հայաստան այցի ընթացքում հայտարարել էր, որ Հայաստանը չի վավերացրել Ռուսաց լեզվի միջազգային կազմակերպության պայմանագիրը,  և հավելել էր, որ Հայաստանի վարչապետի մոտ բարձրացրել է այդ հարցը և Նիկոլ Փաշինյանը խոստացել է իմպուլս հաղորդել այդ հարցին։

Հարցին՝ սա ի՞նչ պայմանագիր է, Հայաստանն իսկապե՞ս ցանկանում է միանալ այդ պայմանագրին և դա ի՞նչ է իրենից ենթադրում, նա պատասխանեց. «Տարբեր նախագծեր կան որ շրջանառվում են այդ հարթակներում, դա հերթական նախագծերից մեկն է,որ  շրջանառվել է, այդ թվում տարբեր գերատեսչություններում՝ արդարադատության նախարարություն, ԱԳՆ, մյուս գործընկերներ։ Մենք որոշակի դիտարկումներ ենք ունեցել նախագծի վերաբերյալ, սա կարծում եմ շատ աշխատանքային պրոցես է։ Նախագծերը հենց այդ պատճառով էլ շրջանառվում են, որպեսզի քննարկվեն և լավարկվեն։ Կարծում եմ, որ աշխատանքային գործընթացի մաս է կազմում, հետագա քննարկումները արդեն ցույց կտան պետության դիրքորոշումը։ Այս փուլում այս ձևով նախագծում վերաբերյալ որոշ դիտարկումներ կային։

Գիտեք, որ մեր տարածաշրջանում հաղորդակցության կարևորագույն լեզու է ռուսերենը և բնականաբար այդ լեզվի իմացությունը խթանում է նաև օրինակ տնտեսական կապերը, հանրային զարգացման հնարավորությունները։ Հերթական նախաձեռնությունն է, որը ուղղված է այս կապերի ամրապնդմանը և նաև ռուսերենի իմացության բարելավմանը։ Բայց էլի եմ ասում, որ այդտեղ բավականին հարցեր ու դիտարկումներ կան մեր կողմից ու աշխատանքային գործընթացում»։

Հարցին՝ արդյո՞ք սրանով ռուսաց լեզվին Հայաստանում ինչ-որ նոր կարգավիճակ է տրվում, թե ոչ, Ժաննա Անդրեասյանը պատասխանեց. «Ոչ, չի կարող նման բան լինել, գիտեք, որ մեր երկրում կա մեկ պետական լեզու, դա հայերենն է, և այդ իրավիճակը որևէ պարագայում չի կարող փոխվել։ Ավելին, մենք առաջիկայում լեզվական քաղաքականության հայեցակարգն ենք բերելու, որը նաև ամրապնդելու է հայերենի, որպես պետական լեզվի կարգավիճակը։ Որովհետև մի բան է ասել, որ պետական լեզու է, մի բան է նայել, թե ինչպիսի իրավիճակ ունենք տարբեր ոլորտներում, տարբեր իրադրություններում, և լեզվական քաղաքականության հայեցակարգը, կարծում եմ, շատ կարևոր է, որպեսզի ունենանք, որպեսզի մենք էլ կարողանանք հետևել հայերենի զարգացմանը և ամրապնդմանը։

Հիմա մենք մի շարք ծրագրեր ենք անում, որ ուղղված են նաև հայերենի թվային կենսունակությանը, որովհետև տեխնոլոգիական զարգացման այս իրավիճակում հայերենի որպես լեզվի զարգացման խնդիրները տեղափոխվում են նաև թվային տիրույթ, որպեսզի մենք ունենանք հայերենով այդ շտեմարանները, ունենանք թվային տիրույթում այն ներկայացվածությունը, որը լեզվի կենսունակություն կապահովի։ Բյուջետային նոր ծրագրեր ունենք, որոնք ուղղված են հենց լեզվական կենսունակության բարձրացմանը»։

Այսօր՝ հունիսի 10-ին, արտակարգ դեպք է տեղի ունեցել Երևանում: Ժամը 11:50-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչությունում, Երևանի քրեական վարչությունում և ՀՀ ՆԳՆ ոստիկանության համայնքային ոստիկանության գլխավոր վարչության Ավանի բաժնում օպերատիվ տեղեկություններ են ստացվել, որ Ավան վարչական շրջանի Խուդյակով փողոցում՝ «Երևան Սիթի»-ի հարևանությամ գտնվող բացօթյա շուկայի տարածքում կրակոցներ են հնչել և կան վիրավորներ, հաղորդում է Shamshyan.com–ը։

Ըստ նախնական տեղեկությունների՝ 1 հոգի իր մոտ եղած պնևմատիկ ատրճանակից անկանոն կրակոցներ է արձակել, ինչի հետևանքով 1 հոգի օպերատիվորեն ժամանած շտապօգնության բժիշկների կողմից տեղում անհրաժեշտ բուժօգնությունն է ստացել, ապա տեղափոխվել «Սուրբ Գրիգոր Լուսավորիչ» բժշկական կենտրոն:

Դեպքի վայրում հավաքված քաղաքացիներն էլ նշում էին, որ իրենք տեսել են ևս 1 քաղաքացու, ով նույնպես վնասվածք է ստացել:

Դեպքի փաստով քննչական բաժնում նախաձեռնվել է քրեական վարույթ, որտեղ էլ պարզվում է հիվանդանոց տեղափոխվածի, նաև ըստ դեպքի վայրում հավաքված քաղաքացիների հայտնածի՝ մյուս տուժած քաղաքաղու ինքնությունը և ձեռնարկվում են անհրաժեշտ օպերատիվ հետախուզական միջոցառումներ՝ կրակոցներ արձակած անձի ինքնությունը ճշտելու, նրան և ատրճանակը հայտնաբերելու ուղղությամբ:

Ռուսաստանը կոչ է անում համատեքստից չկտրել ՌԴ նախագահի օգնական Վլադիմիր Մեդինսկու խոսքերը Ղարաբաղի մասին։ Այս մասին ՏԱՍՍ-ին հայտնել է ՌԴ ԱԳՆ պաշտոնական ներկայացուցիչ Մարիա Զախարովան։

«Պետք չէ համատեքստից կտրել գոյություն չունեցող թեզիսները եւ փոխել բառերի տեղերը՝ դրանց միանգամայն այլ նշանակություն տալով»,- նշել է դիվանագետը։

Զախարովան ընդգծել է, որ Ռուսաստանը պաշտոնապես այդ տարածաշրջանը ճանաչում է Ադրբեջանի տարածք։ ՌԴ ԱԳՆ պաշտոնական ներկայացուցիչը բացատրել է, որ Մեդինսկին խոսել է «պատմական ասպեկտի, սոցիոմշակութային առանձնահատկությունների եւ մարդկանց ցավի մասին»։

41-ամյա Հիլարիա Բոլդուինը՝ Ալեք Բոլդուինի երկրորդ կինը, ցուցադրել է իր «սեքսուալ» յոգայի դասերը իր հետևորդներին՝ այս անգամ վառ կարմիր բարձրակրունկներով։

Յոթ երեխաների հայտնի մայրը ցուցադրել է «կամրջային» վարժությունը՝ ցուցադրելով իր նիհար կազմվածքը և հասակը։ «Պառկեք մեջքի վրա, ծալեք ծնկները, ոտքերը ազդրերի լայնությամբ բացած», - հրահանգել է Հիլարիան իր միլիոնավոր հետևորդներին Ինստագրամում։

— Սեղմեք ոտնաթաթերը, բարձրացրեք ազդրերը և իջեցրեք դրանք ներքև։ Երեք մոտեցում, ամեն մեկը 10 անգամ։ Բարձրակրունկները, իհարկե, ըստ ցանկության են»։ Սակայն յոգայի և բարձրակրունկների նման անսովոր համադրությունը անմիջապես պառակտել է սոցիալական ցանցը։

Որոշ բաժանորդներ գաղափարը ընդունել են հումորով։ «Միայն բարձրակրունկներով։ Հակառակ դեպքում իմաստ չկա»։

Նախկինում Հիլարիան Մայքլ Փեթոնի հետ համատեղ հիմնադրել էր Նյու Յորքի Yoga Vida ստուդիաների ցանցը, բայց այն փակվեց 2023 թվականին։

ԱԺ ՔՊ–ական պատգամավոր Նարեկ Գրիգորյանը միանշանակ ճիշտ է համարում վարչապետ Նիկոլ Փաշինյանի հայտարարությունը, որ պետք է եկեղեցու հավատավոր հետևորդներից ստեղծել համակարգող խումբ՝ Գարեգին Բ կաթողիկոսին Վեհարանից դուրս հանելու հարցով զբաղվելու համար։

Նա նշեց, որ չի պատկերացնում, թե ի՞նչ մեթոդով կարելի է կաթողիկոսին դուրս հանել վեհարանից. «Ես պատկերացնում եմ, որ Հայաստանում Առաքելական եկեղեցին պետք է ունենա առաջնորդ, որը ենթարկվում է և այն ուխտերին, ինչը որ ինքը իր առջև դրվել է, և այն Աստվածաշնչին, ինչը որ պետք է առաջ տանի և ինքը պետք է լինի հավատացյալ։ Այսօր վարչապետի գրառման մեջ է կար նաև, որ պետք է մարդը լինի գոնե Մեծ պահքը պահող, գոնե ուխտերը չխախտող»,–ասաց նա։

Հարցին՝ հնարավո՞ր է Կաթողիկոսին Վեհարանից հանեն ուժով, Գրիգորյանը պատասխանեց. «Իհարկե, ոչ, Վեհարանում աղոթում են, ուժ  չեն կիրառում։ Հորդորում եմ ցանկացած հավատացյալի, ով կմասնակցի այդ պրոցեսին, եկեղեցու ներսում որևէ գործողություն չանել, բացի աղոթք անելուց»։

Նա նշեց, որ ինքն ի պաշտոնե չի մասնակցելու այդ համակարգող խորհրդի ընտրությանը։

Ինչ վերաբերում է նրան, թե արդյոք իր համար ընդունելի սցենար կլինի, եթե եկեղեցին շրջափակեն և այնտեղից կաթողիկոսին հանեն, Նարեկ Գրիգորյանն ասաց. «Ճիշտ ասած, բոլոր սցենարներն են ընդունելի, որը կխթանի Հայ առաքելական եկեղեցու և եկեղեցու հետևորդների կամքը։ Հայ առաքելական եկեղեցու հետևորդները ունեն իրենց կարծիքը և իրենց կարծիքը արտահայտելու հնարավորությունը։ Եկեղեցու ներսում ուժ կիրառելը անթույլատրելի է։ Ինձ համար ընդունելի կլինի հավատացյալ ժողովրդի արած յուրաքանչյուր քայլ, բացի իհարկե բռնությունից»։

Ինչ վերաբերում է Գարեգին Բ–ի՝ երեկա ունենալու հանգամանքին, Նարեկ Գրիգորյանն ասաց. «Հայտարարությունից հետո որևիցե ժխտում այդ մասով չեղավ, և եթե չկար նման բան, կարող էին դիմել դատարան, և եթե կպարզվեր, որ ինչ-որ բան մենք սխալ ենք ասել, ես անձնապես, պատրաստ կլինեի ներողություն խնդրելու։ Բայց եթե պարզվում է, որ կա նման բան, ինչում ես համոզվում եմ, որովհետև այս ընթացքը դա ցույց տալիս, ինձ համար դա շատ անընդունելի է, դա խայտառակություն է»։

Արզնի համայնքի` երեկ ձերբակալված ղեկավար Ֆելիքս Միրզոևը այսօր ազատ է արձակվել։ Այս մասին 24News-ին հայտնել են ՔԿ-ից։

Հիշեցնենք՝ հունիսի 8-ին, Կոտայքի մարզում վիճաբանություն և ծեծկռտուք է եղել, հնչել են կրակոցներ, 1 անձ ստացել է մարմնական վնասվածք:

Տեղի ունեցած միջադեպի արդյունքում Արզնիի համայնքապետը և 7 անձ ձերբակալվել էին։

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 385 դրամ:

Եվրոյի առքի առավելագույն արժեքն է 434 դրամ, վաճառքի նվազագույն արժեքը՝ 440 դրամ:

Ռուսական ռուբլու առքի առավելագույն արժեքն է 4.79 դրամ, վաճառքի նվազագույն արժեքը՝ 4.88 դրամ:

Մայիսի 5-ին, ժամը 15։01-ին Ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Փարաքար գյուղի Մհեր Մկրտչյան փողոցում այրվում է ավտոմեքնա։ Այս մասին հայտնում են ՆԳՆ փրկարար ծառայությունից։ 

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ հրդեհը բռնկվել է Իսահակ Գասպարյան փողոցի թիվ 30 հասցեում կայանած «VAZ» մակնիշի ավտոմեքենայում։ 

Հրդեհը մեկուսացվել է ժամը 15։28-ին, մարվել՝ 15։34-ին։ Այրվել է ավտոմեքենան։

Ռուսաստանի մի շարք օդանավակայաններ ժամանակավորապես դադարեցրել են չվերթերի սպասարկումը։ Այս մասին հաղորդում է «Ինտերֆաքս» գործակալությունը։ 

Նշվում է, որ ըստ «Ռոսավիացիա»-ի հաղորդագրության՝ քաղաքացիական ինքնաթիռների թռիչքների անվտանգությունն ապահովելու համար դրանց ընդունման և բաց թողնման ժամանակավոր սահմանափակումներ են մտցվել Իժևսկի և Կիրովի օդանավակայաններում։

Բացի այդ, սահմանափակումներ են գործում Սանկտ Պետերբուրգի «Պուլկովո» օդանավակայանում և Նիժնեկամսկի ու Կազանի օդանավակայաններում։Մինչ այդ սահմանափակումներ էին մտցվել Սարատովի օդանավակայանում, սակայն այնտեղ աշխատանքը վերսկսվել է։

«Ռոսավիացիա»-ի ներկայացուցիչ Արտյոմ Կորենյակոն ավելի վաղ հայտնել էր, որ Մոսկվայի բոլոր չորս օդանավակայաններում՝ «Վնուկովո», «Դոմոդեդովո», «Ժուկովսկի» և «Շերեմետևո», չվերթերի ժամանակավոր սահմանափակումներ են մտցվել։ Մոսկվայի օդանավակայանների աշխատանքի սահմանափակումները կարճ ժամանակ անց վերացվել են։ 

Ավելի վաղ հաղորդվել էր նաև Տամբովի օդանավակայանում սահմանափակումների մասին, քանի որ Տամբովի մարզում գործում էր անօդաչու թռչող սարքերի հարձակման վտանգ։ 

Կանադահայոց Թեմը, իր ողջ հոգեւոր դասը եւ հավատացեալ ժողովուրդը անվերապահ զորակցում է Ամենայն Հայոց Կաթողիկոս Ն.Ս.Օ.Տ.Տ. Գարեգին Բ Վեհափառ Հայրապետին: 

«Երկար կյանք տուր Հայրապետին,

Երկար օրեր Հայոց Հոր.

Տեր, անսասան պահիր դու միշտ

Քո իսկ հիմնած Մայր Աթոռ։»