Հարգելի հայրենակիցներ, գաղափարակից ընկերներ, այսօր ժամը 23:00-ին Մասիսի Սուրբ Թադեոս եկեղեցու բակից միասին ուղևորվում ենք օդանավակայան դիմավորելու Ամենայն Հայոց Վեհափառ Հայրապետին:

Այսօր՝ հունիսի 10-ին, ավտովթար է տեղի ունեցել Կոտայքի մարզում։ Ժամը 15։35-ի սահմաններում Մարմարիկ գյուղում բախվել են Գեղարքունիքի մարզի բնակիչ 21-ամյա Հայկ Վ․-ի վարած «Opel Astra» մակնիշի ավտոմեքենան և Կոտայքի մարզի բնակիչ 39-ամյա Հրաչյա Հ․-ի վարած «Sհacman» մակնիշի, հողով բարձված բեռնատարը, ինչի հետևանքով վերջինը կողաշրջվել է, իսկ հողը՝ թափվել։ 

Վթարի հետևանքով, ըստ նախնական տեղեկությունների, տուժածներ չկան։

Ավելին՝ սկզբնաղբյուրում։

Ռեֆորմիստների կուսակցության նախագահ Վահան Բաբայանի ֆեյսբուքյան գրառումը․

«Ֆեյսբուքով կաթողիկոս են փոխում մեր բոլորի աչքի առաջ

Ու սենց շարունակվելու դեպքում նա դա անելու է, քանի որ եթե իր ասածնեը սուտ են, ապա կաթողիկոսը դրա մասին գոնե մի բառ պետք է ասի, դե իսկ եթե ճիշտ է, իհարկե կարող է կատարվել աննախադեպ բան և իր կենդանության օրոք փոխվել Հայոց կաթողիկոսը:

Ըստ էության Փաշինյանը ստեղծում է նոր պետական-հոգևոր բարձրագույն խորհուրդ և շուտով կընտրի նոր ղեկավար եկեղեցու համար»։

Ֆրանսիայում՝ Նոժան-սյուր-Մար քաղաքում, դպրոցներից մեկի աշակերտը դանակով հարձակվել է դպրոցի աշխատակցի վրա, հաղորդում է BFM-ը։
Դեպքը տեղի է ունեցել դպրոցի մուտքի մոտ` պայուսակի ստուգման ժամանակ։ Չի հաղորդվում, թե արդյո՞ք մահացածը հարձակվողի ուսուցինչ է եղել։ Նա մահացել է ստացած վնասվածքներից մի քանի ժամ անց։

Դեռահասը վնասազերծվել է ստուգման ժամանակ ներկա գտնվող ոստիկանների կողմից։ Նրանցից մեկը ևս ստացել է դանակի թեթև վիրավորում:

BFM-ի տվյալներով՝ դեռահասը 14 տարեկան է և նախկինում ոստիկանության ուշադրության կենտրոնում չի եղել։ Նրա դրդապատճառները պարզ չեն։

Ֆրանսիայի դպրոցներում զենքի զանգվածային ստուգումներն սկսվել են մարտ ամսին, երբ Փարիզի արվարձաններում դպրոցականների միջև զանգվածային կռվի հետևանքով դանակի վերքից մահացել է մի դեռահաս։ Մարտից մինչև մայիս այդ ստուգումների ընթացքում առգրավվել է 186 դանակ, ձերբակալվել է 36 դպրոցական։

«Tasnim» գործակալությունը հունիսի 7-ին հայտնել էր, որ Իրանի տեղեկատվության (հետախուզության) նախարարությունը ենթադրաբար ստացել է Իսրայելի ատոմային ոլորտի վերաբերյալ գաղտնի փաստաթղթերի լայն ցանկ: Հաջորդ օրը Իրանի տեղեկատվության նախարար Իսմայիլ Խաթիբը փաստաթղթերը բնութագրեց որպես «հետախուզական տեղեկությունների մի ամբողջ գանձարան», որը թույլ կտա ամրապնդել երկրի հարձակողական ներուժը:

«Ստացված տվյալների մյուս մասը կապված է ռազմական և հրթիռային ծրագրերի (Իսրայելի. խմբ.), ինչպես նաև երկակի նշանակության գիտատեխնիկական նախագծերին առնչվող տեխնիկական փաստաթղթերի հետ»,-ասված է գերատեսչության հայտարարության մեջ:

Եվրահանձնաժողովը առաջարկում է արգելել «Հյուսիսային հոսք 1» և «Հյուսիսային հոսք 2» գազատարների հետ կապված ցանկացած գործարք՝ որպես պատժամիջոցների 18-րդ փաթեթի մաս, որը սահմանվել է Ռուսաստանի դեմ ուկրաինական պատերազմի համար: Ըստ այդմ, ԵՄ ոչ մի օպերատոր չի կարող ուղղակիորեն կամ անուղղակիորեն մասնակցել այդ նախագծերին:

Այս մասին, ըստ Deutshe welle-ի, այսօր Բրյուսելում լրագրողներին հայտարարել են Եվրահանձնաժողովի ղեկավար Ուրսուլա ֆոն դեր Լեյենը և Եվրամիության արտաքին գործերի և անվտանգության քաղաքականության գերագույն ներկայացուցիչ Կայա Կալլասը։ Բացի այդ, առաջարկվում է ԵՄ պատժամիջոցների ցանկում ներառել ռուսական «ստվերային նավատորմի» ևս 77 տանկեր, ինչի արդյունքում սահմանափակումների ենթակա նավերի ընդհանուր թիվը կգերազանցի 400 միավորը։

Նոր փաթեթը ներառում է նաև պատժամիջոցներ Ռուսաստանի ևս 22 բանկերի (անջատում SWIFT համակարգից) և Ռուսաստանի ուղղակի ներդրումների հիմնադրամի (РПФИ) դեմ՝ Ռուսաստանի և ԱՄՆ-ի միջև բանակցությունների մասնակից Կիրիլ Դմիտրիևի գլխավորությամբ։

Բացի այդ, պատժամիջոցների ցանկում կավելանան ևս 22 ռուսական և արտասահմանյան ընկերություններ, որոնք աջակցություն են ցուցաբերում Ռուսաստանի զինված ուժերին։ Դրանց թվում են ձեռնարկություններ նաև Բելառուսից և Չինաստանից։ Ֆոն դեր Լեյենի խոսքով՝ սահմանափակող միջոցները կազդեն նաև անօդաչու թռչող սարքերի արտադրության մատակարարման ողջ շղթայի վրա՝ Մոսկվային այս ոլորտում եվրոպական տեխնոլոգիաների հասանելիությունից զրկելու համար։

«Վերջին տարիներին շինթույլտվությունների և բնակարանային շինարարության բարձր աճը զուգակցված անշարժ գույքի շուկայում պահանջարկի հնարավոր հագեցման և հետագա հնարավոր նվազման միտումների հետ կարող է ստեղծել անշարժ գույքի շուկայի ավելցուկային առաջարկի ձևավորման ռիսկեր։ Միևնույն ժամանակ շինարարության ոլորտին տրամադրված վարկերի մեծածավալ աճը կարող է ոլորտում նախագծերի ֆինանսավորման աղբյուրների հնարավոր փոխարինման, պարտքի բեռի և դրանից ածանցված վարկային ռիսկերի կուտակման ազդակ հանդիսանալ»,– ավելացրեց Գալստյանը։

Անդրադառնալով բանկային ոլորտի գործունեությանը` ԿԲ նախագահը նշեց, որ 2024 թ. ընթացքում բանկային համակարգում գրանցվել է բարձր շահութաբերություն, որին նպաստել է սպառողական վարկերի բարձր աճը` իր բարձր եկամտաբերությամբ ու տոկոսներով։

«Բանկերը կհայտարարեն, որ պարտավորությունների 3–5 տարվա հետաձգումը երկարաձգվում է մինչև հաճախորդի քեյսի ամբողջական քննություն։ Այսինքն` բանկերը կսպասեն այնքան, մինչև կլինի դատարանի որոշում, և եթե արդյունքում պարզվի, որ բանկն է մեղավոր, ապա նա ամբողջովին կկոմպենսացնի հաճախորդի գումարը, իսկ եթե հաճախորդի մեղավորությունը կապացուցվի, ապա նա կմարի վարկի գումարը»,– ընդգծեց Գալստյանը։

«Մեր ուսումնասիրությունները ցույց են տվել, որ դեպքերի ճնշող մեծամասնությունը կա՛մ խաբեության զոհ են դարձել, կա՛մ ինքնուրույն են տրամադրել իրենց խիստ անձնական տվյալները, այն ինֆորմացիան, որ չէր կարելի 3–րդ կողմին տրամադրել։ Մեր օրերում մարդիկ ոչ միայն իրենց ֆիզիկական գույքի պահպանմանը պետք է ուշադիր լինեն, այլև վիրտուալ տիրույթում իրենց տրամադրված միջոցներին»,– ընդգծեց ԿԲ նախագահը։

Նա նշեց, որ հիմա կա խաբեության մեկ այլ տեսակ, երբ զանգահարում են, ներկայանում որպես այս կամ այն բջջային օպերատորի ներկայացուցիչ, ասում, որ ուզում են կարգավորել քաղաքացու համար 5G ինտերնետ ցանց, ապա բջջային հեռախոսին ուղարկում հաղորդագրություն։

«Քաղաքացին, երբ սեղմում է այդ հաղորդագրության վրա, զեղծարարներն անմիջապես ստանում են կոդ, որի միջոցով մուտք են գործում քաղաքացու բանկային հավելված, և այս պարագայում արդեն որևէ մեկը չի կարող կանխարգելել որևէ բան։ Այդ տեսանկյունից ես ձեզ խնդրում եմ` որևէ մեկին մի տվեք որևէ տվյալ, եթե համոզված չեք, որ դա բանկի կամ բջջային օպերատորի աշխատակից է. անջատեք հեռախոսն ու ինքներդ զանգեք օպերատորին կամ բանկին ու ճշտեք։ Մենք համատեղ պետք է պայքարեն խարդախության դեմ»,– վստահեցրեց Գալստյանը։

Ըստ նրա` լավ նորությունն այն է, որ խարդախության դեպքերի ծավալը գնալով նվազում է, քանի որ բանկերի հետ ԿԲ–ն պաշտպանության հետ կապված որոշակի գործողություն է իրականացրել։

«Եթե դեպքեր են եղել, երբ մեղավորությունը բանկինն է եղել, օրինակ` քաղաքացին զանգել է բանկ` ճշտելու համար, սակայն աշխատակիցը զանգերին չի պատասխանել, կամ բանկային պրոդուկտի արդյունքում եղել է բագ (սխալ, որն առաջացել է ծրագրի հետ աշխատելիս կամ կոդ գրելիս–խմբ.), որը զեղծարարների կողմից օգտագործվել է, այս դեպքերում բանկերը միանգամից գումարը մարդուն վերադարձրել են»,– վստահեցրեց Գալստյանը։

ԿԲ նախագահը նշեց նաև, որ շարունակում են ուսումնասիրություններն ու բանկերի հետ աշխատանքը` համակարգն էլ ավելի հուսալի դարձելու համար։

Հիշեցնենք, որ բազմաթիվ քաղաքացիներ մեկ տարի շարունակ պարբերաբար բողոքի ակցիաներ են անցկացնում` հայտարարելով, որ դարձել են կիբեռհանցագործության և զեղծարարության զոհ։

Telegram-ի և VKontakte-ի հիմնադիր Պավել Դուրովը լրագրող Թակեր Կառլսոնին տված հարցազրույցում , Լուրերի փոխանցմամբ,ասել է, որ գրեթե մեկ տարի է, ինչ բջջային հեռախոս չի օգտագործում։

«Ես ունեմ հեռախոս, բայց չեմ օգտագործում այն: Ես հեռախոս չեմ կրում, քանի որ կարծում եմ, որ դա շատ շեղում է: Ես նաև կարծում եմ, որ դա անապահով է՝ գաղտնիության առումով», - ասել է ձեռնարկատերը:

Գործարարը բացատրել է, որ Ֆրանսիայում ձերբակալվելուց հետո իր գաջեթն առգրավվել է, սակայն, ըստ նրա, մինչ այդ հեռախոսը շատ հազվադեպ է օգտագործել՝ շաբաթական առավելագույնը մի քանի անգամ՝ Telegram հավելվածում նոր տարբերակներ և գործառույթներ փորձարկելու համար։

Դուրովը հավելել է, որ եթե իրեն պետք է կենտրոնանալ, նախընտրում է օգտագործել նոութբուք կամ iPad։