Մակրոնը «թուլություն» է համարում այն, որ ԱՄՆ-ը հրաժարվում է Ուկրաինա զինվոր ուղարկել
Ֆրանսիայի նախագահ Էմանուել Մակրոնը «թուլություն» է անվանել ԱՄՆ իշխանությունների՝ Ուկրաինա զինվորականներ ուղարկելուց հրաժարվելը. այս մասին Մակրոնն ասել է գերմանական Frankfurter Allgemeine Zeitung պարբերականին տված հարցազրույցում։
«Դեռ 2022 թվականի գարնանը մեր ամերիկացի գործընկերները հայտարարել էին, որ զինվորներ չեն ուղարկի (Ուկրաինա- խմբ.): Մենք բազմիցս ասել ենք Մոսկվային, թե ինչ չենք անելու։ Դա թուլության նշան է»,- ընդգծել է նա։
Մակրոնն այս համատեքստում օգտագործել է «ռազմավարական երկիմաստություն» ձևակերպումը:
«Մենք պետք է նվազեցնենք մեր կախվածությունը, հատկապես ամերիկացիներից»,- հավելել է նա:
ՌԴ ԱԳ նախարար Սերգեյ Լավրովն ավելի վաղ հայտարարել էր, որ ԱՄՆ-ն և ՆԱՏՕ-ն ուղղակիորեն մասնակցում են Ուկրաինայի հակամարտությանը, այդ թվում՝ ոչ միայն զենքի մատակարարմամբ, այլև Մեծ Բրիտանիայի, Գերմանիայի, Իտալիայի և այլ երկրների տարածքում կադրերի պատրաստմամբ:
Նա նաև հայտարարել էր, որ ցանկացած բեռ, որը սպառազինություն է պարունակում Ուկրաինայի համար, կդառնա օրինական թիրախ Ռուսաստանի համար։
ՌԴ ԱԳ նախարարությունում ընդգծել են, որ ՆԱՏՕ-ի անդամ երկրները «կրակի հետ են խաղում»՝ զենք մատակարարելով Կիևի ռեժիմին: Կրեմլում ընդգծել են, որ Արևմուտքի կողմից Կիևին զենք մատակարարելը չի նպաստում ռուս-ուկրաինական բանակցությունների հաջողությանը և բացասական ազդեցություն կունենա:
Latest from Live24
- «Հայտարարագրումը չի չեղարկվել․ մի բան «տոնելուց» առաջ, ուշադիր կարդացեք»․ Նաիրա Կարապետյան
- «Բարսելոնայի» եկամուտները 2024/25 մրցաշրջանում ռեկորդ են սահմանել
- Նիկոլ Փաշինյանը երկօրյա աշխատանքային այցով կմեկնի Բրյուսել
- ՀԱՄԱՍ-ը հայտարարել է Իսրայելի հետ գերիների ցուցակների փոխանակման մասին
- 4 օտարերկրացիներին դանակահարողը հայտնաբերվել է «Զվարթնոց» օդանավակայանում
- Առաջին անգամ Էրեբունի թանգարանի տարածքից կմեկնարկի օդագնացության միջազգային փառատոնը
- Հայաստանի և Ադրբեջանի վարչապետները կմասնակցեն Թբիլիսիի «Մետաքսի ճանապարհ» համաժողովին
- «Զանգեզուրի միջանցքը»՝ Գաբալայի հռչակագրում
Լրահոս
Ֆոտո
