Երևանում ապրիլի 13-14-ին սպասվում է կարճատև անձրև, 15-16-ին անձրև, հնարավոր է նաև ամպրոպ։ Ապրիլի 17-ին սպասվում է առանց տեղումների եղանակ։ 

Հանրապետության տարածքում 13-14-ին, 17-ի գիշերը` առանձին շրջաններում, 15-16-ին շրջանների մեծ մասում օրվա ընթացքում սպասվում է անձրև, առանձին հատվածներում նաև ամպրոպ: Ապրիլի 17-ի ցերեկը սպասվում է առանց տեղումների եղանակ։

Ապրիլի 13-15-ին գիշերը լեռնային շրջաններում տեղումները կդիտվեն ձյան տեսքով։ Քամին՝ հարավարևմտյան՝ 5-8մ/վ:

Դերասանուհի Նազենի Հովհաննիսյանն Ինստագրամի իր էջում լուսանկարներ է հրապարակել շան՝ Լեդիի գետ և կից գրել․

«Իսկ որտե՞ղ է շունիկների գերեզմանը

Էս քանի օրը Լեդին երկար պառկում էր այգու էն մասում, որտեղ Հայրս էր մահացել: Անշարժ պառկում էր:

Մեկ էլ 2019- ին էր էդպես անում երկար, երբ նոր էր մահացել Հայրս, այգում՝ նույն տեղում...

Մեկնելուցս առաջ՝ 10 օր առաջ, երբ եկել էի հողամաս, հասկացա, որ շունս հիվանդացել է. վատ էր զգում, վատ ուտում... միայն իմ բերած համովություններից կերավ( հատուկ շների համար):

հոտո բժիշկն ասել էր՝ երկամային սուր անբավարարություն ունի, օրերի հարց է....(

Լուսադեմին հասա Հայաստան, իմ այգի , որտեղ շունչն ու կյանքն իմ Լեդին էր...ծաղկած մագնոլիայի մոտ՝ հազիվ կանգնած, նիհարած իմ Շունոն

Ինչ-որ ժամանակ հայրիկիս փրկած անցեղ շունն էս բոլոր տարիներին փրկում էր մեզ՝ կարոտի ճիրաններից, հուսահատությունից ու անվերադարձ կորուստների դառնահամից:

Լեդիս, իսկական լեդի ու հոգի՜՜՜

Ստիպում էր մի ամբողջ զբաղված ընտանիքի հավաքվել նույն տանիքի տակ՝ իբր իրեն կերակրելու առիթով: Միացնում էր մեզ: Հավաքում իրար գլխի:

Հաստատ ինքն էր անում: Պապայիս դրած ավանդույթն էր իրացնում: Ո՞վ կմտածեր, որ մի մատ շունն էդքան զորություն ունի:

իսկ ու՞ր են գնում շունիկների հոգիները... երևի գտնում են իրենց տերերին՝ այնկողմնային, ավելի լավ աշխարհում, որտեղ չկա կորուստ ու ցավ, կեղեքող կարոտ կամ անարդարություն, որտեղ չկան զրպարտություններ ու մատնություններ, որտեղ չկան դժբախտներ կամ դժբախտացնողներ:

Իմ Լեդին ԵՐՋԱՆԿՈւԹՅՈւՆ ԷՐ. պարզ, չորս ոտքանի երջանկություն, հասկացող աչքերով, էլեգանտ, ոտքը ոտքին գցող ու իմաստնաբար լռող Լեդին...

Լեդին, իր Տիրոջ՝ Հայրիկիս պես ապրեց ու գնաց ակնթարթում...

երբեք նեղություն չտվեց, չանհանգստացրեց, միայն շնորհակալ էր, որ կանք, ինչպիսին էլ լինեինք՝ շնորհակալ էր ու ներկա՝ մեր կողքին:

Լեդին՝ իսկական աղջիկ, որի համար հարևանի շները բրդակոտոր ցատկում էին ցանկապատից, որ հասնեն նրան ու մենք պաշտպանում էինք մեր աղջկան... ինքն էլ՝ մեզ:

Աննկատ չէր անցնի տան մոտով և ոչ ոք:

Լեդին, պապայիս շունը, նրան հավատարիմ ու նրա սերը՝ իր մեջ պահող մինչև վերջ:

իմ քաղցր Լեդին

քնեց՝ դառնալով հավերժի ճամփորդ

քնացրինք

ասում են էդպես էր ճիշտ, որ չտանջվի:

իսկ ո՞վ գիտի ապրողի՜ տանջանքը, որից հա խլում են իր սիրած հոգիներին...

և որտեղ է շունիկների գերեզմանը

չեմ հասկանում էլ ոչինչ

ու էս կորուստը չգիտեմ ոնց են անցնում

էլ ոչինչ չգիտեմ»։

Մկրտության արարողության ժամանակ արված խմբակային լուսանկարը` ուրիշի կնոջը սիրահետելու և «ծեծվելու» առիթ: «Փաստինֆո»-ի հաղորդմամբ` դեպքը տեղի է ունեցել 2024թ դեկտեմբերին, երբ համայնքի բնակիչները միասին մասնակցել են մկրտության արարողության, ապա` միասին լուսանկարվել, ինչից հետո արարողությանը մասնակից տղամարդկանցից մեկը սկսել է հաղորդագրություններ ուղարկել լուսանկարում պատկերված կնոջը, որն ամուսնացած էր, ապա` հանդիպումներ պահանջել:

Այդ ամենի մասին իմանալով` կնոջ ամուսինը կնոջ անունից պատասխանել է տղամարդուն և «ժամադրել» Արարատի մարզի Արտաշատ համայնքի Շահումյան բնակավայրում գտնվող «Աղաջանի վանք» կոչվող վայր, որը գտնվում է Երասխ-Երևան ավտոմայրուղուց շուրջ 700 մետր հեռավորության վրա: Պայմանավորվածության համաձայն տղամարդն այցելել է նշված վայրը, որտեղ նրան «դիմավորել» է կնոջ ամուսինը և ծեծի ենթարկել` հարվածներ հասցնելով ոչ միայն ձեռքերով և ոտքերով, այլև` փայտով: Ֆիզկական բռնությամբ, սակայն, նեղսրտած ամուիսնը չի բավարարվել. Որոշել է նաև գույքային վնաս հասցնել` կոտրելով նաև տղամարդու ավտոմեքենայի հողմապակին` հասցնելով նաև 51,000 դրամի չափով գույքային վնաս:

Դեպքի առթիվ նախաձեռնվել է քրեական վարույթ, որի շրջանակներում ամուսնուն մեղադրանք է ներկայացվել ՀՀ քրեական օրենսգրքի 166-րդ հոդվածի 2-րդ մասի 6-րդ կետով, այն է` առողջությանը ծանր վնաս պատճառելը, որն իրականացվել է զենքի կամ մարմնական վնասվածք պատճառելու համար նախապես պատրաստված առարկայի գործադրմամբ: Ամուսնու նկատմամբ որպես խափանման միջոց է կիրառվել տնային կալանքը` համակցված գրավով և բացակայելու արգելքով: Գործն այժմ Արարատի և Վայոց ձորի մարզերի ընդհանուր իրավասության դատարանի վարույթում է:

Վրաստանի վարչապետ Իրակլի Կոբախիձեն Անթալիայի դիվանագիտական ​​ֆորումի շրջանակում հանդիպել է Թուրքիայի նախագահ Ռեջեփ Թայիփ Էրդողանի հետ` ի թիվս այլնի քննարկելով իրավիճակը Հարավային Կովկասում:

Կողմերն ընդգծել են խաղաղության և կայունության առանձնակի կարևորությունը, հայտնում է 1tv.ge-ն։ 

Կոբախիձեն հաստատել է Վրաստանի պատրաստակամությունը՝ նպաստելու երկխոսությանը (Հայաստանի և Ադրբեջանի միջև-Խմբ.), որը կապահովի վստահության վերականգնումը և կայուն խաղաղությունը տարածաշրջանում։

Հանդիպմանը քննարկվել է նաև Վրաստան-Թուրքիա-Ադրբեջան եռակողմ ձևաչափի կարևորությունը։

Հայ Եկեղեցին Ս. Հարության տոնին նախորդող կիրակի նշում է Ծաղկազարդը, որը Քրիստոսի հաղթական մուտքն է Երուսաղեմ: Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի բարձր տնօրինությամբ Ծաղկազարդը հռչակվել է մանուկների օրհնության օր, քանի որ Տիրոջ՝ Երուսաղեմի տաճար մտնելու ժամանակ մանուկներն աղաղակում էին՝ ասելով. «Օրհնությո՜ւն Դավթի որդուն» (Մատթ. 21:15): Այդ օրը եկեղեցիներում կատարվում է Մանուկների օրհնության կարգ:

Հիսուսի մուտքը Երուսաղեմ ժողովուրդն ընդունել է խանդավառությամբ` ձիթենու և արմավենու ճյուղերի հետ իրենց զգեստները փռելով ճանապարհի վրա և աղաղակելով. «Օվսաննա՜ Բարձյալին, օրհնյալ լինի Նա, Ով գալիս է Տիրոջ անունով, օրհնյալ լինի մեր հոր` Դավթի թագավորությունը, որ գալիս է: Խաղաղություն երկնքում և Փառք բարձունքներում» (Մարկ. 11:9-10):

Ըստ Եկեղեցու հայրերի՝ Հիսուսի առջև հանդերձներ փռելը խորհրդանշել է մեղքերը Քրիստոսին խոստովանելը: Ոստեր և ճյուղեր ընծայելն ընդհանրապես առանձնակի պատիվներ և հանդիսավորություն էր նշանակում: Ձիթենին ընկալվել է որպես իմաստության, խաղաղության, հաղթանակի և փառքի խորհրդանշան: Մեռյալ Ղազարոսին հարություն տված Քրիստոսին ձիթենու և արմավենու ճյուղերի ընծայումը խորհրդանշում է մահվան հանդեպ հաղթանակը:

Ծաղկազարդը խորհրդանշում է նաև արարչության առաջին օրը, երբ Աստված ստեղծեց երկինքն ու երկիրը, և լույսը տարածվելով՝ հալածեց խավարը: 

Այս օրը խորհրդանշում է նաև առաջին ժամանակաշրջանը, երբ բույսերով ու ծաղիկներով զարդարվեց երկիրը, և Ադամն ու Եվան ուրախացան Դրախտում: Եվ ինչպես առաջին ժամանակաշրջանում Կայենը նախանձից սպանեց Աբելին, այդպես էլ հրեաները, չարը խորհելով, սպանեցին Քրիստոսին ու դարձան Կայենի անեծքի ժառանգորդները:

Ծաղկազարդի օրը՝ հրեական Զատկից հինգ օր առաջ, Քրիստոս Իր կամքով եկավ Երուսաղեմ՝ Իր չարչարանքների վայրը, որպեսզի ցույց տա, որ Ինքն է Աստծո Գառը, Ով կամենում է պատարագվել մեր փրկության համար: Քանզի, ըստ Օրենքի, հրեաները զատկական գառը Զատկի տոնից հինգ օր առաջ էին տուն տանում:

Ծաղկազարդի նախօրեին` շաբաթ օրը, կատարվում է նախատոնակ, բացվում է խորանի վարագույրը, իսկ հաջորդ օրը տոնական Ս. Պատարագը մատուցվում է բաց վարագույրով:

Ծաղկազարդի առավոտյան եկեղեցիներում օրհնում են ձիթենու կամ ուռենու ոստեր և բաժանում ժողովրդին: Ուռենու ոստերը, որոնք անպտուղ են, խորհրդանշում են հեթանոսներին, ովքեր պտղաբերեցին միայն Քրիստոսին ընծայվելուց հետո: Ոստերի փափկությունը խորհրդանշում է Քրիստոսի հետևողների խոնարհությունը: Ուռենու ճյուղերը մեր ընծաներն են Տիրոջը, ինչպես Ս. Ծննդյան օրն Արևելքից մոգերի բերած ընծաները:

Հիսուս Քրիստոս մուտք գործեց Երուսաղեմ որպես Թագավոր՝ խորհրդանշորեն ցույց տալով Իր՝ Փառքի թագավոր լինելը, Ով վերացնում է անեծքը և կենդանություն պարգևում: Հիսուս եկավ ավետարանելու աղքատներին, բժշկելու սրտով բեկվածներին, ազատելու գերիներին և տեսողություն պարգևելու կույրերին, ինչպես մարգարեացել էր Եսայի մարգարեն:
 

Անթալիայի դիվանագիտական համաժողովի ժամանակ ՌԴ ԱԳ նախարար Սերգեյ Լավրովին «դիվանագիտական ռոք աստղ» են անվանել։ Այս մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան Telegram-ի իր ալիքում։

«Այն, ինչ կատարվում է դահլիճում, հնարավոր չէ փոխանցել ո՛չ բառերով, ո՛չ լուսանկարներով։ Չնայած առցանց հեռարձակմանը, մարդիկ մի քանի շարքով կանգնած, հատակին նստած ցանկանում են անձամբ ներկա լինել… ձախողված «մեկուսացման» տրամաբանական արդյունքին։ Հանուն ինչի «բայդենոիդները» պայքարել են, դա էլ ստանում են», – նշել է Զախարովան։

Սլովակիայի մայրաքաղաք Բրատիսլավայում ընթացող հունահռոմեական ոճի ըմբշամարտի Եվրոպայի առաջնությունում այսօր՝ ապրիլի 12-ին, Օլիմպիական խաղերի ոսկե, կրկնակի արծաթե և բրոնզե մեդալակիր, աշխարհի քառակի, Եվրոպայի յոթակի չեմպիոն Արթուր Ալեքսանյանը (97 կգ) նվաճեց կիսաեզրափակչի ուղեգիր։

Քառորդ եզրափակչում Ալեքսանյանը 5:2 հաշվով հաղթեց իտալացի Նիկոլոս Կախելաշվիլիին և դուրս եկավ 2025 թվականի հունահռոմեական ըմբշամարտի Եվրոպայի առաջնության կիսաեզրափակիչ։

Կիսաեզրափակիչ գոտեմարտերի մեկնարկը կտրվի Երևանի ժամանակով 18։45-ին։ Մրցակիցը կլինի բուլղարացի Միլովը։

Լևոն Ազիզյան