Մեծ Բրիտանիան և չորս այլ երկրներ հայտարարել են, որ պատժամիջոցներ են սահմանում Իսրայելի կառավարության երկու ծայրահեղ աջակողմյան նախարարների՝ Իտամար Բեն-Գվիրի և Բեզալել Սմոտրիչի նկատմամբ։ Այդ մասին տեղեկացնում է BBC-ին։

Մեծ Բրիտանիայի հետ մեկտեղ՝ Կանադան, Ավստրալիան, Նոր Զելանդիան և Նորվեգիան պատժամիջոցներ են կիրառել Բեն-Գվիրի և Սմոտրիչի՝ Բենյամին Նեթանյահուի կոալիցիայի արմատական ​​ազգայնական կուսակցությունների առաջնորդների նկատմամբ։

Բենիամին Նեթանյահուի կառավարության այդ երկու նախարարներին այժմ կարգելվի մուտք գործել նշված երկրներ, իսկ նրանց ակտիվները կսառեցվեն։

«Իտամար Բեն-Գվիրը և Բեզալել Սմոտրիչը իսրայելցիներին հրահրում են բռնի ծայրահեղական գործողությունների և պաղեստինցիների նկատմամբ մարդու իրավունքների լուրջ խախտումների: Նման գործողությունները անընդունելի են», – ասված է Մեծ Բրիտանիայի արտաքին գործերի նախարար Դեյվիդ Լեմմիի և մյուս չորս երկրների նրա գործընկերների համատեղ հայտարարության մեջ:

«Մենք կշարունակենք պնդել Գազայում անհապաղ հրադադարի, ՀԱՄԱՍ-ի կողմից պատանդների անհապաղ ազատ արձակման, որը տեղ չունի Գազայի ապագա իշխանության կառուցվածքում, օգնության հոսքի ավելացման և երկու պետությունների միջև հակամարտության լուծման ուղղությամբ ձեռնարկվող քայլերի համար», – ասել է Լեմմին։

ՆԱՏՕ-ում ԱՄՆ-ի դաշնակիցները իրենք պետք է ապահովեն իրենց պաշտպանական կարողությունները, այդ թվում՝ զսպելու Ռուսաստանին։ 

Այս մասին ԱՄՆ Կոնգրեսի Ներկայացուցիչների պալատի հատկացումների հանձնաժողովում կայացած լսումների ժամանակ ասել է Պենտագոնի ղեկավար Փիթ Հեգսեթը։

Նրա խոսքով, այս ամենին զուգահեռ ԱՄՆ-ը շահագրգռված է նաև իր ներկայության մեծացմամբ հնդխաղաղօվկիանոսյան տարածաշրջանում, այսինքն՝ Եվրոպայից դուրս։

«ՆԱՏՕ-ի մեր դաշնակիցները Ռուսաստանին զսպելու տնտեսական ուժ ունեն: Երբ մենք մեր ուշադրությունը տեղափոխում ենք Խաղաղ օվկիանոս, մենք ակնկալում ենք, որ ՆԱՏՕ-ի մեր դաշնակիցները ավելի շատ ռեսուրսներ կհատկացնեն պաշտպանությանը, որպեսզի ստեղծեն ուժեղ զսպող վահան Եվրոպայում», - ասել է Հեգսեթը:

Նշենք, որ հունիսի 5-ին Բրյուսելում ՆԱՏՕ-ի պաշտպանության նախարարների հանդիպումից հետո Փիթ Հեգսեթը հորդորել է դաշնակիցներին ընտելանալ այն մտքին, որ «Ամերիկան ​​չի կարող և պարտավոր չէ միաժամանակ պաշտպանել բոլորին»։

Միաժամանակ նա նշել է, որ ՆԱՏՕ-ի անդամների ճնշող մեծամասնությունը համաձայնել է կատարել Վաշինգտոնի պահանջը՝ ազգային պաշտպանության ծախսերը հասցնել ՀՆԱ-ի 5%-ի։

«Իմ քայլը» հիմնադրամի գործադիր տնօրեն, ՀՀ վարչապետի տիկին Աննա Հակոբյանը սեպտեմբերին կմեկնի Չինաստան` երկամյա մագիստրոսական ծրագրով ուսանելու «Չինական փիլիսոփայություն» Պեկինի Նորմալ համալսարանում (Beijing Normal University)։ Այս մասին հայտնում են «Իմ քայլը» հիմնադրամից։

«Ծրագիրը դասավանդվում է անգլերենով և ներառում է չինական փիլիսոփայական դպրությունների, բարոյագիտության ու քաղաքական տեսության համակողմանի ուսումնասիրություն։ «Հերթական այցի ժամանակ, երբ գտնվում էի Չինաստանում ու տեսնում էի՝ ինչպես են մարդիկ ապրում այդ հզոր պետությունում, մտածեցի, որ մեր շատ խնդիրների պատճառը կրթական է»,– նշել է տիկին Հակոբյանը «Կրթվելը նորաձև է» շարժման մի քանի հանդիպումների ժամանակ։ Կրթությունը՝ որպես կյանքի մշտական ուղեկից (life-long learning) Հենց այս փորձառությունից տպավորված էլ՝ Աննա Հակոբյանը անցյալ տարի նախաձեռնեց «Կրթվելը նորաձև է» շարժումը, որն այս պահին արդեն ընդգրկում է մոտ 8000 մասնակից, և հասցրել է հանդիպումներ կազմակերպել Հայաստանի 19 համայնքներում։ Շարժման նպատակը անդադար կրթվելը (life-long learning) մեզանում վարակիչ դարձնելն է՝ հասցնելով Հայաստանի ամենահեռավոր գյուղերում ապրող մարդկանց: Ակադեմիական կյանքում տարիների դադարից հետո բարձրագույն կրթությունը շարունակելով Չինաստանում՝ տիկին Հակոբյանը նաև օրինակ է ծառայում։ Նրա համոզմամբ` մարդը պետք է մշտապես բաց լինի գլոբալ փորձի առջև, և այն տեղայնացնելով` ծառայեցնի հանրային ընդհանուր զարգացմանը։ Պեկինում Աննա Հակոբյանը կուսումնասիրի չինական փիլիսոփայության հիմնաքարային ուղղությունները, այդ թվում՝ կոնֆուցիոսականություն (Confucianism), դաոսականություն (Daoism), չինական քաղաքական փիլիսոփայություն, չինական բարոյագիտություն և այլն: Երբ փետրվարին սկսվեցին ընդունելության փուլերը` այդ թվում և հարցազրույցի հատվածը, պրոֆեսորադասախոսական կազմը հենց առաջին իսկ հարցազրույցից շատ տպավորվեց տիկին Աննա Հակոբյանի կրթվելու ձգտումով, իր պատասխաններով ու նպատակներով: Նրանց ջերմ խոսքերն ու բարձր գնահատականը էլ ավելի են պարտավորեցնում տիկին Հակոբյանին լավագույնս ուսանել և իր կրթությունը ծառայեցնել համընդհանուր նպատակի: Հայաստան–Չինաստան բարեկամություն՝ կրթության կամուրջ Տիկին Հակոբյանի այս նախաձեռնությունն ամրապնդում է Հայաստան–Չինաստան բազմամյա բարեկամությունը։ Չինաստանը և Հայաստանը հին քաղաքակրթություններ են՝ խորքային փիլիսոփայական և մշակութային ընդհանրություններով։ Աննա Հակոբյանի մագիստրոսական կրթությունը Չինաստանում միաժամանակ կարող է ծառայել որպես երկխոսության հարթակ՝ փոխադարձ հարգանքի, մշակութային փորձի փոխանակման և համագործակցության ամրապնդման համար։

«Կրթվելը նորաձև է» շարժման ոգեշնչող արդյունքներից է նաև Մարինե Հակոբյանի պատմությունը, ով մասնակցել է շարժման հանդիպումներին և, ոգեշնչվելով Աննա Հակոբյանի` ինքնակրթվելու, զարգանալու կոչով, որոշել է բաց թողած ուսումը լրացնել և Հայաստանում համալսարան ընդունվել։ Նա երազում է «Տարրական մանկավարժություն և մեթոդիկա» մասնագիտությամբ ուսանելու մասին: «Իմ քայլը» հիմնադրամը չէր կարող անտարբեր մնալ այս ոգեշնչող ու օրինակելի պատմության հանդեպ ու սատարում է Մարինե Հակոբյանին՝ իր նպատակին հասնելու ճանապարհին: Տեսնելով նրա ձգտումն ու պատրաստակամությունը` հիմնադրամը ողջ ճանապարհի ընթացքում լինելու է Մարինեի կողքին` հոգալով ուսման բոլոր ծախսերը, աջակցելով քննությունների նախապատրաստման, ընդունելության հարցերում: Մարինե Հակոբյանը ապրիլյան պատերազմում անմահացած Ժորա Եսայանի մայրն է: Հիմնադրամի նոր ծրագիրը Տիկին Հակոբյանի կրթական ուղուց, նման պատմություններից ներշնչված և ի աջակցություն «Կրթվելը նորաձև է» շարժմանը՝ «Իմ քայլը» հիմնադրամը շուտով կհայտարարի նոր ծրագրի մասին: Ծրագիրը նախատեսված է լինելու այն մարդկանց համար, ովքեր կյանքի բերումով, տարբեր պատճառներով կրթությունը որևէ մակարդակում կիսատ են թողել, բայց այսօր պատրաստ են շարունակել իրենց ուսումը` գնալով իրենց երազանքի հետևից։ Ծրագրի շրջանակում հիմնադրամը կտրամադրի ֆինանսական ու խորհրդատվական աջակցություն բոլոր ցանկացողներին՝ ևս մեկ անգամ հաստատելով` կրթվելը նորաձև է»,–ասված է հաղորդագրության մեջ։

Ասիայում և դրանից դուրս տարածվում է COVID-19-ի հարուցչի նոր տարբերակը։ Այս մասին հաղորդագրություն է տարածել Հիվանդությունների վերահսկման և կանխարգելման ազգային կենտրոնը։

COVID-19-ի նոր տարբերակը՝ NB.1.8.1-ը, որը նաև կոչվում է Nimbus, հայտնաբերվել է մի շարք ասիական երկրներում, այդ թվում՝ Հնդկաստանում, Հոնկոնգում, Սինգապուրում և Թաիլանդում: Այն Omicron ենթատարբերակի JN.1-ի ճյուղն է, Առողջապահության համաշխարհային կազմակերպության կողմից դիտարկվում է որպես Մոնիթորինգի տակ գտնվող տարբերակ:

Այն մինչ օրս տարածվել է 22 երկրներում: ԱՄՆ-ում այն հայտնաբերվել է Նյու Յորքում, Կալիֆոռնիայում, Արիզոնայում, Օհայոյում և Ռոդ Այլենդում:

Հաճախ հանդիպող ախտանշաններից են.

կոկորդի ուժեղ ցավը, որը նկարագրվում է որպես «սուր քերող ցավ», թույլ հազ, ջերմություն, մկանային ցավեր:

Վերջին 14 օրվա ընթացքում Հայաստանի Հանրապետությունում արձանագրվել է Կորոնավիրուսային հիվանդության 9 դեպք, ինչը նախորդ 14 օրվա համեմատ նվազել 5 դեպքով։

Թեստավորման դրական արդյունքների մասնաբաժինը վերջին 14 օրվա ընթացքում կազմել է 14%:

«ԱՀԿ-ն և ՀՀ ԱՆ ՀՎԿԱԿ-ը շարունակում են ուշադրության կենտրոնում պահել համաճարակային իրավիճակը, չնայած որ նշված շտամը հանրային առողջապահության համար վտանգ չի ներկայացնում, քանի որ ունի նույն ախտանշանները և վարակելիությունը, ինչ նախորդ շրջանառվող շտամները»,- ասված է հաղորդագրության մեջ:

Վայոց ձորի թեմի առաջնորդարանի նախաձեռնությամբ և ՀՀ ԿԳՄՍ նախարարության թույլտվությամբ սույն թվականի մայիսի 27-ից հունիսի 6-ը Պատմամշակութային ժառանգության գիտահետազոտական կենտրոնի արշավախումբը (արշավախմբի պետ՝ Մերի Սաֆարյան) պեղումներ իրականացրեց Նորավանքի Սբ. Աստվածածին (Բուրթելաշեն) եկեղեցու (կառ. 1339 թ.) դամբարանային կիսագետնափոր կառույցի ներսում։ Պեղումները կատարվեցին առաջիկայում տվյալ հատվածում իրականացվելիք մաքրման և բարեկարգման աշխատանքների շրջանակներում։

Նկատենք, որ ավելի վաղ սրահի հարավ-կենտրոնական մասում բացվել էր տապանաքարի ստորին կես։ Այդ սալատապանի վրա ակոսագծով մարդկային 2 պատկեր էր ուրվագծված, որը մասնագետներին թույլ էր տվել ենթադրելու տվյալ հատվածում երկու անձի հուղարկավորում։ Այս ենթադրությունը հաստատվեց պեղման ընթացքում։ Նախ բացվեց տարեց կնոջ կմախքը` մեջքի վրա պառկած, ձեռքերը որովայնին դրված, քրիստոնեական ծեսով թաղված։ Ստուգողական փոքրիկ փոսորակի շնորհիվ հնարավոր եղավ նաև հաստատելու առաջին թաղմանը կից երկրորդ թաղման առկայությունը։ Ենթադրաբար այս ննջեցյալը տղամարդ է։

Պեղումներով բացված աճյուններից վերցվել են համապատասխան փորձանմուշներ՝ լաբորատոր ուսումնասիրությունների նպատակով։ Համապատասխան չափագրումներից և անհրաժեշտ աշխատանքներն իրականացնելուց հետո թաղումները ծածկվել և բերվել են իրենց նախնական տեսքին։

Թեև պեղումներն ունեին փոքր ծավալ, սակայն արդյունքները գոհացուցիչ էին և ամբողջությամբ բավարար հետագա բարեկարգման նախագծի կազմման համար։ Նյութերի մշակվելուց և համապատասխան ուսումնասիրությունից հետո ամբողջական տվյալները հասանելի կլինեն հետազոտղներին և հետաքրքրվողներին։

Հարգելի հայրենակիցներ, գաղափարակից ընկերներ, այսօր ժամը 23:00-ին Մասիսի Սուրբ Թադեոս եկեղեցու բակից միասին ուղևորվում ենք օդանավակայան դիմավորելու Ամենայն Հայոց Վեհափառ Հայրապետին:

Այսօր՝ հունիսի 10-ին, ավտովթար է տեղի ունեցել Կոտայքի մարզում։ Ժամը 15։35-ի սահմաններում Մարմարիկ գյուղում բախվել են Գեղարքունիքի մարզի բնակիչ 21-ամյա Հայկ Վ․-ի վարած «Opel Astra» մակնիշի ավտոմեքենան և Կոտայքի մարզի բնակիչ 39-ամյա Հրաչյա Հ․-ի վարած «Sհacman» մակնիշի, հողով բարձված բեռնատարը, ինչի հետևանքով վերջինը կողաշրջվել է, իսկ հողը՝ թափվել։ 

Վթարի հետևանքով, ըստ նախնական տեղեկությունների, տուժածներ չկան։

Ավելին՝ սկզբնաղբյուրում։

Ռեֆորմիստների կուսակցության նախագահ Վահան Բաբայանի ֆեյսբուքյան գրառումը․

«Ֆեյսբուքով կաթողիկոս են փոխում մեր բոլորի աչքի առաջ

Ու սենց շարունակվելու դեպքում նա դա անելու է, քանի որ եթե իր ասածնեը սուտ են, ապա կաթողիկոսը դրա մասին գոնե մի բառ պետք է ասի, դե իսկ եթե ճիշտ է, իհարկե կարող է կատարվել աննախադեպ բան և իր կենդանության օրոք փոխվել Հայոց կաթողիկոսը:

Ըստ էության Փաշինյանը ստեղծում է նոր պետական-հոգևոր բարձրագույն խորհուրդ և շուտով կընտրի նոր ղեկավար եկեղեցու համար»։

Ֆրանսիայում՝ Նոժան-սյուր-Մար քաղաքում, դպրոցներից մեկի աշակերտը դանակով հարձակվել է դպրոցի աշխատակցի վրա, հաղորդում է BFM-ը։
Դեպքը տեղի է ունեցել դպրոցի մուտքի մոտ` պայուսակի ստուգման ժամանակ։ Չի հաղորդվում, թե արդյո՞ք մահացածը հարձակվողի ուսուցինչ է եղել։ Նա մահացել է ստացած վնասվածքներից մի քանի ժամ անց։

Դեռահասը վնասազերծվել է ստուգման ժամանակ ներկա գտնվող ոստիկանների կողմից։ Նրանցից մեկը ևս ստացել է դանակի թեթև վիրավորում:

BFM-ի տվյալներով՝ դեռահասը 14 տարեկան է և նախկինում ոստիկանության ուշադրության կենտրոնում չի եղել։ Նրա դրդապատճառները պարզ չեն։

Ֆրանսիայի դպրոցներում զենքի զանգվածային ստուգումներն սկսվել են մարտ ամսին, երբ Փարիզի արվարձաններում դպրոցականների միջև զանգվածային կռվի հետևանքով դանակի վերքից մահացել է մի դեռահաս։ Մարտից մինչև մայիս այդ ստուգումների ընթացքում առգրավվել է 186 դանակ, ձերբակալվել է 36 դպրոցական։

«Tasnim» գործակալությունը հունիսի 7-ին հայտնել էր, որ Իրանի տեղեկատվության (հետախուզության) նախարարությունը ենթադրաբար ստացել է Իսրայելի ատոմային ոլորտի վերաբերյալ գաղտնի փաստաթղթերի լայն ցանկ: Հաջորդ օրը Իրանի տեղեկատվության նախարար Իսմայիլ Խաթիբը փաստաթղթերը բնութագրեց որպես «հետախուզական տեղեկությունների մի ամբողջ գանձարան», որը թույլ կտա ամրապնդել երկրի հարձակողական ներուժը:

«Ստացված տվյալների մյուս մասը կապված է ռազմական և հրթիռային ծրագրերի (Իսրայելի. խմբ.), ինչպես նաև երկակի նշանակության գիտատեխնիկական նախագծերին առնչվող տեխնիկական փաստաթղթերի հետ»,-ասված է գերատեսչության հայտարարության մեջ: