Պետդեպարտամենտը չեղյալ է հայտարարել տարբեր երկրներում, այդ թվում՝ Հայաստանում, օտարերկրյա օգնության ծրագրերի ֆինանսավորումը, որը կազմում է 215 միլիոն դոլար։ Ինչպես փոխանցում է Ռիա Նովոստին, այս մասին հայտնում է ԱՄՆ կառավարության արդյունավետության դեպարտամենտը (DOGE) X սոցիալական ցանցում։
«Պետքարտուղար Ռուբիոն շարունակում է վերանայել Պետդեպարտամենտի արտաքին օգնությունը՝ այսօր չեղարկելով 215 միլիոն դոլար արժողությամբ 139 անարժեք դրամաշնորհ», ասվում է DOGE-ի էջում։
Բացի հայաստանյան նախագծից, կրճատվել են Պետդեպարտամենտի տարբեր ծրագրերի դրամաշնորհները Բելառուսում, Բուլղարիայում, Բրազիլիայում, Մեծ Բրիտանիայում, Ղրղզստանում, Լիբիայում, Մավրիտանիայում, Մոլդովայում, Թունիսում, Ուզբեկստանում և Շրի Լանկայում։
Փետրվարի 2-ին ԱՄՆ կառավարության արդյունավետության դեպարտամենտի (DOGE) ղեկավար Իլոն Մասկը ԱՄՆ Միջազգային զարգացման գործակալությանը (USAID) անվանել է «հանցավոր կազմակերպություն», որը «մահի կարիք ունի»։ Հաջորդ օրը նա հայտարարեց, որ ԱՄՆ նախագահ Դոնալդ Թրամփը համաձայնել է փակել գործակալությունը։ Փետրվարի 3-ին ԱՄՆ ՄԶԳ ադմինիստրատորի պաշտոնակատար նշանակված Ռուբիոն փետրվարի 5-ին ասաց, որ պաշտոնյաները «վերևից ներքև» կվերանայեն գործակալությունը՝ պարզելու, թե արդյոք ծրագրերի ֆինանսավորումը համապատասխանում է ներկայիս վարչակազմի արտաքին քաղաքականությանը, քանի որ ԱՄՆ ՄԶԳ-ն գումար է ծախսել «ի վնաս» Միացյալ Նահանգների: Նրա խոսքով, վերագնահատումից հետո որոշ դեպքերում օգնությունը կկասառեցվի կամ կավելացվի։
ԱՄՆ նախագահ Դոնալդ Թրամփը նշել է այն մարդկանց անունները, որոնց պատասխանատու է համարում Ուկրաինայում պատերազմ սկսելու համար։
Սալվադորի նախագահ Նայիբ Բուկելեի հետ Օվալաձև աշխատասենյակում հանդիպման ժամանակ ԱՄՆ նախագահը հայտարարել է. «Միլիոնավոր մահեր են տեղի ունեցել երեք տղամարդկանց պատճառով:
Ասենք՝ Պուտինը թիվ մեկն է, բայց ասենք Բայդենը, որը, գրողը տանի, չգիտեր, ինչ է անում, երկրորդն է: Իսկ Զելենսկին երրորդն է»,-գրում է գերմանական Bild պարբերականը:
Թրամփն այնուհետև կրկին քննադատել է Զելենսկին «պատերազմ սկսելու» և զենք խնդրելու համար. «Եթե պատերազմ ես սկսում, պետք է իմանաս, որ կարող ես հաղթել։ Դու պատերազմ չես սկսի քեզնից 20 անգամ ավելի հզորի դեմ, և հետո հույս ունենաս, որ քեզ հրթիռներ կտան»։
Ապրիլի 15-ին Հայաստանի Հանրապետության արտաքին գործերի նախարար Արարատ Միրզոյանը հեռախոսազրույց է ունեցել Ֆրանսիայի Հանրապետության Եվրոպայի և արտաքին գործերի նախարար Ժան-Նոել Բարոյի հետ։ Այս մասին հայտնում է ՀՀ ԱԳՆ-ն։
Զրույցի ընթացքում նախարարները քննարկել են Հայաստան-Ֆրանսիա երկկողմ գործընկերության օրակարգային հարցեր։
Նախարար Միրզոյանը ներկայացրել է տարածաշրջանում անվտանգային իրավիճակը և Հարավային Կովկասում խաղաղության հաստատմանն ուղղված շարունակական ջանքերը, այդ թվում՝ ընդգծելով Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի կնքման կարևորությունը: ՀՀ արտաքին քաղաքական գերատեսչության ղեկավարը բարձր է գնահատել այդ ուղղությամբ Ֆրանսիայի, այդ թվում՝ նախարար Բարոյի կողմից ցուցաբերված հետաքրքրությունը:
Հայաստանի ֆուտբոլի ազգային թիմի նախկին ավագ և «Ինտեր»-ի կիսապաշտպան Հենրիխ Մխիթարյանը խոսել է կարիերայի հնարավոր ավարտի մասին:
«Ես իսկապես երջանիկ եմ նրանով, ինչի հասել եմ ֆուտբոլային կարիերայիս այս փուլում: Հնարավոր է, որ դա այլևս չկրկնվի. հնարավոր է, որ մրցաշրջանի ավարտին ավարտեմ կարիերաս, բայց հենց հիմա ես պարզապես շատ ուրախ եմ այս ակումբում խաղալու և այն ամենի համար, ինչին մենք փորձում ենք հասնել»,- «Արմենպրես»-ի հաղորդմամբ` Մխիթարյանի խոսքերը փոխանցում է «Football-Italia»-ն:
Մխիթարյանի խոսքով 3-4 օրը մեկ խաղալը ավելի հաճելի է, քան շաբաթը մեկ անգամ խաղալը:
«Բոլոր մրցումներին մասնակցելը մեծ մոտիվացիա է տալիս շարունակելու: Մենք յուրաքանչյուր խաղին մոտենում ենք այնպես, կարծես դա վերջին խաղն է»,-ասել է հայ ֆուտբոլիստը:
Ֆուտբոլի Չեմպիոնների լիգայի քառորդ եզրափակիչ փուլի շրջանակներում Միլանի «Ինտեր»-ն ապրիլի 16-ին կհյուրընկալի Մյունխենի «Բավարիա»-ին, որին առաջին խաղում հաղթել էր 2:1 հաշվով:
ԱՄՆ նախագահ Դոնալդ Թրամփի վարչակազմն առաջարկել է կիսով չափ կրճատել ԱՄՆ պետքարտուղարության բյուջեն, կրճատել դիվանագետների և դեսպանատների թիվը, ինչպես նաև դադարեցնել միջազգային կազմակերպությունների, այդ թվում՝ ՄԱԿ-ի և ՆԱՏՕ-ի ֆինանսավորումը։ Այս մասին հաղորդել են Reuters և The Associated Press գործակալությունները:
Նրանք վկայակոչում են ԱՄՆ վարչաբյուջետային վարչության (Office of Management and Budget, OMB) փաստաթուղթը Պետքարտուղարության 2026 ֆինանսական տարվա բյուջեի վերաբերյալ, այսինքն՝ 2025 թ. հոկտեմբերի 1-ից: Ֆինանսավորումը պլանավորվում է կրճատել 50%-ով կամ շուրջ 30 միլիարդ դոլարով:
Reuters-ի տվյալներով՝ Սպիտակ տունն առաջարկում է փակել արտասահմանում ԱՄՆ-ի 10 դեսպանատուն և 17 հյուպատոսություն, հիմնականում՝ Աֆրիկայում և Եվրոպայում։ Կրճատումները կվերաբերեն ոչ միայն Պետքարտուղարությանը, այլև ԱՄՆ Միջազգային զարգացման գործակալությանը (USAID), որի գործառույթները փոխանցվել են արտաքին քաղաքական գերատեսչությանը։
Ըստ AP-ի՝ փաստաթուղթը նաև ենթադրում է ՄԱԿ-ի և ՆԱՏՕ-ի ֆինանսավորման դադարեցում, արտասահմանյան օգնության կիսով չափ կրճատում, արտերկրում առողջապահության ֆինանսավորման դադարեցում, բացառությամբ ՄԻԱՎ-ի, տուբերկուլյոզի և մալարիայի համար տրամադրվող փոքր գումարների:
Գործակալությունը նշում է, որ փաստաթուղթը կրում է նախնական բնույթ և, ամենայն հավանականությամբ, չի հաստատվի ո՛չ Պետքարտուղարության, ո՛չ ԱՄՆ Կոնգրեսի կողմից, որը պետք է հաստատի 2026 թ. պետբյուջեն։
ՄԱԿ-ի և ՆԱՏՕ-ի ֆինանսավորումը դադարեցնելու առաջարկի մասին գրել է նաև The New York Times թերթը, որը նույնպես ծանոթացել է փաստաթղթին։ Նրա վարկածով՝ նաև առաջարկվում է կրճատել միջազգային խաղաղապահ գործողություններին աջակցությունը, դադարեցնել արտերկրում իրականացվող բոլոր կրթական և մշակութային ծրագրերը։
Ապրիլի 14-ին՝ ժամը 9.47-ին, ոստիկանության Տավուշի մարզի օպերատիվ կառավարման կենտրոն «Այգեձոր» բժշկական կենտրոնից ահազանգ է ստացվել, որ Չինարի գյուղի 55-ամյա և 49-ամյա բնակիչ ամուսինները տանը հանկարծամահ են եղել։ Հայտնում են ՆԳՆ-ից:
Համայնքային ոստիկանության Տավուշի բաժնից օպերատիվ խումբ է մեկնել:
Նախնական տվյալներով՝ ամուսնինները մահացել են խոհանոցում եղած մարինացված վարունգի թթվից:
Արտաքին զննությամբ դիակների վրա բռնության հետքեր չեն հայտնաբերվել:
Կազմված փաստաթղթերը ներկայացվել են նախաքննական մարմին։
Ներմուծման մաքսատուրքերի փոխադարձ բարձրացման ֆոնին ԱՄՆ ֆինանսների նախարար Սքոթ Բեսենթը չի բացառում Միացյալ Նահանգների և Չինաստանի միջև առևտրային հարաբերությունների խզումը: Այս մասին նա ասել է Bloomberg TV-ին տված հարցազրույցում:
«Խզումը պարտադիր չէ, բայց նման բան կարող է տեղի ունենալ», – ասել է Բեսենթը։
Նախարարը նշել է, որ երկու երկրների միջև համաձայնության կարելի է հասնել, բայց ընդգծել է, որ Չինաստանի հետ համաձայնագիր կնքելն ավելի դժվար կլինի, քան մյուս երկրների հետ, քանի որ «Չինաստանն ինչպես մեր խոշորագույն տնտեսական մրցակիցն է, այնպես էլ մեր խոշորագույն ռազմական հակառակորդը»:
«Ինչ-որ պահի նախատեսվում է շատ բան անել», – հայտարարել է պաշտոնյան՝ հավելելով, որ ԱՄՆ նախագահ Դոնալդ Թրամփի սահմանած մաքսատուրքերը «կատակ չեն»:
«Դրանք մեծ թվեր են: Ես մտածում եմ, որ այն մարդիկ, որոնք կարծում են, թե դրանք կայուն են, չեն ցանկանում, որ դրանք մնան այդ նույն մակարդակին», – ասել է ԱՄՆ ֆինանսների նախարարը:
Ավելի վաղ նախագահ Դոնալդ Թրամփը սոցցանցերում գրել էր, որ ոչ ոք անպատիժ չի մնա, «հատկապես Չինաստանը, որն, անկասկած, մեզ ամենից վատ է վերաբերվում»։
Ապրիլի 12-ից Չինաստանը բարձրացրել է ԱՄՆ-ից ներմուծվող բոլոր ապրանքների նկատմամբ մաքսատուրքերը՝ հասցնելով դրանք 125%-ի։ Ապրիլի 10-ին ԱՄՆ նախագահ Դոնալդ Թրամփը Չինաստանից ներկրվող ապրանքների նկատմամբ մաքսատուրքերը բարձրացրել էր մինչև 145%:
Ներմուծման մաքսատուրքերի փոխադարձ բարձրացման ֆոնին ԱՄՆ ֆինանսների նախարար Սքոթ Բեսենթը չի բացառում Միացյալ Նահանգների և Չինաստանի միջև առևտրային հարաբերությունների խզումը: Այս մասին նա ասել է Bloomberg TV-ին տված հարցազրույցում:
«Խզումը պարտադիր չէ, բայց նման բան կարող է տեղի ունենալ», – ասել է Բեսենթը։
Նախարարը նշել է, որ երկու երկրների միջև համաձայնության կարելի է հասնել, բայց ընդգծել է, որ Չինաստանի հետ համաձայնագիր կնքելն ավելի դժվար կլինի, քան մյուս երկրների հետ, քանի որ «Չինաստանն ինչպես մեր խոշորագույն տնտեսական մրցակիցն է, այնպես էլ մեր խոշորագույն ռազմական հակառակորդը»:
«Ինչ-որ պահի նախատեսվում է շատ բան անել», – հայտարարել է պաշտոնյան՝ հավելելով, որ ԱՄՆ նախագահ Դոնալդ Թրամփի սահմանած մաքսատուրքերը «կատակ չեն»:
«Դրանք մեծ թվեր են: Ես մտածում եմ, որ այն մարդիկ, որոնք կարծում են, թե դրանք կայուն են, չեն ցանկանում, որ դրանք մնան այդ նույն մակարդակին», – ասել է ԱՄՆ ֆինանսների նախարարը:
Ավելի վաղ նախագահ Դոնալդ Թրամփը սոցցանցերում գրել էր, որ ոչ ոք անպատիժ չի մնա, «հատկապես Չինաստանը, որն, անկասկած, մեզ ամենից վատ է վերաբերվում»։
Ապրիլի 12-ից Չինաստանը բարձրացրել է ԱՄՆ-ից ներմուծվող բոլոր ապրանքների նկատմամբ մաքսատուրքերը՝ հասցնելով դրանք 125%-ի։ Ապրիլի 10-ին ԱՄՆ նախագահ Դոնալդ Թրամփը Չինաստանից ներկրվող ապրանքների նկատմամբ մաքսատուրքերը բարձրացրել էր մինչև 145%:
Իրանի և ԱՄՆ-ի միջև անուղղակի բանակցությունների հաջորդ փուլը տեղի կունենա ապրիլի 19-ին Մասկատում։ Այս մասին IRNA գործակալությանը հայտնել է Իրանի արտաքին գործերի նախարարության պաշտոնական ներկայացուցիչ Էսմայիլ Բաղային։
«Խորհրդակցություններից հետո որոշվել է, որ Մասկատը կմնա ապրիլի 19-ին կայանալիք բանակցությունների հաջորդ փուլի հյուրընկալող կողմը», – ասել է նա։
Ավելի վաղ Նիդեռլանդների արտաքին գործերի նախարար Կասպար Վելդկամպը հայտարարել էր, որ ԱՄՆ-ն և Իրանը իրանական միջուկային ծրագրի շուրջ ստեղծված իրավիճակի կարգավորման բանակցությունների հաջորդ փուլը կանցկացնեն Հռոմում։
Ապրիլի 12-ին Օմանում Թեհրանի և Վաշինգտոնի միջև Մասկատի միջնորդությամբ տեղի են ունեցել անուղղակի բանակցություններ իրանական միջուկային ծրագրի շուրջ ստեղծված իրավիճակի կարգավորման վերաբերյալ։ Իրանը ներկայացնում էր արտաքին գործերի նախարար Աբբաս Արաղչին, իսկ Միացյալ Նահանգները՝ նախագահի հատուկ բանագնաց Սթիվեն Ուիթքոֆը։
Ինչպես հայտնել են Իրանի Իսլամական Հանրապետության արտաքին գործերի նախարարությունից, հանդիպումն անցել է կառուցողական և հանգիստ մթնոլորտում։
Բայդենի վարչակազմի Ազգային անվտանգության խորհրդի Արևելյան Եվրոպայի և Ուկրաինայի նախկին տնօրեն Դեյվիդ Շիմերը բրիտանական The Guardian թերթի սյունակում ասել է, որ Ուկրաինային ԱՄՆ օգնության դարաշրջանն ավարտվել է:
Նրա խոսքով՝ Ուկրաինայի զինված ուժերը շուտով կսպառեն ԱՄՆ նախկին նախագահ Ջո Բայդենի վարչակազմի կողմից հատկացված 1,25 միլիարդ դոլարի օգնությունը, մինչդեռ ԱՄՆ ներկայիս նախագահ Դոնալդ Թրամփը դեռևս չի հաստատել Կիևին օգնության մեկ փաթեթ։
Շիմերն ընդգծել է, որ եթե անգամ Թրամփի քաղաքականությունը փոխվի, հասանելի գումարը բավարար չէ երկար ժամանակ Ուկրաինային աջակցությունը պահպանելու համար։
«Արդյունքում՝ ավարտվում է Ուկրաինային ԱՄՆ ռազմական օգնության դարաշրջանը»,- պարզաբանել է նախկին պաշտոնյան։
Նա կոչ է արել եվրոպական երկրներին շարունակել օգնություն ցուցաբերել Ուկրաինային։
Ֆոտո
