Հայաստանի Հանրապետության տարածքում փետրվարի 15-ին, 18-ի ցերեկը, 19-ին առանձին շրջաններում սպասվում է ձյուն։ Փետրվարի 16-17-ին, 18-ի գիշերը սպասվում է առանց տեղումների եղանակ: Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Քամին հարավարևելյան է, 2-5մ/վ արագությամբ, փետրվարի 17-19-ին սպասվում է քամու ուժգնացում 17-22մ/վ արագությամբ։ Օդի ջերմաստիճանը փետրվարի 15-ի ցերեկը կբարձրանա 3-5 աստիճանով։

Երևան քաղաքում փետրվարի 15-ի գիշերը և առավոտյան, 19-ին սպասվում է ձյուն։ Փետրվարի 15-ի կեսօրից հետո, 16-18-ին սպասվում է առանց տեղումների եղանակ:

Մայրաքաղաքում փետրվարի 15-ի ցերեկը կլինի 5-7 աստիճան տաքություն, իսկ երեկոյան ժամերին կգրանցվի -1...+1 աստիճան։

ՌԴ նախագահ Վլադիմիր Պուտինը քաղաքական գործիչների «ծանր քաշայինների» թիմ է հավաքում՝ Ուկրաինայի հարցով բանակցությունների համար, գրում է Bloomberg-ը։

Նշվում է, որ նրանց թվում են Յուրի Ուշակովը՝ արտաքին քաղաքականության հարցերով նրա գլխավոր խորհրդականը, ինչպես նաև Արտաքին հետախուզության ծառայության ղեկավար Սերգեյ Նարիշկինը։ Երկուսն էլ արդեն մասնակցել են 2022 թվականին Ուկրաինայի հետ խաղաղ բանակցություններին։

Նշվում է, որ բանակցությունների հարցով թիմում մեկ այլ առանցքային դեմք կարող է լինել Ռուսաստանի ուղղակի ներդրումների հիմնադրամի գործադիր տնօրեն Կիրիլ Դմիտրիևը, որը նախկինում կապեր է հաստատել Դոնալդ Թրամփի վարչակազմի հետ։

Այն, որ Պուտինը նախընտրում է հիմնականում հենվել հմուտ և փորձառու բանակցողների վրա՝ Ռուսաստանը ներկայացնելու համար ցանկացած բանակցություններում, հազիվ թե անակնկալ լինի: Կադրային ընտրություններն ընդգծում են, թե որքան վճռական է Ռուսաստանի ղեկավարը ցանկացած բանակցություններում բարենպաստ արդյունք ապահովելու հարցում, գրում է Bloomberg-ը։

Քաղաքական մեկնաբան Հակոբ Բադալյանի թելեգրամյան գրառումը․ «Դոնալդ Տրամպը արձագանքել է փոխնախագահ Վենսի ելույթին և հայտարարել, թե Եվրոպան չպետք է նեղանա այդ ելույթից, քանի որ Վենսը ասել է ճշմարտությունը: Տրամպը իր փոխնախագահի ելույթը որակել է «փայլուն»։

Այդ գնահատականը հաստատում է թերևս այն, ինչի մասին խոսեցի նախօրեին՝ անդրադառնալով Վենսի ելույթին: Այդ ելույթը բարձրաձայնել է փոխնախագահ Վենսը, բայց այն ըստ էության արտահայտում էր Տրամպի թիմային, այլ ոչ թե Վենսի անհատական մոտեցումները:

Վենսը անշուշտ հիմար պետք է լիներ, որպեսզի այդօրինակ ուժգին ելույթը, որն ըստ էության մարտահրավեր է ներկայիս Եվրոպայում դոմինանտ էլիտաներին, հնչեցներ առանց Տրամպի համաձայնության:

Իսկ Վենսը անշուշտ հիմար չէ»: 

Հակոբ Բադալյան

Հայաստանը հերքելու է Ադրբեջանի անհիմն պահանջները, ներառյալ՝ փոխհատուցման պահանջը: Այս մասին ասվում է Միջազգային իրավական հարցերով գրասենյակի տարածած հայտարարության մեջ։

Ավելի վաղ Ադրբեջանի ԱԳՆ–ն հայտնել էր, որ Բաքուն Հաագայի մշտական արբիտրաժային դատարան հայց է ներկայացրել Հայաստանի դեմ՝ փոխհատուցում պահանջելով շրջակա միջավայրին հասցված վնասի և Լեռնային Ղարաբաղի եզակի բնության իբր ոչնչացման համար։

«Հակառակ Ադրբեջանի պնդումների՝ ՄԱԿ-ի Շրջակա միջավայրի ծրագրի և այլ անկախ մարմինների զեկույցները փաստացի վկայում են, որ շրջակա միջավայրին հասցված վերջին տարիների վնասի պատասխանատուն հենց Ադրբեջանն է»,–ասվում է գրասենյակի տարածած հայարարության մեջ։

Նշվում է, որ Հայաստանը շարունակելու է վճռականորեն պաշտպանել իր դիրքորոշումը տվյալ վարույթում, քանի որ Ադրբեջանի ներկայացրած իրավական դիրքորոշումը հիմնված է Բեռնի կոնվենցիայի այնպիսի մեկնաբանության և կիրառման վրա, որը չի համընկնում դրա նպատակների և առարկայի հետ, այն է՝ խթանել պետությունների միջև համագործակցությունը՝ վայրի բուսական և կենդանական աշխարհը և դրանց բնական միջավայրերը պահպանելու համար։

Քաղաքագետ Գագիկ Համբարյանի ֆեյսբուքյան գրառումը․ «Դիմում եմ Գագիկ Ծառուկյանին։
Երեկվանից համացանցում ակտիվ տարածվում է տեղեկություն, որ Ադրբեջանի պահանջով Բելառուսի իշխանությունները ձերբակալել են բլոգեր Բելային (ազգանունը չգիտեմ)...

Պաշտոնական տեղեկություններ դեռ չկան և չեմ զարմանա, եթե Բելառուսի իշխանությունները այն չտարածեն և ծածուկ Բելային հանձնեն Բաքվին` Լապշինի օրինակով...

Բելայի հանձնումը Ադրբեջանին հերթական և շատ ծանր խայտառակությունը կլինի հայերիս համար, որը պետք է ամեն գնով կանխվի։ Այս պարագայում ամենահարմար թեկնածուն, ով կարող է այն կանխել և այդ հարցով բանակցել Բելառուսի իշխանությունների հետ Գագիկ Ծառուկյանն է, ում ընկերական հարաբերությունները Բելառուսի նախագահի հետ գաղտնիք չեն։
Պարոն Ծառուկյա'ն, ամեն հնարավորը արեք Բելայի հանձնումը Ադրբեջանին կանխելու համար. դրանով կկանխեք նաև Հայաստանի և հայության հերթական նվաստացումը»։

Գագիկ Համբարյան

ՀՀ իշխանությունները նախատեսում են ամբողջությամբ արգելել պոլիէթիլենային տոպրակների օգտագործումը։ Այս մասին Sputnik Արմենիայի հարցմանն ի պատասխան հայտնեցին շրջակա միջավայրի նախարարությունից։

Հարցման մեջ մենք հիշեցրել էինք, որ դեռ 2023 թվականին ՀՀ շրջակա միջավայրի նախարար Հակոբ Սիմիդյանը հայտարարել էր, որ նախատեսում է ընդհանրապես արգելել պոլիէթիլենային տոպրակների և պլաստիկ տարաների վաճառքը, քանի որ 2022-ին ընդունված մինչև 50 միկրոն հաստության տոպրակների վաճառքի արգելքը անարդյունավետ էր եղել։ Նաև նախարարությունից փորձել էինք ճշտել, թե 2023–ին առաջարկված նախագիծը ինչու չէր ընդունվել։

Նախարարությունից հայտնել են, որ շրջակա միջավայրի կողմից մշակվել և քննարկման փուլում է գտնվում «Առևտրի և ծառայությունների մասին» օրենքում փոփոխություն կատարելու մասին» նախագիծը, որի համաձայն նախատեսվում է արգելել մեկանգամյա օգտագործման պոլիէթիլենային պարկերի և տոպրակների օտարումը, ինչպես նաև առկայությունը, այսինքն՝ արգելքը կտարածվի նաև 50 միկրոնից ավելի հաստություն ունեցող պոլիէթիլենային պարկերի և տոպրակների վրա։

Բացառություն կկազմեն կշռափաթեթավորման համար օգտագործվող և երկրորդային հումքից արտադրված և աղբի համար նախատեսված պարկերը:

«Վերոնշյալ նախագծով նախատեսվում է արգելել նաև պլաստիկից կամ փրփրապլաստից պատրաստված մեկանգամյա օգտագործման սպասքի (ափսեներ, բաժակներ, գդալներ, պատառաքաղներ, դանակներ, ըմպելու կամ խառնելու համար նախատեսված ձողիկներ) օտարումը, ինչպես նաև առկայությունը», – ասվում է պատասխանի մեջ։

Նշենք, որ ՀՀ իշխանությունները նմանատիպ արգելք մտցնելու մասին հայտարարել էին դեռ 2024 թվականի հունվարի 1-ից (2025 թվականի համար), բայց դա չի արել։

Մյուս կողմից, 2023 թվականին ՀՀ շրջակա միջավայրի նախարարությունը Sputnik Արմենիայի հարցմանն ի պատասխան հայտնել էր, որ առաջին փոփոխությունները` արգելքը մինչև 50 միկրոն հաստության տոպրակների վաճառքի (2022 թվականի հունվարի 1-ից) վերաբերյալ, անարդյունավետ էր։

Հարցին, թե ի՞նչ հետևանքներ է ունեցել շրջակա միջավայրի համար տվյալ որոշումը, նախարարությունից չեն պատասխանել։

ՀՀ իշխանությունները որոշել են արգելել պոլիէթիլենային տոպրակների օգտագործումը։ Այս մասին «Սպուտնիկ Արմենիա»-ի հարցմանն ի պատասխան հայտնել են շրջակա միջավայրի նախարարությունից։
Հարցման մեջ լրատվականը հիշեցրել է, որ դեռ 2023 թվականին ՀՀ շրջակա միջավայրի նախարար Հակոբ Սիմիդյանը հայտարարել էր, որ նախատեսում է ընդհանրապես արգելել պոլիէթիլենային տոպրակների և պլաստիկ տարաների վաճառքը, քանի որ 2022-ին ընդունված մինչև 50 միկրոն հաստության տոպրակների վաճառքի արգելքը անարդյունավետ էր եղել։ Նաև նախարարությունից փորձել են ճշտել, թե 2023–ին առաջարկված նախագիծը ինչո՞ւ չէր ընդունվել։
Նախարարությունից հայտնել են, որ շրջակա միջավայրի կողմից մշակվել և քննարկման փուլում է գտնվում «Առևտրի և ծառայությունների մասին» օրենքում փոփոխություն կատարելու մասին» նախագիծը, որի համաձայն նախատեսվում է արգելել մեկանգամյա օգտագործման պոլիէթիլենային պարկերի և տոպրակների օտարումը, ինչպես նաև առկայությունը, այսինքն՝ արգելքը կտարածվի նաև 50 միկրոնից ավելի հաստություն ունեցող պոլիէթիլենային պարկերի և տոպրակների վրա։
Բացառություն կկազմեն կշռափաթեթավորման համար օգտագործվող և երկրորդային հումքից արտադրված և աղբի համար նախատեսված պարկերը:
«Վերոնշյալ նախագծով նախատեսվում է արգելել նաև պլաստիկից կամ փրփրապլաստից պատրաստված մեկանգամյա օգտագործման սպասքի (ափսեներ, բաժակներ, գդալներ, պատառաքաղներ, դանակներ, ըմպելու կամ խառնելու համար նախատեսված ձողիկներ) օտարումը, ինչպես նաև առկայությունը», – ասվում է պատասխանի մեջ։
Նշենք, որ ՀՀ իշխանությունները նմանատիպ արգելք մտցնելու մասին հայտարարել էին դեռ 2024 թվականի հունվարի 1-ից (2025 թվականի համար), բայց դա չի արել։
Մյուս կողմից, 2023 թվականին ՀՀ շրջակա միջավայրի նախարարությունը լրատվականի հարցմանն ի պատասխան հայտնել էր, որ առաջին փոփոխությունները` արգելքը մինչև 50 միկրոն հաստության տոպրակների վաճառքի (2022 թվականի հունվարի 1-ից) վերաբերյալ, անարդյունավետ էր։
Հարցին, թե ի՞նչ հետևանքներ է ունեցել շրջակա միջավայրի համար տվյալ որոշումը, նախարարությունից չեն պատասխանել։

Սրանք տարիներով խոսում էին, որ Սյունիքի «միջանցք» գոյություն չունի, այդպիսի երևույթ չկա, իսկ այսօր բացահայտ խոսում են այն հանձնելու մասին: Այս մասին տեսաուղերձի ժամանակ ասաց Բագրատ Սրբազանը:

«Ոչ մեկին հայտնի չէ, թե ինչ եղանակով են հանձնելու: Նրանք խոսում են ոչ միայն այդ միջանցքի, այլև՝ անկլավների մասին, որի մասին մենք տևական ժամանակ է զգուշացնում ենք:

Այսօր որևէ ձևով այլևս չեն կարողանում թաքցնել այն, որովհետև պարտադրված են այն իրագործել: Այս մարդիկ դեռ 2020թ-ից էին խոսում այդ մասին: Մենք, սակայն, իրավունք չունենք դա թույլ տալ, մենք այդ պատճառով ենք ոտքի կանգնել ու դարձյալ պետք է ոտքի կանգնեք, վերացնելու այս չարիքի շղթան»,- ասել է Բագրատ Սրբազանը:

Սաուդյան Արաբիայի արտգործնախարարությունը հայտարարել է, որ համաձայն է իր տարածքում անցկացնել ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի միջև հանդիպումը։

«Թագավորությունը ողջունում է Սաուդյան Արաբիայում գագաթնաժողովի անցկացումը և հաստատում է Ռուսաստանի և Ուկրաինայի միջև ամուր խաղաղության հասնելու իր մշտական ջանքերը»,-նշված է երկրի ԱԳ նախարարության հայտարարության մեջ։

Սաուդյան Արաբիայի ԱԳՆ-ն նաև դրական է գնահատել Թրամփի և Պուտինի միջև տեղի ունեցած հեռախոսազրույցը՝ ընդգծելով, որ երկխոսությունը կարող է նպաստել խաղաղության գործընթացին։

Փետրվարի 12-ին լրագրողների հետ զրույցում ԱՄՆ նախագահ Դոնալդ Թրամփը հայտարարել էր, որ Ռուսաստանի ղեկավար Վլադիմիր Պուտինի հետ իր հանդիպումը կարող է տեղի ունենալ Սաուդյան Արաբիայում: 

Արևային աստղագիտության լաբորատորիան տրամադրում է նաև գեոմագնիսական միջավայրի հավանականական կանխատեսում։ Այսպիսով, փետրվարի 15-ին հանգիստ մագնիտոսֆերայի հավանականությունը կազմում է 29%, մինչդեռ գեոմագնիսական խանգարումների հավանականությունը հասնում է 40%-ի, իսկ մագնիսական փոթորիկներինը՝ 31%-ի։ Սա նշանակում է, որ օրվա կեսից ավելին Երկիրը կլինի արեգակնային քամու ազդեցության տակ։

Փետրվարի 15-ին սպասվում է թույլ գեոմագնիսական փոթորիկ՝ 3 բալ ուժգնությամբ։ Այն կսկսվի Կրասնոյարսկի ժամանակով ժամը 9:00-ին եւ կտեւի ամբողջ օրը։

Չնայած այն հանգամանքին, որ փոթորիկը թույլ է, այն երկարատև է լինելու, ուստի եղանակի նկատմամբ զգայուն մարդկանց մոտ կարող են հայտնվել հետևյալ ախտանիշները՝ գլխացավ, գլխապտույտ, ճնշման անկում։

Ինչպես են մագնիսական փոթորիկները ազդում բարեկեցության վրա

Մագնիսական փոթորիկները կարող են տարբեր կերպ ազդել մարդկանց առողջության վրա։ Եղանակային զգայունության ամենատարածված ախտանիշները ներառում են.

գլխացավեր և միգրեն
արյան ճնշման բարձրացումներ
արագ սրտի բաբախյուն և սրտի ցավ
տրամադրության փոփոխություններ, դյուրագրգռություն, անհանգստություն
քնի խանգարումներ, անքնություն կամ քնկոտություն
կենտրոնացման և հիշողության վատթարացում
քրոնիկ հիվանդությունների սրացում