«Կարդացել եմ Ալեն Սիմոնյանի բարբաջանքները. ցավում եմ, որ նա չի ամաչում». Զատուլին

ՌԴ Պետդումայի պատգամավոր Կոնստանտին Զատուլինը թելեգրամյան իր էջում գրել է. «Արգելված անձի տարեգրությունը. օր երկրորդ.

Երկրորդ օրն ապրում եմ տպավորությունների տակ. մի ամբողջ «ՀՀ ԱԺ արտաքին կապերի վարչության պետը»՝ Ուկրաինայում Հայաստանի նախկին դեսպանը, «անցանկալի» հայտարարեց իմ այցը Հայաստանի Հանրապետություն։ «Ցավոք սրտի,- գրում է նա,- Հայաստանի Հանրապետության մասին ձեր վերջին հրապարակային հայտարարությունները վնասում են մեր պետությունների միջև բարեկամական և դաշնակցային հարաբերությունների զարգացմանը։
Կարճ ասած՝ Հեմինգուեյի նման, բայց առանց նրա ոճին բնորոշ հստակության։ Ի՞նչ հայտարարություններ. ո՞րն է վերջին շրջանը: Իսկ ինչպե՞ս կարողացա միայն իմ հայտարարություններով «վնասել մեր պետությունների հարաբերությունների զարգացմանը»։

Վարչապետ Նիկոլ Փաշինյանի հարազատներն ավելի շատախոս էին. կնոջ թերթում ինձ մեղադրում էին Լեռնային Ղարաբաղի պատերազմում կրած պարտության համար Հայաստանի կառավարությանը պատասխանատու համարելու և նրա տարածքով միջանցքներ ստեղծելու ծրագրերի մասին հարցը Հայաստանի վարչապետին վերահասցեավորելու համար (հետաքրքիր է՝ մի՞թե այդպես չէ): Պատգամավոր Հրաչյա Հակոբյանն, ով, ասում են, որ պարոն Փաշինյանի խնամին է, ուրախությամբ նշեց, որ այն փաստը, որ Հայաստանն այժմ միացել է Ադրբեջանին, որն ինձ 2010-ին պերսոնա նոն գրատա էր հայտարարել, վկայում է երկու երկրների ի հայտ եկած ընդհանրության մասին։

Ես էլ եմ այդպես կարծում. ընդհանրությունն ակներև է, «Կոզա Նոստրա». «Իմ գործերը անհամեմատելի են, իմ խոսքերը շքեղ են», - գրել է Դարեհը իր մասին երեք լեզվով մ.թ.ա. 5-րդ դարի Բեհիստունյան արձանագրության մեջ: Եվ հարցն էլ դա է»,- պարզ է, թե ինչու եմ պատժվել՝ Նիկոլ Փաշինյանը ոչ մի բանում մեղավոր չի կարող լինել:

Ինձ այնքան էլ չեն անհանգստացնում Նիկոլ Փաշինյանի և նրա համախոհների «վերջին շրջանի հրապարակային հայտարարությունները»: Ես եկել եմ այն ​​եզրակացության, որ նրանց «վերջին շրջանի» արարքները իսկապես բերում են Հայաստանի անջատմանը Ռուսաստանից, իսկ եթե ստացվի, ապա ռուս ժողովուրդին՝ հայ ժողովրդից։ Նրանք արդեն իսկ հանգեցրել են Հայաստանի իշխանությունների տարանջատմանը Լեռնային Ղարաբաղի հայերից։ Միայն Պուտինը գիտի, թե արդյոք մենք արդեն հասել ենք անվերադարձ կետին Հայաստանի իշխանությունների հետ հարաբերություններում։ Թերևս, դա կպարզաբանի հոկտեմբերի 31-ին Սոչիում կայանալիք հանդիպումը։

Ցանկանում եմ շնորհակալություն հայտնել ՀՀ Ազգային ժողովի պատգամավորներին, կուսակցություններին, հասարակական կազմակերպություններին և Հայաստանի, Ռուսաստանի և այլ երկրների հայազգի բոլոր հասարակ քաղաքացիներին, ովքեր երեկվանից ինձ աջակցության նամակներ են ուղարկում։ Դա շատ արժե: Խնդրում եմ մի կարծեք, որ ես, վիրավորված արգելքից, կփոխեմ իմ վերաբերմունքը եղբայրական քրիստոնյա հայ ժողովրդի նկատմամբ։ Ես չփոխեցի իմ վերաբերմունքը, նույնիսկ պատերազմի բռնկմամբ, եղբայրական ուկրաինացի ժողովրդի նկատմամբ, ինչի պատճառները շատ ավելի շատ էին։

Հայաստանն ու հայերին սիրելու համար պետք չէ հայ լինել։

Կոնստանտին Զատուլին
26 հոկտեմբերի, 2022 թ

P.S. Ես կարդացել եմ Ալեն Սիմոնյանի բարբաջանքներն իմ մասին, Մարգարիտա Սիմոնյանի, մանկուրտների և այլնի մասին։ Ցավում եմ, որ նա չի ամաչում»:

Աղբյուրը` Կոնստանտին Զատուլին