Իրանի ռազմավարական հարցերով փոխնախագահ Մոհամմադ Ջավադ Զարիֆն ասել է, որ Իրանի կառավարությունը որոշել է ճնշում չգործադրել կանանց վրա, «որոնք չեն ծածկում իրենց մազերը հանրության առջև»՝ որոշումը համարելով քայլ ճիշտ ուղղությամբ, գրում է Mehr-ը։
Զարիֆն այս մեկնաբանություններն արել է չորեքշաբթի՝ Դավոսի Համաշխարհային տնտեսական ֆորումում CNN-ի թղթակից Ֆարիդ Զաքարիայի հետ զրուցելիս:
«Եթե դուրս գաք Թեհրանի փողոցներ, կտեսնեք, որ կանայք չեն ծածկում իրենց մազերը։ Դա անօրինական է, բայց կառավարությունը որոշել է կանանց ճնշման տակ չդնել»,- ասաց նա։
Իրանի փոխնախագահի խոսքով՝ այս որոշումը պետության ղեկավար Մասուդ Պեզեշքիանի նախընտրական խոստումն էր, որն այժմ կատարվել է։
Զարիֆը բացատրել է, որ երկրի նախագահը որոշել է չկիրառել օրենքը, որը պատժում է այն կանանց, որոնք հրաժարվում են ծածկել իրենց մազերը հրապարակային պայմաններում: Որոշումը, ըստ նրա, ընդունվել է Իրանի ղեկավարության, այդ թվում՝ խորհրդարանի ղեկավարի, դատական համակարգի ղեկավարի, կառավարության և Ազգային անվտանգության խորհրդի համաձայնությամբ:
Զարիֆը նաև ասել է, որ կանանց ճնշման տակ դնելուց խուսափելու փորձը «բավարար չէ», բայց «ճիշտ ուղղությամբ քայլ է»։
2022 թվականի սեպտեմբերին Իրանում բողոքի ցույցեր բռնկվեցին՝ կապված երիտասարդ կնոջ՝ Մահսա Ամինիի սպանության հետ, որը կալանավորվել էր, քանի որ իր հիջաբը ազատ էր կրել: Բողոքի ցույցերն այնուհետև վերածվեցին զանգվածային անկարգությունների, որոնք հրահրվել էին օտարերկրյա կողմից աջակցվող տարրերի կողմից:
Պեզեշկիանը առաջադրվել է Իրանի նախագահի պաշտոնում՝ պաշտպանելով ներքին սոցիալական և տնտեսական բարեփոխումները և աշխարհի հետ ավելի կառուցողական ներգրավվածությունը:
0Comments