Եմենի հութի Անսար Ալլահ շարժումը հայտարարություն է տարածել Telegram-ում, որում հայտարարել է, որ հրթիռը արձակվել է «ի աջակցություն ճնշված պաղեստինցի ժողովրդին» և ասել, որ «օպերացիան հաջողությամբ հասել է իր նպատակին», հաղորդում է Al Jazeera-ն:
Հայտարարության մեջ ասվում է, որ հարձակման թիրախ է դարձել Թել Ավիվի Բեն Գուրիոն օդանավակայանը և Իսրայելի հարավում գտնվող «ռազմական հաստատությունը»:
Շարժումը նաև նշել է, որ բազմաթիվ բալիստիկ և թեւավոր հրթիռներով և անօդաչու թռչող սարքերով գրոհել են թշնամական ռազմանավերը Կարմիր ծովում, որոնց գլխավորում է «Truman» ավիակիրը:
«Վերջին մի քանի օրերի առճակատման և հակահարձակման գործողությունների արդյունքը եղել է թշնամու՝ իր ռազմանավերը դեպի Կարմիր ծովի հարավային հատված առաջխաղացման փորձերի ձախողումը և մեր երկրի դեմ ագրեսիան ծովից ռմբակոծելու միջոցով ընդլայնելու նրա բոլոր փորձերի ձախողումը»,- ասվում է շարժման հայտարարության մեջ։
0Comments